Новости за 24.09.2021

Ministria e Mbrojtjes në Kosovë përmes një deklarate i ka përgënjeshtruar informacionet se Forca e Sigurisë së Kosovës (FSK) është duke përgatitur trupa për ndërhyrje në veri të Kosovës. Ministria i quajti të pavërteta dhe qëllimkëqija informacionet, duke thënë se këto “dezinformata janë shpërndarë në mesin e qytetarëve të pjesës veriore dhe janë publikuar nga mediumet”. “Dezinformatat se, kinse FSK është duke përgatitur trupa ushtarake për ndërhyrje në Veriun e Kosovës, janë plotësisht të pavërteta... Читать дальше...

Shtetet e Bashkuara dënojnë ashpër deklaratat e një zyrtari taliban, i cili ka thënë se, grupi militant do të rikthejë dënimet me ekzekutim dhe amputim të gjymtyrëve. Zëdhënësi i Departamentit të Shtetit të SHBA-së, Ned Price tha të premten (24 shtator) se, veprimet e tilla do të përbënin shkelje të rënda të të drejtave të njeriut. Më herët, Uashingtoni ka thënë se çdo njohje e mundshme e legjitimitetit të qeverisë së re të udhëhequr nga talibanët në Afganistan do të varet nga respektimi i të drejtave të njeriut. Читать дальше...

Një drejtuese e lartë e kompanisë kineze Huawei, që po mbahej në Kanada, do të mund të largohet pasi Qeveria amerikane hoqi dorë nga kërkesa për ekstradimin e saj. Zyrtarja kryesore financiare e kompanisë, Meng Wanzhou u arrestua në dhjetor të vitit 2018 me kërkesë të SHBA-së. Rasti i saj pati shkaktuar tensione në marrëdhëniet e Kinës me SHBA-në dhe Kanadanë. Ajo ka qenë subjekt i negociatave intensive mes diplomatëve amerikanë dhe kinezë. Të premten Departamenti Amerikan i Drejtësisë (DD)... Читать дальше...

Mësimdhënësit në Maqedoninë e Veriut po kërkojnë që të shkurtohen orët mësimore, pasi në shumë shkolla nuk ka kushte që të respektohen protokollet shëndetësore për mbrojte nga COVID-19, në bazë të cilave  parashihet që numri maksimal i nxënësve në një klasë, të mos jetë jo më shumë se 24.    Plenumi i mësimdhënësve, kërkon që të shkurtohet kohëzgjatja e orëve me prezencë fizike, nga 45 në 30 minuta, pasi siç kanë sqaruar, mësuesit kanë vështirësi të mëdha në kryerjen e mësimit në ambiente të mbyllura... Читать дальше...

Nga buxheti i Kosovës shpenzohen miliona euro për të akuzuarit e Hagës. Si janë kryer pagesat për disa prej ish-eprorëve të UÇK-së, pa transparencë? Kush prej personave të cilëve iu është konfirmuar aktakuza ka përfituar më shumë, e kush më pak? "Iustitia" është emision që transmetohet çdo dy javë dhe prodhohet nga Radio Evropa e Lirë dhe Betimi për Drejtësi. Ky emision transmetohet edhe në RTV21.

Irani thotë se “shumë shpejt” do të rikthehet në negociatat për ringjalljen e marrëveshjes bërthamore të vitit 2015. Fuqitë perëndimore janë të shqetësuara me ngecjen e bisedimeve që zhvillohen në Vjenë, pasi raportet e Agjencisë për Energjinë Bërthamore kanë thënë se Teherani ka pasuruar edhe më shumë uraniumin, i cili nëse arrin shkallën 90 për qind, mund të përdoret për bombë bërthamore. "Ne me siguri do të vazhdojmë negociatat që i shërbejnë të drejtave dhe interesave të kombit tonë", tha ministri i Jashtëm iranian... Читать дальше...

NATO-ja ka kërkuar uljen e menjëhershme të tensioneve në veri të Kosovës derisa u ka bërë thirrje Prishtinës dhe Beogradit të ushtrojnë përmbajtje, të shmangin veprimet e njëanshme dhe t’i kthehen dialogut. Deklarata u bë nga zëdhënësja e NATO-s,  Oana Lungescu, përmes një postimi në rrjetin social Twitter. Dy pikat kufitare Kosovë-Serbi në veri të Kosovës, po vazhdojnë të qëndrojnë të bllokuara tash e pesë ditë, pasi serbët lokalë kundërshtojnë vendimin e autoriteteve të Kosovës për reciprocitet... Читать дальше...

Qeveria e Kosovës miratoi të premten (24 shtator) masat e reja kundër pandemisë të cilat do të hyjnë në fuqi nga data 27 shtator. Ministri i Shëndetësisë i Kosovës, Arben Vitia tha se duke filluar nga kjo datë vazhdon procesi mësimor në objektet shkollore. Sipas tij, në nivelin parauniversitar parakusht për prezencë fizike në klasa është që të pranishëm të jenë jo më shumë se 20 nxënës. Ai tha se detajet e zbatimit të këtyre masave do të bëhen publike përmes udhëzuesve të veçantë të cilat do t’i publikojë Ministria e Shëndetësisë. Читать дальше...

Të dielën (26 shtator) qytetarët zviceranë do të vendosin përmes referendumit nëse do të lejojnë që çiftet e të njëjtit seks të martohen dhe të birësojnë fëmijë. Sipas Euronews sondazhet e fundit thonë se 63% e të anketuarve e mbështesin reformën "Martesa për të gjithë", 35% janë kundër dhe 2% të pavendosur. Fushata ka qenë mjaft e polarizuar mes mbështetësve të komunitetit LGBT+ dhe kundërshtarëve konservatorë. Aktivistët e të drejtave LGBT+ (homoseksual, lesbike, biseksual, transgjinor dhe... Читать дальше...

Serbia ka pranuar nga Kosova mbetjet mortore të tre personave me kombësi serbe, të cilët kanë vdekur gjatë luftës në Kosovë në fund të viteve të 90-ta.  Njoftimin e bëri Komisioni i Qeverisë së Serbisë për Persona të Zhdukur. Dorëzimi i mbetjeve mortore është bërë përmes vendkalimit kufitar në Merdare.  Siç thuhet, eshtrat e viktimave u morën në emër të familjeve nga përfaqësuesit e delegacionit të Beogradit në Grupin Punues për Personat e Zhdukur. Në njoftim nuk bëhet e ditur se nga cili lokacion janë zhvarrosur këto mbetje mortore. Читать дальше...

Tashmë janë bërë tre muaj që kur nuk janë larguar mbetjet patologjike nga klinikat e qendrës kryesore spitalore të Kosovës. Radio Evropa e Lirë ka raportuar para një jave për frigoriferë të mbushur me placenta në Klinikën e Gjinekologjisë, mirëpo asgjë deri më tash nuk ka ndryshuar.

Pas një fushate sulmesh kibernetike në disa vende evropiane, Bashkimi Evropian (BE) i bëri thirrje Rusisë të respektojë rregullat e një sjelljeje të përgjegjshme. "Disa shtete anëtare kanë zbuluar aktivitete kibernetike që janë zhvilluar me qëllim të keq dhe i kanë lidhur ato me shtetin rus", tha shefi i Politikës së Jashtme të BE-së, Josep Borrell, përmes një deklarate më 24 shtator. BE-ja i vlerëson si të papranueshme aktivitetet e tilla, pasi “kërcënojnë integritetin dhe sigurinë, vlerat dhe parimet demokratike”. Читать дальше...

Gjykata e Posaçme e Apelit për Korrupsionin dhe Krimin e Organizuar ka pranuar kërkesën e Strukturës së Posaçme Kundër Krimit të Organizuar dhe Korrupsionit (SPAK) për të rinisur gjykimin për ish-ministrin e Mbrojtjes së Shqipërisë, Fatmir Mediu rreth çështjes “Gërdeci”. Mediu ishte një nga të akuzuarit për shpërdorim detyre për ngjarjen e vitit 2008 ku Shqipëria u trondit nga shpërthimi i një depoje të armëve ushtarake në Gërdec, në afërsi të Tiranës. Njëzetegjashtë persona, përfshirë fëmijë... Читать дальше...

Gjykata Kushtetuese e Kosovës e ka njoftuar Kryeprokurorin e Shtetit, Aleksandër Lumezi për moszbatimin e vendimit të saj në lidhje me tokën e Manastirit të Deçanit. Pesë vite më parë, Gjykata Kushtetuese e Kosovës ka marrë vendim sipas të cilit i njihet e drejta e pronësisë Manastirit të Deçanit mbi 24 hektarë tokë. Por, ky vendim nuk është zbatuar asnjëherë nga institucionet e Kosovës, konkretisht komuna e Deçanit, pavarësisht thirrjeve për një gjë të tillë nga komuniteti ndërkombëtar. Kryetari i komunës së Deçanit... Читать дальше...

Banka Qendrore e Kinës ka njoftuar se të gjitha transaksionet e kriptovalutave janë të paligjshme. Vendimi i autoriteteve ndalon në mënyrë efektive monedhat digjitale, përfshirë Bitcoin. "Aktivitetet e biznesit me monedha virtuale janë aktivitete financiare të paligjshme", tha Banka e Kinës. Sipas autoriteteve kineze transaksionet e tilla "rrezikojnë sigurinë e pasurisë së njerëzve". Kina përbën njërin prej tregjeve më të mëdhaja në botë të kriptovalutave. Zhvillimet financiare në këtë vend... Читать дальше...

Të premten në Kosovë janë shënuar edhe katër raste të vdekjes nga koronavirusi i ri, që e shkakton sëmundjen COVID-19.  Autoritetet shëndetësore kanë njoftuar se numri i rasteve aktive me koronavirus aktualisht është 5.371. Ministria e Shëndetësisë bëri të ditur se gjatë 24-orëve të fundit janë regjistruar edhe 84 raste të reja me COVID-19. Shifra bazohet në 3.823 mostra të testuara në laboratorët publikë dhe privatë. Nga sëmundja janë shëruar 786 pacientë. Prej shpërthimit të pandemisë në mars të vitit 2020... Читать дальше...

Me dhjetëra njerëz, pa maskë e distancë, shihen në disa tubime të partive politike gjatë fushatës për zgjedhje lokale. Fushata zgjedhore e partive politike për zgjedhjet komunale të 17 tetorit në Kosovë, ka nisur më 16 shtator. Që nga nisja e fushatës, në disa fotografi të postuara në rrjete sociale, shihen kandidatë të partive politike për kryetar të komunave të ndryshme, që nuk po i respektojnë masat kundër COVID-19. Në llogarinë e tij në Facebook kandidati i Partisë Demokratike të Kosovës për kryetar të Skenderajt... Читать дальше...

Nëse Prishtina do bisedime me Beogradin, ajo, së pari, duhet t’i tërheqë njësitë speciale nga veriu i Kosovës, sepse Serbia “nuk negocion me armë të drejtuar në ballë”, tha ministri i Brendshëm i Serbisë, Aleksandar Vulin. Vulin tha se Serbia dëshiron paqe në Kosovë, porse “xhandarmëria serbe do të respektojë çdo urdhër të presidentit Vuçiq”, thuhet në një njoftim të Ministrisë së Punëve të Brendshme të Serbisë. “Xhandarmëria është e gatshme, e trajnuar, e pajisur teknikisht, por, çfarë është më e rëndësishmja... Читать дальше...

Gjykata Kushtetuese e Kosovës ka hedhur poshtë ankesën e Listës Serbe për ndarjen e ministrive për komunitetet në Qeverinë e Kosovës. Sipas Gjykatës vendimi i kryeministrit (Albin Kurti) që komunitetit serb t’i takojë një ministri, ndërsa dy të tjera t’i takojnë komuniteteve tjera jo shumicë, nuk është në kundërshtim me Kushtetutën. Në njoftimin e saj për vendimin, Gjykata konstatoi që “vendimi i kontestuar i Kuvendit të Kosovës për zgjedhjen e Qeverisë nuk është nxjerrë në kundërshtim me paragrafët 3 dhe 5 të nenit 96 të Kushtetutës”. Читать дальше...

Një nga themeluesit e talibanëve dhe zbatuesi kryesor i interpretimit të ashpër të ligjit islamik, kur kanë sunduar ata për herë të fundit në Afganistan, ka thënë se lëvizja e linjës së ashpër do të kryejë ekzekutime dhe amputime të duarve, ndonëse jo në publik. Në një intervistë për agjencinë e lajmeve, Associated Press, Mullahu Nooruddin Turabi, ka hedhur poshtë zemërimin për ekzekutimet e talibanëve në të kaluarën, të cilat zakonisht kanë ndodhur para turmave në stadium, dhe ka paralajmëruar... Читать дальше...

Qendrat për Kontrollin dhe Parandalimin e Sëmundjeve në Shtetet e Bashkuara (CDC) miratuan dhënien e vaksinave përforcuese kundër koronavirusit për miliona amerikanë të moshuar dhe me shëndet të cenueshëm. Drejtoresha e CDC-së, Rochelle Walensky, nënshkroi një seri rekomandimesh nga një panel i këshilltarëve, sipas të cilave, dozat përforcuese të vaksinës Pfizer duhet t’u ofrohen personave mbi 65 vjeç, banorëve të shtëpive të pleqve dhe atyre të moshave 50-64 vjeç, që kanë probleme të rrezikshme shëndetësore. Читать дальше...

Pas 16 vjetësh në pushtet, Angela Merkel do ta lërë kontrollin e Gjermanisë në duart e një kancelari tjetër. Ikja e saj mund të ndjehet përtej kufijve gjermanë. Çfarë mund të presë Ballkani Perëndimor nga qeveria e re?

Kim Yo-jong, motra e liderit verikorean, Kim Jong-un, ka thënë se zyrtarë verikoreanë janë të gatshëm të rikthejnë bisedimet me Korenë Jugore, nëse kjo e fundit heq dorë nga “politikat armiqësore”. Kim Yo-jong është përgjigjur ndaj thirrjeve të fundit nga jugkoreanët për t’i dhënë fund edhe zyrtarisht Luftës Koreane. Konflikti, i cili ka ndarë në dysh Gadishullin Korean, ka përfunduar më 1953, me një armëpushim dhe jo traktat për paqe. Të dyja shtetet kanë qenë teknikisht në luftë prej atëherë... Читать дальше...

Dy pikat kufitare Kosovë-Serbi në veri të Kosovës, po vazhdojnë të qëndrojnë të bllokuara tash e pesë ditë. Nata e së enjtes ka kaluar pa incidente, ndërsa Policia e Kosovës po vazhdon të qëndrojë në pikat kufitare në Jarinjë dhe Bërnjak. Zëdhënësi i Policisë së Kosovës, Baki Kelani ka thënë për Radion Evropa e Lirë se, “vlerësohet të jetë një situatë e njëjtë me pengesat e ndryshme të vendosura me automjete, mjete të rënda transportuese, zhavorr etj, në lokacione të ndryshme drejt pikave kufitare Jarinje dhe Bërnjak”. Читать дальше...

Gjenerali ushtarak amerikan, Mark Milley, ka thënë se Shtetet e Bashkuara duhet të analizojnë mënyra për të zgjeruar kontaktet ushtarake me Rusinë, si mënyrë për të rritur besimin dhe për të shmangur llogaritjet e gabuara. Gjenerali Milley, njëherësh Shef i Shtabit të Përgjithshëm, ka thënë se lejimi i vëzhguesve në stërvitjet luftarake të njëra-tjetrës, do të rriste transparencën dhe do të zvogëlonte rrezikun e konfliktit. “Neve na duhet të zbatojnë politika dhe procedura për t’u siguruar se rrisim sigurinë... Читать дальше...