Новости за 22.04.2021

Mjekët privatë të kritikut të Kremlinit Aleksei Navalny i kanë bërë thirrje atij që t’i japë fund krizës së urisë sa më shpejt që është e mundur. Navalny ka refuzuar ushqimin në burg tash e tri javë. Kardiologu Yaroslav Ashikhmin dhe katër mjekë tjerë, kanë thënë përmes një deklarate se janë duke i kërkuar Navalnyt “që menjëherë të ndalë grevën e urisë, që ta ruajë jetën dhe shëndetin”. “Nëse greva e urisë vazhdon edhe pak më gjatë, ne thjesht nuk do të kemi kë ta trajtojmë”, kanë thënë mjekët në deklaratën e publikuar nga Mediazona... Читать дальше...

Piku i valës së tretë të pandemisë së koronavirusit në Francë, “duket se është mbrapa nesh”, ka thënë kryeministri i këtij vendi Jean Castex të enjten, duke njoftuar se kufizimet në udhëtim do të lehtësohen në fillim të muajit tjetër. Ai u ka thënë gazetarëve se është vërejtur “rënie e qarkullimit të virusit në 10 ditët e fundit”, duke konfirmuar se kufizimet që ua ndalojnë njerëzve lëvizjen më larg se 10 kilometra nga shtëpitë e tyre, do të hiqen më 3 maj. Aktualisht Franca është nën izolim të tretë, me qëllim të luftimit të pandemisë. Читать дальше...

Senatorët amerikanë Bob Menendez dhe Jim Risch, i kanë bërë thirrje popullit në Shqipëri që të votojë në zgjedhjet e 25 prillit. Të dy senatorët, të cilët janë pjesë e Komitetit të Senatit për Marrëdhënie me Jashtë, po ashtu u kanë bërë thirrje autoriteteve që të sigurojnë se votuesit do të mund të ushtrojnë të drejtën e tyre themelore në mënyrë të lirë, pa u përballur me frikësim dhe dhunë. “Ne presim nga të gjithë kandidatët që të veprojnë në përputhje me normat demokratike edhe kur bëjnë fushatë të vrullshme. Читать дальше...

Mëhalla e Boshnjakëve në Mitrovicën e Veriut është një vend jetese dhe takimi për shumë komunitete etnike në Kosovë. Gjatë agjërimit për Ramazan dhe Pashkë, shumë prej tyre mund t’i shihni duke pritur në radhë përpara Furrës Teki.

Presidenti i Serbisë, Aleksandar Vuçiq, ka thënë të enjten se ky shtet ka arritur marrëveshje me kompaninë amerikane Moderna për blerje të vaksinave kundër koronavirusit. Sipas tij, vaksinat e kësaj kompanie duhet të arrijnë në Serbi deri në fund të muajit tetor. Në një bisedë me përfaqësuesit e Këshillit Atlantik, ai ka thënë se Serbia nuk ka testuar vaksinat kineze apo të ndonjë kompanie tjetër, dhe se të cilat vaksinat që kanë blerë autoritetet serbe, kanë kaluar të gjitha fazat e testimit. Читать дальше...

Republika Çeke u ka kërkuar më shumë diplomatëve rusë që të largohen nga ky vend, pasi tensionet në mes të të dyja vendeve përshkallëzohen rreth rolit të dyshuar të Rusisë në shpërthimin vdekjeprurës të 2014-ës në një depo armësh në tokën çeke. Ministri i Jashtëm çek Jakub Kulhanek ka thënë më 22 prill se Rusia nuk do të lejohet të ketë më shumë diplomatë në Pragë, sesa numri i zyrtarëve çekë që aktualisht janë në ambasadën e saj në Moskë. Ai nuk ka përmendur sa zyrtarë të ambasadës ruse do të preken nga ky vendim... Читать дальше...

Kompania farmaceutike amerikane Pfizer ka thënë se ka identifikuar versione të rreme të vaksinës së saj kundër koronavirusit, në Meksikë dhe Poloni. Dozat janë konfiskuar nga autoritetet në të dyja shtetet dhe është konfirmuar përmes testeve se janë të rreme. Në Meksikë, ato kanë qenë me ambalazhe false, derisa në Poloni besohet se substanca në vaksina ka qenë për trajtim të rrudhave, ka thënë Pfizer. Organizata Botërore e Shëndetësisë ka paralajmëruar se vaksinat e rreme “përbëjnë rrezik serioz në shëndetin publik global”. Читать дальше...

Instituti Kombëtar i Shëndetësisë Publike (IKSHPK) ka regjistruar të enjten në Kosovë 5 viktima me koronavirus. "Rastet e vdekjes janë nga komunat: Gjilan 2 raste (83, 79 vjeç), Pejë 1 rast (70 vjeç), Prizren 1 rast (67 vjeç), Skenderaj 1 rast (78 vjeç)", është thënë në njoftim. Sipas këtij institucioni, në 24 orët e fundit janë regjistruar 382 raste të infektimit me këtë virus, pas testimit të 3,003 mostrave. Kjo nënkupton që 12.7 për qind e të testuarve kanë rezultuar pozitivë. IKSHPK-ja... Читать дальше...

Gjykata Penale në Shkup, i ka shqiptuar 30 ditë paraburgim ish-sekretarit të përgjithshëm të qeverisë Dragi Rashkovski, i dyshuar për shpërdorim të detyrës gjatë një prokurimi publik në vlerë prej një milion euro. Nën dyshime dhe akuza për shpërdorim detyre, ka edhe zyrtarë të tjerë, por deri më tani nuk ka asnjë hetim apo epilog gjyqësor. Njohësit e çështjeve juridike dhe politike Sllagjana Taseva dhe Sasho Klekovski, thonë se lufta kundër korrupsionit mund të llogaritet e suksesshme vetëm kur të ketë aktgjykime për të dyshuarit. Читать дальше...

Ministri i Jashtëm gjerman Heiko Maas ka thënë të enjten në Prishtinë se idetë, të cilat kanë qarkulluar së fundmi rreth ndryshimit të kufijve në Ballkanin Perëndimor, përveç që janë joreale, janë edhe të rrezikshme. “E konsiderojmë të rrezikshëm edhe vetëm diskutimin që bëhet për këtë çështje”, ka thënë Maas pas takimit të zhvilluar me presidenten e Kosovës, Vjosa Osmani. Ai ka thënë se dëshiron që ideja e fundit në këtë drejtim të futet shpejt në sirtar dhe të jetë pjesë e së kaluarës. Sa... Читать дальше...

Rusia ka urdhëruar komandën e saj ushtarake që të nisë kthimin e trupave në bazat e përhershme brenda shtetit, prej të premtes. Ky shtet ka thënë se ka përfunduar me sukses “vëzhgimet e shpejta” të forcave të veta në jug dhe perëndim, afër kufirit me Ukrainën, ka raportuar agjencia e lajmeve RIA. Ky njoftim vjen pas disa javësh tensione me Perëndimin për prezencën në rritje të ushtrisë ruse afër Ukrainës. Ende nuk është bërë e qartë nëse urdhri për lëvizje përfshin të gjitha forcat afër kufirit. Читать дальше...

SHBA-ja është zotuar të ulë emetimet e karbonit me 50-52% nën nivelet e vitit 2005 deri në vitin 2030.  Ky zotim i ri, do të shpallet në samitin virtual të 40 udhëheqësve globalë. Njoftimin do ta bëjë presidenti i SHBA-së, Joe Biden, në hapje të samitit. Bisedimet mbahen më 22 prill në Ditën e Tokës.  "Vendimi do të sfidojë botën në kuadër të ambicieve për luftimin e ndryshimit të klimës", tha Shtëpia e Bardhë në një deklaratë. Takimi dy-ditor shihet si një përgatitje e rëndësishme përpara... Читать дальше...

Presidenti i Shteteve të Bashkuara, Joe Biden, pritet ta njohë zyrtarisht masakrën e armenëve nga Perandoria Osmane gjatë Luftës së Parë Botërore, si një akt gjenocidi. Kështu raportojnë agjencitë Reuters dhe Asocciated Press (AP), duke u thirrur në burime të paidentifikuara. Vendimi mund të zemërojë Turqinë dhe të tensionojë edhe më shumë lidhjet mes aleatëve të NATO-s. Njohja e gjenocidit nga ana e Bidenit do të shënonte shkëputje nga qëndrimi i ekuilibruar amerikan për këtë çështje. Më 24 prill... Читать дальше...

Vendet anëtare të NATO-s shprehën mbështetje të plotë për Çekinë në mosmarrëveshjen e saj me Rusinë, por nuk treguan gatishmëri për veprime të përbashkëta kundër Moskës. Tensionet janë rritur midis dy vendeve, pasi Praga akuzoi inteligjencën ushtarake ruse se qëndron pas një shpërthimi vdekjeprurës më 2014 në një depo municionesh. Nga shpërthimi kishin mbetur të vdekur dy persona. Ministri i Jashtëm i Çekisë i informoi anëtarët e tjerë të NATO-s të enjten se Praga kishte fajësuar për shpërthimin... Читать дальше...

Serbia dëshiron raporte partneriteti dhe miqësie me Bosnje dhe Hercegovinën dhe entitetin e Republika Sërbskas, ka thënë presidenti serb, Aleksandar Vuçiq gjatë një vizitë në Banja Llukë. “As që më bie në mend të flasim për luftë dhe me ata që bëjnë thirrje të tilla”, tha Vuçiq, pasi u pyet nga gazetarët që të komentojë deklaratat e disa politikanëve në Bosnje se nuk ekziston asnjë mundësi për një ndarje paqësore midis entiteteve të Bosnje dhe Hercegovinës, pas informacioneve se kryeministri i Sllovenisë... Читать дальше...

Fotografitë e publikuara më 20 prill, tregojnë grumbullime të pajisjeve ushtarake ruse në Gadishullin ukrainas të Krimesë dhe përgjatë kufirit mes Rusisë dhe Ukrainës. Fotografitë që janë përdorur në këtë tekst janë realizuar midis 27 marsit dhe 16 prillit nga Maxar Technologies, një kompani për imazhe satelitore që siguron “90 për qind të inteligjencës kryesore gjeohapësinore që përdoret nga Qeveria e Shteteve të Bashkuara”. Kreu i Maxar Technologies, Dan Jablonsky, tha për The Wall Street... Читать дальше...

India ka raportuar numrin më të lartë ditor të të infektuarve me koronavirus, gjithsej 314,835 raste të reja. Vendi me 1.3 miliardë banorë është duke u  bërë epiqendra e pandemisë. Gjatë 24 orëve të fundit u shënuan 2.104 viktima, shifër kjo më e larta deri më tash në Indi. Numri i përgjithshëm i të infektuarve ka arritur në rreth 16 milionë, vendi i dytë pas SHBA-së me 31.9 milionë. Sistemi shëndetësor i Indisë është mbingarkuar dhe autoritetet kanë frikë se situata do të përkeqësohet edhe për shkak të mungesës së pajisjeve të oksigjenit. Читать дальше...

Të paktën pesë persona kanë vdekur dhe 12 të tjerë janë plagosur nga shpërthimi i një bombe në zonën e parkimit të një hoteli luksoz në qytetin jugperëndimor të Kuetas në Pakistan. Disa prej të plagosurve janë në gjendje kritike. Grupi Tehrik-e Taliban (TTP), i njohur si talibanët pakistanezë, mori përgjegjësinë për sulmin, duke thënë se përmes tij u shënjestruan zyrtarët. Ministri i brendshëm i Pakistanit, Sheik Rashid Ahmed, i tha AFP-së se sulmi ishte “një akt terrorizmi”. Një delegacion... Читать дальше...

Më shumë se 1.700 protestues janë arrestuar nga policia ruse në të gjithë vendin gjatë protestave për lirimin e liderit të burgosur të opozitës, Aleksei Navalny. Protestat mbarëkombëtare u mbajtën vetëm disa ditë pasi autoritetet ruse filluan procedurat për të mbyllur e Fondacionit Kundër Korrupsionit të Navalny (FBK), me pretendimin se ajo është një organizatë "ekstremiste". Për shumë vite, FBK e Navalnyt e ka tronditur Kremlinin me hetimet e saj për pasurinë e pashpjegueshme të zyrtarëve të lartë... Читать дальше...

Një raketë e shkrepur nga Siria në rajonin jugor të Negevit në Izrael ka bërë që të lëshohen sirenat paralajmëruese afër reaktorit bërthamor Dimona, ka njoftuar ushtria izraelite. Radio e Ushtrisë Izraelite tha se një raketë siriane tokë-ajër ishte shkrepur në drejtim të avionëve izraelitë gjatë një sulmi ndaj objektivave në Rrafshnaltën e Golanit. Raketa tejkaloi  avionin izraelit dhe arriti në zonën e Dimonas. Nuk ka raportime për viktima ose dëme. Sipas mediave lokale banorët e zonës kanë dëgjuar një shpërthim të fuqishëm. Читать дальше...

Mosmarrëveshja për votimet në Jerusalemin Lindor mund të çojë në anulimin ose shtyrjen e zgjedhjeve të para palestineze pas më shumë se 15 vjetësh. Presidenti i autoritetit palestinez, Mahmoud Abbas, është zotuar që votimet do të mbahen, por kufizimet izraelite ndaj votuesve mund t’i japin atij arsye për anulimin e tyre. Në fakt, këto zgjedhje të planifikuara për 22 maj paraqesin edhe një lloj kërcënimi për mosvazhdimin e qëndrimit në pushtet të Abbasit, shkruan agjencia Associated Press (AP). Читать дальше...