Пашиниён аз оғози марҳилаи дуввуми "инқилоб" сухан гуфт
Даҳҳо нафар аз арманиҳо бо даъвати нахуствазир Никол Пашиниён, пеши дарвозаҳои додгоҳҳои кишварро баста ба ҳамин навъ аз амри раҳоии Роберт Кочариён, раиси ҷумҳури пешин эътироз карданд.
Додгоҳи Арманистон амр дод, Роберт Кочариён, рақиби ашаддии Никол Пашиниён, ки ба ришвахорӣ ва талоши табаддулоти давлатӣ муттаҳам мешавад, аз боздошт озод карда шавад.
Рӯзи 20-уми май даҳҳо нафар дари Додгоҳи Ереванро бастанд. Ду рӯз пештар аз ин додгоҳ Роберт Кочариёнро бо замонати раҳбарони феълӣ ва собиқи Кӯҳистони Қаробоғ озод кард.
Никол Пашиниён, баҳори соли гузашта ва баъд аз он сари қудрат омад, ки Серж Саркиссиён, раиси ҷумҳури пешин аз мақомаш рафт. Ӯ рӯзи 20-уми май дар саҳифааш дар Фейсбук навишт, ки “Марҳилаи дуввум ва муҳимтарини инқилоби Арманистонро оғоз мекунад.” Ӯ афзуд, ки дар бораи “вазъи низоми додгоҳӣ ва ба дасти мардум додани ин соҳа” баёнияи муҳим медиҳад.