Новости за 12.01.2022

Ministri i Punëve të Brendshme të Malit të Zi, Sergej Sekuloviq, ka përgëzuar autoritetet kompetente për një aksion të suksesshëm më 12 janar, ku u kapën qindra kilogramë kokainë. Ai nuk dha më shumë detaje për këtë aksion të zhvilluar në Podgoricë. Më herët gjatë ditës, deputeti nga partia në pushtet, Marko Millaçiq njoftoi përmes një postimit në Twitter se kishte pranuar fotografi të pakove me banane, ku besohet se ishte fshehur kokaina, nga punëtorët e një depoje të zinxhirit të dyqaneve “Voli”. Читать дальше...

Ministri i Jashtëm i Turqisë, Mevlut Cavusoglu, ka komunikuar shqetësimet e Ankarasë lidhur me trajtimin e minoritetit mysliman ujgur, gjatë takimit që ka pasur në Pekin me homologun e tij kinez, Wang Yi. “Ne shprehëm pikëpamjet, pritshmëritë dhe ndjeshmërinë tonë në lidhje me çështjet e agjendës tonë, veçanërisht për turqit ujgurë”, tha Cavusoglu pas takimit të 12 janarit, ku tha se palët kanë biseduar edhe për bashkëpunimin ekonomik. Qeveria kineze është akuzuar se ka ngritur një rrjet të kampeve të ndalimit... Читать дальше...

Zevëndësndihmës Sekretari amerikan i Shtetit për Evropën dhe Euroazinë, Gabriel Escobar tha se dhuna nuk është mjet për marrjen nën kontroll të një partie politike, teksa dënoi dhunën e fundjavës së kaluar në selinë e Partisë Demokratike të Shqipërisë. Më 8 janar, ish-presidenti i Shqipërisë, Sali Berisha organizoi një protestë pranë selisë së Partisë Demokratike, në përpjekje për të marrë kontrollin e saj. Ai është përjashtuar nga kjo parti, pasi Shtetet e Bashkuara e shpallën atë person non grata... Читать дальше...

Katër gra izraelite, që kishin dërguar fotografi dhe informacione të tjera te një operativ iranian, janë akuzuar për spiunim për Iranin, tha agjencia e inteligjencës së Izraelit. Gratë, që sipas mediave lokale janë të gjitha migrante hebreje nga Irani, po akuzohen për “krime të rënda”, tha më 12 janar agjencia izraelite për siguri, Shin Bet.   Operativi iranian, një burrë i quajtur Rambod Namdar, fillimisht kishte kontaktuar gratë përmes Facebook-ut, ku ishte paraqitur si një hebre iranian, tha Shin Bet. Читать дальше...

Presidenti i Kazakistanit, Qasym-Zhomart Toqaev, tha se trupat e Organizatës të Traktatit për Siguri Kolektive (CSTO) – organizatë që udhëhiqet nga Rusia – do të nisin të largohen nga vendi më 13 janar. Trupat e kësaj organizate ishin thirrur për të ndihmuar në stabilizimin e situatës në Kazakistan, shtet që është përballur me trazira që u nxitën nga rritja e çmimeve të karburanteve u shndërruan në vdekjeprurëse, në mes të një përballjeje me besnikët e ish-presidentit, Nursultan Nazarbaev. Në një deklaratë të lëshuar më 12 janar nga CSTO ... Читать дальше...

Zëvendëskryeministri në detyrë i Maqedonisë së Veriut, Nikolla Dimitrov, deklaroi se në bisedimet me Bullgarinë po diskutohen çështje që kanë të bëjnë me identitetin maqedonas, gjuhën dhe aspekte tjera historike. Ai tha se diskutime të tilla janë në dëm të interesave kombëtare dhe shtetërore. Dimitrov i bëri këto pretendime gjatë një konference për media të mërkurën, vetëm katër ditë para se të largohet nga detyra, pasi nuk do të jetë pjesë e Qeverisë se re maqedonase, që pritet të zgjidhet më 16 janar. Читать дальше...

Nëse Bitcoin do të ishte shtet, ai do të renditej ndër 30 të parët në botë për përdorim të energjisë. Është struktura e decentralizuar e Bitcoinit ajo që e bën atë të harxhojë aq shumë rrymë. Ju shpjegojmë se si ndodh kjo.

Mbi 74 milionë euro llogaritet vlera e të hyrave vetëm nga tarifat e shërbimeve dhe komisioneve në 11 bankat komerciale që operojnë në Kosovë. “Vlera e të hyrave të bankave nga jointeresi deri në muajin nëntor të vitit 2021, ishte 78.3 milionë euro. Nga kjo shumë, 74.4 milionë euro janë të hyra nga tarifat dhe komisionet, dhe 3.9 milionë nga të ardhurat tjera operative”,  thuhet në një përgjigje për Radion Evropa e Lirë nga zyrtarë të Bankës Qendrore të Kosovës.  Disa nga institucionet financiare... Читать дальше...

Sekretari i Përgjithshëm i NATO-s, Jens Stoltenberg, ka hedhur poshtë krahasimet midis ndërhyrjes së kësaj Aleance në Kosovë më 1999 dhe situatës aktuale në Ukrainë. “Është ide e gabuar se shpërbërja e ish-Jugosllavisë nisi me ndërhyrjen e NATO-s. NATO atje ndërhyri për të ndalur krimet në Kosovë. Në atë kohë Jugosllavia veçse ishte shpërbërë”, tha Stoltenberg kur u pyet nga gazetarët në Bruksel nëse ndërhyrja e Aleancës më 1999, pa rezolutë të Këshillit të Sigurimit të Kombeve të Bashkuara shkaktoi shpërbërjen e Jugosllavisë. Читать дальше...

Flora, njëzet vjet pas luftës në Kosovë, është bindur të aplikojë për sigurimin e statusit të viktimës së dhunës seksuale të luftës. Megjithatë, dokumentet dhe dëshmitë e paraqitura para një komisioni qeveritar nuk e kanë bindur atë për dhunën që Flora thotë se ka përjetuar në vitin 1999. Ajo thotë se gjatë luftës, në prani të nënës dhe motrës së saj, është përdhunuar nga forcat e policisë serbe. “Kam aplikuar [për statusin e viktimës së dhunës seksuale] në vitin 2019. Vendimi më është kthyer negativ. Читать дальше...

Kosova ka regjistruar një viktimë dhe 424 raste të reja me koronavirus, njoftoi Ministria e Shëndetësisë më 12 janar. Rastet e reja dolën pas testimit të 6,360 mostrave, që i bie se 6.6 për qind e të testuarve rezultuan pozitiv në koronavirus. Sipas njoftimit, në 24 orët paraprake u shëruan edhe 89 pacientë, ndërkaq raste aktive me koronavirus janë 2,417. Në 24 orët paraprake, autoritetet shëndetësore kanë administruar 3,189 doza të vaksinës kundër koronavirusit. Që prej fillimit të fushatës së imunizimit... Читать дальше...

Kompania farmaceutike Pfizer dha se dozat e saj përforcuese kundër COVID-19 mund të administrohen së bashku me vaksinën kundër pneumonisë, dhe ky kombinim vaksinash, sipas kësaj kompanie, prodhon një përgjigje më të fortë dhe më të sigurt imunitare. Pfizer tha se këto të dhëna dalin te studimet e kryera te personat mbi 65 vjeç dhe se studimi është në fazën e fundit. Në studimin, që nisi në muajin maj, kompania ka testuar vaksinën e gjeneratës së ardhshme pneumokokale të quajtur PREVNAR 20 dhe... Читать дальше...

Bashkimi Evropian duhet të ndërmarrë hapa konkretë në përgjigje ndaj grumbullimit të trupave nga Rusia në kufi me Ukrainën, tha të mërkurën shefi i diplomacisë së BE-së, Josep Borrell. Propozimet ruse sesi të zgjidhet tensionimi i situatës “bie ndesh me parimet e arkitekturës së sigurisë evropiane”, tha Borrell, teksa foli para takimit në Francë të ministrave të Jashtëm dhe të Mbrojtjes së BE-së. Ai e akuzoi Moskën për “kërcënim të hapur” për veprime ushtarake, nëse këto kërkesa nuk plotësohen. Читать дальше...

Provinca kanadeze, Kuebek, do të shtojë një taksë shëndetësore për banorët që nuk janë të vaksinuar kundër koronavirusit. Kuebek, rajon i cili është përballur me shifrat më të larta të vdekjeve me koronavirus në Kanada, aktualisht po përballet me rritje të shkallës së infektimit. Zyrtarët e këtij rajoni kanë thënë se do të jenë të parët që penalizojnë financiarisht të pavaksinuarit. Vetëm rreth 12.8 për qind e banorëve të Kuebekut nuk janë të vaksinuar, mirëpo ata përbëjnë gjati gjysmën e të gjithë pacientëve të shtrirë nëpër spitale. Читать дальше...

Ministri i Financave dhe Transfereve në Kosovë, Hekuran Murati, ka thënë të mërkurën në një konferencë për media se në Kosovë nuk do të ketë më pensione nën 100 euro. Vendimi për rritjen e pensioneve është marrë në mbledhjen e parë të Qeverisë së Kosovës, për këtë vit. Në kuadër të Pakos së Qeverisë për Ringjallje Ekononike, autoritetet në Kosovë patën rritur pensionet në Kosovë, që ishin nga 75 deri në 90 euro, në shumën prej 100 eurosh. Personat me aftësi të kufizuara kanë marrë pension prej 75 eurosh... Читать дальше...

Bisedimet për siguri mes Perëndimit dhe zyrtarëve rusë, janë bartur të mërkurën, 12 janar, në selinë e NATO-s në Bruksel, ndonëse ka pritje të pakta për përparim. Përfaqësuesit e 30 vendeve anëtare të NATO-s dhe Rusia, kanë nisur takimet në kuadër të Këshillit NATO-Rusi, me qëllim të uljes të tensioneve në kufirin me Ukrainën. Ky takim zhvillohet pas rundit të parë të bisedimeve mes Shteteve të Bashkuara dhe Rusisë në Gjenevë, më 10 janar. Këto bisedime nuk kanë rezultuar me ndonjë marrëveshje. Читать дальше...

Lideri verikorean, Kim Jong Un, e ka vëzhguar testimin e raketës hipersonike dhe ka bërë thirrje sërish që të forcohet ushtria e Koresë Veriore, ka raportuar media shtetërore KCNA më 12 janar. Pas shikimit të testimit më 11 janar, Kim u ka bërë thirrje shkencëtarëve që të rrisin përpjekjet për të forcuar ushtrinë, si në aspektin e kualitetit ashtu edhe të numrit të saj”, ka raportuar agjencia verikoreane e lajmeve. Sipas agjencisë, raketa ka bartur pajisje hipersonike dhe ka goditur shënjestrën në det, në distancë prej 1,000 kilometrash. Читать дальше...

Gjermania dhe Bullgaria kanë regjistruar shifra rekorde të infektimit me koronavirus, ndërkohë që Organizata Botërore e Shëndetësisë (OBSH) ka paralajmëruar për një valë të përhapjes së madhe të variantit Omicron në gjithë kontinentin evropian. Autoritetet gjermane kanë raportuar më 12 janar për 80,430 raste të reja me koronavirus – njëherësh rekord ditor, prej shpërthimit të pandemisë. Shifra totale e rasteve të infektimit në Gjermani tani ka arritur në 7,661,811. Më 12 janar është raportuar për 384 raste... Читать дальше...

Tenisti serb, Novak Gjokoviq e ka pranuar se ka gabuar kur ka vendosur të intervistohet nga një gazetar francez, ndonëse ka qenë i infektuar me koronavirus. Ai e ka pranuar po ashtu se një anëtar i stafit të tij ka bërë deklarata të rreme para Qeverisë australiane rreth historisë së tij të udhëtimit. Në deklaratë është thënë se ai nuk ka udhëtuar në 14 ditët e fundit askund, para se të mbërrinte në Australi, mirëpo ai ka qenë edhe në Serbi, para se të nisej nga Spanja. Megjithatë, Gjokoviq... Читать дальше...

Qeveria e Kosovës njoftoi se nëntë udhëtarët që u lënduan në një aksident në Serbi të një autobusi nga Kosova, janë jashtë rrezikut për jetë. Autobusi i linjës Prishtinë-Grac ka ndodhur rreth orës 22:00 në Kupci të Madh afër Krushevcit në Serbi.  “Kompania e udhëtimit ka nisur një autobus tjetër që t’i marrë udhëtarët që të vazhdojnë udhëtimin për në Graz.  Zyrtari ynë ndërlidhës është rrugës për në spitalin e Krushevcit për t’i vizituar të lënduarit”, tha Qeveria e Kosovës. Ekzekutivi tha... Читать дальше...