Қазияи заҳролудшавии ҷосуси пешини Русияро Скотланд Ярд пеш мебарад
Скрипали 66-сола ва духтари 33-солаи ӯ Юлия, дар бахши эҳёгарии бемористони Солсберӣ бистарӣ шудаанд. Би-би-сӣ аз қавли хешони Скрипал гуфтааст, ки баъзе аъзои оилаи ӯ солҳои ахир ба таври асроромез даргузаштанд.
Александ Скрипал, писари 44-солаи полковники пешини Идораи кулли истихборот Сергей Скрипал, соли гузашта аз бемории ношинос вафот кард, - навиштааст нашрияи The Times. Ба навиштаи нашрияи The Guardian, ҳамсари Скрипал соли 2012 дар фурсати кӯтоҳи баъди кӯч бастан ба Британия, аз бемории саратон фавтид. The Times мегӯяд, Юлия аз соли 2010, баъди табодули ҷосусҳо бо Русия, дар Британия зиндагӣ мекард. Аммо баъдан ба Русия баргашт ва дар PepsiCo Russia кор мекард. Ӯ ба Британия ба дидорбинии падараш омада буд.