Новости за 20.01.2020

Занони афғон, ки 20 сол пеш дар аҳди Толибон аз ҳама ҳуқуқ маҳрум буданд, ҳоло назар ба ҳар вақти дигар мустақилтар шудаанд. Бо вуҷуди ин ронандагӣ дар байни занон ҳанӯз роиҷ нест. Лайлимо Эҳсон яке аз бонувони афғон аст, ки мехоҳад вазъро тағйир диҳад. Баъди гирифтани гувоҳиномаи ронандагӣ худаш барои занон мактаби ронандагӣ кушод. “Як сол мошин мерондам ва хонумҳои дигар алоқамандии зиёд нишон доданд. Онҳо гуфтанд, ба мо ёд бидеҳ”, -- афзуд ӯ. Лайлимо Эҳсон мегӯяд, ронандагӣ боварии занро ба... Читать дальше...

Шумораи онҳое, ки бо гумони узвият дар созмони мамнӯи "Ихвон-ул-муслимин" дар минтақаҳои гуногуни Тоҷикистон боздошт шудааст, дастикам 70 нафар будааст. Мақомот дар ин бора расман ҳеч хабар ва шарҳ намедиҳанд. Ду ҳафта пеш манобеи Радиои Озодӣ дар мақомоти интизомии Тоҷикистон аз боздошти 27 нафар хабар дода, гуфта буданд, ки эҳтимол ин рақам афзоиш ёбад.   Ду манбаи боварбахши Радиои Озодӣ дар мақомоти интизомӣ рӯзи 20-уми январ гуфтанд, давоми ду ҳафтаи ахир шумораи боздоштшудаҳо дар чаҳорчӯби парвандаи "Ихвон-ул-муслимин” бештар шудааст. Читать дальше...

Дар Афғонистон, ки занон ҳамчунон аз озодиҳои зиёде бархурдор нестанд ва бештар пойбанди мардон мондаанд, баъзе аз онҳо талош доранд, то дар мустақилтар шудани бонувон мусоидат кунанд. Лайлимо Эҳсон яке аз бонувонест, ки мактаби ронандагии хос барои занон боз кардааст ва онро як василае барои мустақилтар шудани занон дар Афғонистон медонад.

Кремл рӯзи 20-уми январ эълон кард, ки Додситони кулли Русия Юрий Чайка аз мақомаш канор меравад.  Хадамоти матбуотии Кремл гуфт, президент Владимир Путин муовини раиси Кумитаи тафтишот Игор Красновро барои кор дар палатаи болоии парлумон ба баррасӣ пешбарӣ кард. Ба гуфтаи мақомот, Юрий Чайка 68-сола аст ва аз соли 2006 ба инҷониб дар ин вазифа мебошад. Ӯ ин мақомро барои кори дигар номаълум тарк хоҳад кард. Пешниҳоди Путин чанд рӯз пас аз он ба миён меояд, ки қонунгузорон дар палатаи поёнии порлумон... Читать дальше...

Мақомоти интизомии Молдова як шаҳрванди Тоҷикистонро бо гумони узвият дар гуруҳи тундрави “Давлати исломӣ” дастгир кардаанд. Мақомоти ин кишвар рӯзи 20-уми январ гуфтанд, шаҳрванди 28-солаи Тоҷикистон ҳангоми убури марз бо шиносномаи қалбакии Украина боздошт шуд. Расонаҳои Молдова аз қавли мақомоти ин кишвар навиштаанд, шаҳрванди Тоҷикистон ҳангоми убур аз марз ҳаяҷонзада буд ва ин чиз шубҳаи марзбононро ба бор овард. Тафтиши санадҳои ин ҷавон нишон додааст, ки шиносномаи украинии ӯ қалбакӣ буда... Читать дальше...

Дар баъзе аз гузаргоҳҳои нави зеризаминӣ дар Душанбе пайроҳаи махсусеро барои ҳаракати аробаҳои маъюбӣ гузоштаанд. Аммо маълулон мегӯянд, ин пайроҳаҳо на ҳамеша барои фаромадану баромадан муносиб аст. Мақомот мегӯянд, барои расидагии бештар ба мушкили маъюбон дар як роҳи зеризаминии пойтахт аввалин лифтро дуруст мекунанд. Хосима Аюбзодаи 27-сола аз пойи равон маҳрум аст ва бо аробаи маъюбӣ гаштугузор мекунад. Вай хатмкардаи донишгоҳ аст ва дар вақтҳои холигиаш китоб ҳам менависад. Аммо мегӯяд,... Читать дальше...

Боздошти тақрибан 70 нафар бо иттиҳоми ифротгароӣ; Ҷаласаи васеи ҳукумат бо натиҷагирӣ аз кори соли 2019; Ронандагӣ дар байни занони афғон роиҷ мешавад; Нахустин лифт барои афроди маълул дар Тоҷикистон; Номи Андӣ дар хиёбони маъруфи Амрико дар Ҳолливуд.

Адам Шифф, намояндаи Маҷлиси Намояндагони Амрико аз Ҳизби демократ, Хадамоти махсуси Иёлоти Муттаҳидаро дар пешгирӣ кардани ҳуҷҷатҳои дархостшудаи Конгресс дар бораи Украина айбдор кардааст. Ин санадҳо ба пажуҳиши нобоварӣ ба президент Доналд Трамп вобастагӣ доранд. Додситони пешбарандаи кор ва ё роҳбари муҳокима дар миёни ҳафт қонунгузори Маҷлис рӯзи 19-уми январ ба расонаҳои Иёлоти Муттаҳида гуфт, Оҷонсии Амнияти Миллӣ ва Оҷонсии Иттилооти Марказӣ ё CIA “чунин менамояд, ки ба фишори давлати... Читать дальше...

Вакилони порлумони Тоҷикистон рӯзи 15-уми январ созишнома дар бораи сохтмони панҷ мактаби русиро дар кишвар қабул карданд. Ин санад пештар байни ҳукумати Тоҷикистон ва Русия ба имзо расида буд. Аммо баъзе аз вакилони тоҷик гуфтанд, дар ин мактабҳо на фақат таърихи Русия, балки таърихи Тоҷикистон омӯзиш дода шавад. Президенти Русия дар моҳи декабри соли гузашта гуфта буд, барои "мутобиқ кардани муҳоҷирон аз Осиёи Миёна" дар кишварҳои минтақа мактабу донишгоҳҳои русӣ фаъол шаванд.

Ҳоло аксар гузаргоҳҳои зеризаминӣ дар Душанбе, ки ба тозагӣ бунёд ва ё тармим шудаанд, пайроҳаи махсусе барои аробаи маъюбӣ низ доранд. Аммо на ҳамеша барои ҳаракати маълулон бо аробача муносиб аст. Маъбон аз набудани шароити муносиби гаштугузор шикоят доранд. Аммо масъулон мегӯянд, ки дар бунёди иншоотҳо ин нуқтаро ҳамвора ба инобат мегиранд. Дар ин росто, қарор аст дар яке аз гузаргоҳҳои зерзаминии Душанбе барои маъюбон лифт сохта шавад.

Эраҷ Наимов, маъмури пешини Вазорати корҳои дохилии Тоҷикистонро бо гумони даст доштан дар шиканҷаи сокини шаҳри Турсунзода Ҳасан Ёдгоров ба ҳабс гирифтаанд. Ду муфаттиши собиқ низ бо айни иттиҳом дар боздоштанд. Ҳасан Ёдгоров, сокини 36-солаи шаҳри Турсунзода, мегӯяд, бо айби Эраҷ Наимов ва ду ҳамроҳи дигараш 8 моҳ ҳамчун қотил дар боздошт буд. Вай иддао дорад, ки зери шиканҷа, аз ҷумла гузоштан ба барқ, ба айбномаи қатл ризоият додааст. Пайвандони муфаттишони собиқ ҳар гуна иттиҳомро рад мекунанд.

Мақомоти Хадамоти алоқаи Тоҷикистон гуфтанд, барои беҳтар кардани суръату сифати Интернет дар минтақаҳои дурдасту кӯҳии кишвар тарҳи махсусро омода кардаанд, ки як бахши он пурра гузаштан ба низоми 4G аст. Сокинони ноҳияҳои дурдаст аз набуди Интернет ва ё суръати ба қавли онҳо бениҳоят сусти он изҳори ташвиш доранд. Масъулони ширкатҳо мегӯянд, барои харидани таҷҳизоти нав сармояи кофӣ надоранд.   Илҳом Атоев, муовини раиси Хадамоти алоқаи Тоҷикистон, охири ҳафтаи гузашта ба Радиои Озодӣ гуфт, талош... Читать дальше...

Узбекистон тасмим дорад, то соли 2025 содироти гази табииро ба хориҷ қатъ кунад. Дар ин бора Абдулло Орипов, сарвазири Ӯзбекистон хабар дод. "То соли 2025 талош мешавад, ки содироти гази табиӣ ба хориҷ қатъ ва коркарди он дар дохили кишвар комилан ба роҳ монда шавад",-гуфт Орипов. Ба гуфтаи вай, то охири соли ҷорӣ ҳамаи масрафкунандагони захираҳои энержӣ бо ҳисобкунакҳои газу барқ таъмин мешаванд. Ин тадбир имкон медиҳад, ки захираҳои энержӣ сарфа шаванд ва мушкили марбут ба пардохтҳои ҳангуфти масрафи газу барқ ҳал гардад. Читать дальше...

Додгоҳи ноҳияи Свердлови шаҳри Бишкек имрӯз, 20-уми январ баррасии шикояти хонаводаи Матраимовҳо зидди бахши қирғизии Радиои Озодӣ, рӯзноманигор Алӣ Токтакунов ва сомонаҳои Kloop ва 24.kg-ро оғоз мекунад. Хонаводаи Матраимовҳо 9-уми декабри соли гузашта барои ҳифзи обрӯй ва шарафи худ зидди бахши қирғизии Радиои Озодӣ, рӯзноманигор Алӣ Токтакунов, сомонаҳои 24.kg ва Kloop.kg ба додгоҳ шикоят бурданд. Додгоҳ рӯзи дигар ҳисобҳои бонкии расонаҳо, ҷамъан ҳудуди 859 ҳазор долларро ба ҳабс гирифт. Вале дертар ин қарор бекор шуд. Читать дальше...

Вазорати кишоварзии Қазоқистон дар пайи афзоиши содироти бузу гусфанд ва гов ба Узбекистон дар соли гузашта 20-уми январ содироти чорвои зиндаро пурра манъ кард. "Афзоиши содироти чорвои зинда ба болоравии нархи гӯшт ва коҳиши кори ширкатҳои коркарди гӯшт дар Қазоқистон сабаб шудааст",-қайд намудааст вазорат дар иттилоияи худ. Ба огаҳии Вазорати кишоварзии Қазоқистон, иқтидори ширкатҳои мазкур дар соли 2019 ба ҳисоби миёна ним баробар поин рафтааст. Сабаби асосӣ камчин шудани маҳсулоти хом дар... Читать дальше...

Ба гуруҳи "Telegram"-и бахши узбекии Радиои Озодӣ навори садоие фиристода шудааст, ки дар он шунида мешавад, чи гуна дар Узбекистон як мансабдор ба тобеони худ суханҳои қабеҳ мегӯяд. Як корманди Нозироти андози ноҳияи Ромитани Узбекистон, ки наворро фиристодааст, гуфт, он моҳи сентябри соли гузашта дар яке ҷаласаҳои марбут ба ҷамъоварии андоз аз сокинони ноҳия сабт шудааст. Ҳамсуҳбати мо гуфт, дар навор раҳбари онҳо Нуралӣ Болтаев суҳбат мекунад. Дар он ҷаласа Болтаев нозир Азизбек Ашуровро барои кам ҷамъ кардани пули андоз дашном додааст. Читать дальше...

Абдулманап Нурмуҳаммадов, падари Ҳабиб - қаҳрамони UFC, шарти рақобати такрории писараш бо Конор Макгрегор, размикори ирландиро пардохти 100 миллион доллар гуфт

Дастаи «Истиқлол»-и Душанбе барои бозии даври дувуми марҳилаи пешакии Лигаи қаҳрамонҳои AFC (Конфедератсияи футболи Осиё)-2020 бо «Локомотив»-и Тошканд, 19-уми январ ба пойтахти Узбекистон омад. Бозии «Локомотив», ноиби қаҳрамони Узбекистон, бо «Истиқлол», қаҳрамони Тоҷикистон, рӯзи сешанбеи 21-уми январ дар варзишгоҳи “Локомотив”-и Тошканд баргузор мешавад. Ин бозиро, ки соати 15:00 оғоз меёбад, гурӯҳи ҳакамон аз Лубнон бо сарварии Ҳусейн Абу Яҳё доварӣ мекунанд. Ҳайати бошгоҳи футболи «Истиқлол»... Читать дальше...

Дар Бозиҳои III зимистонаи олимпии наврасон дар Лозаннаи Швейтсария баъди натиҷагирии даҳ рӯзи мусобиқот дастаи мунтахаби Русия бо касби 25 медал (7 нишони тилло, 10 нуқра ва 8 биринҷӣ) дар ҷойи аввал аст. Мунтахаби Швейтсария бо касби 16 медал (7 нишони тилло, 5 нуқра ва 4 биринҷӣ) ҷойи дувумро ишғол кардааст. Дастаи мунтахаби омехта, ки аз варзишгарони кишварҳои мухталиф таркиб ёфтааст, бо касби 15 медал (5 нишони тилло, 5 нуқра ва 5 биринҷӣ) дар ҷойи севум қарор дорад. То ҳоло варзишгарони... Читать дальше...

Чаҳор дастаи мунтахаби олимпӣ - Австралия, Арабистони Саудӣ, Кореяи Ҷанубӣ ва Узбекистон - ба даври ниманиҳоии қаҳрамонии  футболи Осиё миёни ҷавонони то 23-сола, ки дар Тайланд ҷараён дорад, роҳ пайдо кард. Дар бозиҳои чорякниҳоӣ, ки рӯзҳои 18-19-уми январ баргузор шуданд, Австралия бар Сурия ва Арабистони Саудӣ бар Тайланд бо ҳисоби якхелаи 1:0, Кореяи Ҷанубӣ бар Урдун бо ҳисоби 2:1 ва Узбекистон бар Имороти Муттаҳидаи Арабӣ бо ҳисоби 5:1 пирӯз шуданд. Дар нимфинали қаҳрамонии Осиё (U-23) рӯзи... Читать дальше...

Мутахассиси 44-солаи гурҷӣ Александр Дзабирадзе сармураббии нави дастаи мунтахаби миллии футзали Тоҷикистон таъйин гардид. Дар ин бора сомонаи расмии Федератсияи футболи Тоҷикистон (ФФТ) хабар додааст. Ба иттилои ин манбаъ, Дзабирадзе дар ин вазифа мутахассиси сербиягӣ Деян Дедовичро, ки мӯҳлати шартномааш бо ФФТ хотима ёфтааст, иваз намуд. Дедович фаъолияти мураббигиашро дар Имороти Муттаҳидаи Арабӣ идома хоҳад дод. Александр Дзабирадзе дар гузашта ба ҳайси бозигар дар бошгоҳҳои футзали «Полигран» (Маскав)... Читать дальше...

Мақомоти Яман гуфтанд, рӯзи 19-уми январ дар натиҷаи ҳамлаҳои мушакӣ ва зарбаи ҳавопаймоҳои бесарнишин дар вилояти Маъриби Яман бештар аз 100 сарбоз кушта шудаанд. Муҳаммад Ал-Ҳазромӣ, вазири умури хориҷии Яман ҳамлаҳоро, ки назди як масҷид ва ҳангоми намози шом сурат гирифт, "амали террористии номардонае" номид, ки тамоми суннату арзишҳои мазҳабӣ ва инсониро помол кардааст. Аммо Абдулло Маҷолӣ, сухангӯи артиши Яман гуфт, ки дар ҳамлаҳо 76 нафар кушта шудаанд. Мақомот ошӯбгарони ҳусиро, ки аз тарафи Эрон ҳимоят мешаванд... Читать дальше...