Новости за 05.01.2020

Порлумони Ироқ рӯзи 5-уми январ қатъномаро дар бораи берун кардани нирӯҳои хориҷӣ аз қаламрави ин кишвар қабул кард. Тасмим дар ҳоле гирифта шуд, ки ҳафтаи гузашта дар пайи ҳамлаҳои ҳавоии Амрико дар наздикии Бағдод фармондеҳи баландпояи Эрон Қосим Сулаймонӣ кушта шуд. Бино ба қатънома, аз ҳукумати Ироқ хоста шудааст, ки дархости қаблиашро аз Эътилофи байналмилалии зидди гуруҳи тундрави ДОИШ ба хотири хатми амалиёти ҳарбӣ ва даст ёфтан ба пирӯзӣ дар Ироқ бекор кунад. Аъзои Маҷлис гуфтаанд, ҳукумати... Читать дальше...

Масъулони Ҳизби сотсиал-демократи Тоҷикистон тасмим гирифтаанд, ки интихоботи порлумонии моҳи мартро таҳрим (бойкот) накунанд ва дастикам бо ҳашт номзад дар ин маъракаи сиёсӣ иштирок намоянд. Анҷумани ҳизб рӯзи 5-уми январ дар Душанбе баргузор шуд. Пештар як гуруҳ аз аъзои ҲСДТ гуфта буданд, ки гарави интихоботӣ, нақзи густардаи ҳуқуқи мардум, фасоди идорӣ, вазъи буҳронии иқтисод ва суистифодаи мансабдорону сарватмандон аз қонун онҳоро водор мекунад, аз иштирок дар интихобот даст кашанд. Баъзе... Читать дальше...

Рӯзи 5-уми январ дар вилояти Аҳвоз ба эҳтироми фармондеҳи кушташудаи нирӯҳои қудси Сипоҳи посдорони Эрон даҳҳо ҳазор нафар ҷамъ омадаанд. Қосим Сулаймонӣ рӯзи 3-юми январ дар ҳамлаи ҳавопаймои бесарнишини амрикоӣ дар Бағдод кушта шуд. Ҷасади ӯ субҳи якшанбе аз Ироқ ба Эрон интиқол ёфт. Эрон се рӯз мотами миллӣ эълон кардааст. Қарор аст, ҷасади ӯро пеш аз он ки рӯзи 7-уми январ дар зодгоҳаш Кирмон дафн кунанд, ба Машҳад ва Теҳрон мебаранд. Қосим Сулаймонии 62-сола дар раъси нирӯи қудс амалиёти... Читать дальше...

Тоҷикистону Афғонистон созиш дар бораи сохтмони роҳи оҳан миёни ду кишварро имзо кардаанд. Сухангӯи Вазорати нақлиёти Афғонистон рӯзи 5-уми январ ба Радиои Озодӣ  гуфт, бар асоси ин мувофиқатнома, қарор аст, Афғонистон аз тариқи хатти оҳани ноҳияи Ҷалолуддин Балхӣ аз Бандари Шерхон ба минтақаи Панҷи Поёни Тоҷикистон пайвандад. Ӯ гуфт, “мо ба воситаи ин хат бо Осиёи Миёна васл мешавем. Аз нигоҳ иқтисодӣ ба Афғонистон аҳамиёти зиёд дорад.” Бино ба ин созишнома, бояд таҳқиқи фаннӣ ва иқтисодии сохтмони роҳи оҳан... Читать дальше...

Вазири дифои Бритониё мегӯяд, нирӯҳои баҳрӣ киштиҳои нафткаши зери парчами ин кишварро дар Тангии Ҳурмуз ҳамроҳӣ хоҳанд кард. Бен Уоллес рӯзи 4-уми январ гуфт, дар ин бора ба нирӯҳои баҳрӣ дастур додааст. Уоллес афзуд, ҳукумати Бритониё барои муҳофизат аз киштиҳо ва ҳамватанони худ ҳама қадамҳои заруриро мебардорад. Ин изҳоорот аз сӯи вазири дифои Бритониё дар ҳоле иброз мешавад, ки нахуствазир Борис Ҷонсон мавриди интиқод қарор гирифтааст. Ӯро танқид мекунанд, ки дар мавриди кушта шудани фармондеҳи... Читать дальше...

Аъзои хонаводаи Абдуқодир аз роҳи ҳамлу нақли ғайриқонунӣ дар Осиёи Миёна миллионҳо доллар ба даст овардаанд. Акнун барои мо рӯшан шуда, ки ин пулҳо роҳ ба куҷо бурдаанд: хонаву иморатҳои боҳашамату муҷаллал, сохтмонҳои бошукӯҳ ва тарҳҳои бузурги сармоягузорӣ дар саросари ҷаҳон.

Тими "Истиқлол" барои баргузор кардани бозиҳои дӯстона бо дастаҳои "Қоқанд - 1912" ва "Пахтакор" ба шаҳри Тошканди Узбакистон сафар мекунад

Вазирони корҳои хориҷии Тоҷикистону Эрон "равобити дуҷониба, масоили муҳими минтақаӣ ва байналмилалӣ ва таҳаввулоти пас аз кушта шудани Қосим Сулаймонӣ, фармондеҳи нирӯҳои қудси Сипоҳи посдоронро" баррасӣ кардаанд. Сомонаи расмии Вазорати умури хориҷии Эрон ин хабарро рӯзи 4-уми январ нашр кард. Манбаъ гуфт, Муҳаммадҷавод Зариф ва Сироҷиддин Муҳриддин рӯзи шанбе гуфтугӯи телефонӣ доштанд. Ҷузъиёти суҳбат ошкор нашудааст. Мақомоти Вазорати корҳои хориҷии Тоҷикистон то ба ҳол дар ин бора хабар надодаанд.

Мақомоти Узбекистон марз бо Тоҷикистонро аз минаҳо пок кардаанд. Дар ин бора хабаргузории "Азия-Плюс" рӯзи 3-юми январ бо такя ба як манбааш дар бахши қудратии ҳукумати Тоҷикистон иттилоъ дод. Манбаъ гуфтааст, Узбекистон кумаки мутахассисони тоҷикро напазируфт ва бо нирӯву воситаҳояш марзро аз мина тоза кард. Созиш дар бораи поккории марзи Тоҷикистону Узбекистон аз минаҳо соли 2018 ба даст омада буд. Узбекистон охири солҳои 1990-ум бо нигаронӣ аз хавфи гузаштани ҷангҷӯёни Ҳаракати Исломии Узбекистон... Читать дальше...

Доналд Трамп – раиси ҷумҳури Амрико – гуфт, дар сурати ҳамлаи Эрон ба амрикоиҳо 52 маҳалро дар он кишвар ҳадаф қарор хоҳанд дод. Вай дар ин бора шаби 4-уми январ дар "Твиттер" ибрози назар кард. Мақомҳои эронӣ дар пайи кушта шудани Қосим Сулаймонӣ, фармондеҳи нирӯҳои қудси Сипоҳи посдорон аз интиқом сухан гуфта буданд. Трамп бо ишора ба ин ҳушдор дар "Твиттер" навишт: "Агар Эрон ба амрикоиҳо ё манофеи Амрико ҳамлае кунад, мо 52 маҳалли Эронро ҳадаф қарор хоҳем дод, ки бархе аз онҳо дар сатҳи... Читать дальше...

Додгоҳи шаҳри Душанбе рӯзи 3-юми январ эълони ҳукми Нурулло Наимов, раиси пешини тарҳи “Манзили дастрас” ва панҷ ҳамроҳи ӯро ба таъхир гузошт. Мақомот онҳоро барои аз худ кардани пули муштариён муттаҳам мекунанд. Ҷабрдидаҳо мегӯянд, бо умеди соҳиб шудан ба хонаҳои нисбатан арзон дороиҳои худро ба ин тарҳ доданд ва чанд сол боз иҷоранишину бесарпаноҳанд. Ҳанӯз маълум нест, баъд аз эълони ҳукми муттаҳамон оё соҳиби хона хоҳанд шуд ва ё пулашонро пас хоҳанд гирифт. Тафсилотро дар ин гузориши видеоӣ бинед.

Конор Макгрегор охирин бор тирамоҳи соли 2018 вориди майдони набард шуд ва аз ҳарифи худ размикори доғистонӣ Ҳабиб Нурмуҳаммедов шикаст хӯрд. Аз он замон то имрӯз Конор дар ҳасрати баргузор кардани рақобати такрорӣ бо Ҳабиб мебошад

Равшан Азизов, сокини 21-солаи ноҳияи Бобоҷон Ғафурови вилояти Суғд, баъд аз ду моҳи даъват ба артиш ва хидмат дар қисми "0438"-и нирӯҳои марзбонӣ дар шаҳри Хоруғ бар асари беморӣ даргузаштааст.  Мақомот мегӯянд, ӯ саратони гулӯву бинӣ буд. Пайвандонаш иддао доранд, ки Равшан Азизов пеш аз рафтан ба артиш ҳеч дард надошт ва зоҳиран дар шароити, ба гуфтаи онҳо, бади хидмат мариз шудааст. Коршиносон мепурсанд, ки агар ин ҷавон бемор буд, чаро ҳангоми фиристодан ба артиш табибон дақиқ накарданд. ... Читать дальше...