Новости за 01.04.2019

Sekretari amerikan i Shtetit, Mikeo Pompeo, shfaqi shpresën për një samit të ri midis presidentit të Shteteve të Bashkuara, Donald Trump, dhe udhëheqësit verikorean, Kim Jong Un, i cili do të mbahej në muajt e ardhshëm. Samiti, sipas tij, do të synonte të shënonte "hapin e parë domethënës" drejt çarmatosjes bërthamore të Gadishullit Korean. "Shpresoj që në muajt e ardhshëm, udhëheqësit do të mund të takohen", tha Pompeo. Ai shtoi se duhet pasur kujdes dhe të mos parashikohet data e samitit të tretë eventual. Читать дальше...

Vdekja e parë nga kolera u konfirmua në qytetin Beira të Mozambikut. Ky qytet, më 14 mars, u godit nga cikloni Idai, i cili shkaktoi përmbytje masive dhe vrau mbi 700 njerëz në pjesën jugore të Afrikës. Që nga ajo kohë, mbi 500 raste të kolerës janë raportuar në Beira. Përpjekjet e ekipeve mjekësore në Mozambik janë përqendruar tani në frenimin e sëmundjes. Një fushatë e madhe vaksinimi është në zhvillim e sipër. Numri i të prekurve me kolerë ka arritur në 517 të dielën, nga 271 sa ka qenë të shtunën... Читать дальше...

Vendimi i Qeverisë së Kosovës për taksën ndaj prodhimeve të Serbisë ka rezultuar me ndërprerjen e procesit të dialogut ndërmjet dy vendeve dhe rrjedhimisht edhe për pengimin e mundësisë që ideja për ndryshimin e kufirit Kosovë-Serbi të shtrohet në dialog, vlerësojnë njohësit e zhvillimeve politike. Por, sipas tyre, ky është vetëm rezultat anësor, i cili nuk ishte planifikuar qysh më parë nga ekzekutivi i vendit. Kryeministri i Kosovës, Ramush Haradinaj, i cili e kundërshton fuqishëm idenë e ndryshimit... Читать дальше...

Facebook tha se ka fshirë 103 faqe, grupe dhe llogari, të cilat, sipas rrjetit social, kanë qenë të lidhura me krahun e marrëdhënieve publike të ushtrisë pakistaneze. Shefi për siguri kibernetike i Facebook-ut, Nathaniel Gleicher, tha se "sjellja e koordinuar joautentike" e këtyre llogarive ka shkelur politikat e Facebook-ut dhe të aplikacionit të tij, Instagram. "Facebook zbuloi se llogaritë ishin të lidhura me punonjësit e Departamentit të Marrëdhënieve Publike të ushtrisë pakistaneze", tha Gleicher. Читать дальше...

Vëzhguesit ndërkombëtarë thanë të hënën se zgjedhjet presidenciale që u mbajtën të dielën në Ukrainë ishin "të administruara mirë" dhe "konkurruese". Organizata për Siguri dhe Bashkëpunim në Evropë tha se rrethi i parë i votimeve ka ofruar zgjedhje të gjerë kandidatësh dhe se pjesëmarrja ka qenë e lartë. Komediani pa përvojë politike, Volodymyr Zelenskiy, fitoi më së shumti vota në zgjedhjet e 31 marsit. Me 84% të votave të numëruara, Zelenskiy fitoi 30.4% të tyre, bëri të ditur Komisioni Qendror i Zgjedhjeve. Читать дальше...

Kosova është vendi i vetëm në rajonin e Ballkanit Perëndimor, ndaj të cilit Bashkimi Evropian (BE) aplikon regjimin e vizave. Shtetasit e Kosovës për të udhëtuar në këto vende duhet të aplikojnë për viza në misionet diplomatike të shteteve anëtare të Bashkimit Evropian të akredituara në Kosovë dhe në vendet e rajonit. Sipas të dhënave të publikuara nga Ministria e Punëve të Brendshme në raportin e titulluar “Profili i zgjeruara i migrimit 2013 – 2017”, që si burim ka Sistemin e Informimit për Viza Shengen... Читать дальше...

I dërguari i Shteteve të Bashkuara për Afganistanin, Zalmay Khalilzad, arriti në Kabul, përpara rrethit të ri të bisedimeve me talibanët, që synojnë t'i japin fund luftës gati 18-vjeçare në këtë vend. Fereydoun Khuzon, zëdhënës i administratës presidenciale të Afganistanit, tha për Radion Evropa e Lirë se shpreson se vizita e Khalilzadit do të shtrojë rrugën për fillimin e bisedimeve direkte midis qeverisë dhe talibanëve. Khalilzad ka mbajtur disa raunde bisedimesh me grupin militant në Katar. Читать дальше...

Taksa doganore 100 për qind që Qeveria e Kosovës u ka vënë importeve nga Serbia dhe Bosnjë e Hercegovina ka marrë vëmendje edhe në tryezën për trevjetorin e nisjes së zbatimit të Marrëveshjes së Stabilizim Asociimit (MSA), mes Kosovës dhe Bashkimit Evropian. Shefja e Zyrës së Bashkimit Evropian në Kosovë, Nataliya Apostolova ka thënë se taksa është në kundërshtim me frymën e MSA-së. “Tashmë, e kemi theksuar disa herë, taksa doganore nuk është në kundërshtim vetëm me marrëveshjen e CEFTA-s, por... Читать дальше...

Mbi 25,000 shtëpi në Iran janë shkatërruar nga përmbytjet, të cilat janë cilësuar si më të rëndat në dekadën e fundit. Shifra u bë e ditur nga Hadi Darfishi, zëvendësdrejtor i Fondacionit të Strehimit - një organizatë bamirëse që mbikëqyret nga udhëheqësi suprem i Iranit, Ajatollah Ali Khamenei. Ai tha se 60,000 shtëpi të tjera janë dëmtuar rëndë. Autoritetet, më herët, kanë njoftuar se së paku 45 njerëz kanë vdekur që nga data 19 mars, si pasojë e shirave të furishëm që kanë përfshirë pjesët veriore, qendrore dhe jugore të Iranit. Читать дальше...

Kryeministrja e Serbisë, Ana Bërnabiq, tha se nuk pret ndonjë gjë të mirë nga fakti se gjykatat e Kosovës kanë marrë përsipër rastet e krimeve të luftës, me të cilat deri më tash është marrë misioni evropian për sundimin e ligjit - EULEX. "Nuk pres ndonjë gjë të mirë derisa Prishtina ka udhëheqës politikë që ua mohojnë serbëve të drejtat e njeriut", tha Bërnabiq, transmeton agjencia serbe e lajmeve Beta. Në kuadër të sistemit të drejtësisë në Kosovë është themeluar një departament i veçantë,... Читать дальше...

Tre kandidatët për president të Maqedonisë së Veriut kanë nisur fushatën 20-ditore për të siguruar mbështetjen e qytetarëve për të parin e shtetit. Blerim Reka që mbështetet nga opozita shqiptare, Stevo Pendarovski, i partive në pushtet të udhëhequr nga socialdemokratët e kryeministrit, Zoran Zaev dhe Gordana Siljanovska e opozitës maqedonase, VMRO-DPMNE, janë pretendentët për të zëvendësuar kreun aktual të shtetit, Gjorge Ivanov. Që të tre janë profesorë të njohur universitar dhe pasi kanë nënshkruar... Читать дальше...

Ish-nënpresidenti i Shteteve të Bashkuara, Joe Biden, i mohoi akuzat për sjellje të pahijshme, të cilat dolën në pah në kohën kur ai pritet të shpallë kandidaturën për zgjedhjet presidenciale të 2020-ës. Lucy Flores, ish-anëtare e Asamblesë së Nevadës, tha se Biden e ka puthur atë në pjesën e prapme të kokës, në një ngjarje politike. "Nuk kisha përjetuar kurrë diçka më të papërshtatshme", tha ajo. Biden tha se ai "ka shprehur dashuri për njerëzit" gjatë viteve në karrierë. Biden ka shërbyer... Читать дальше...

Gjermania e kundërshton idenë e këmbimit të territoreve ndërmjet Kosovës dhe Serbisë, tha të hënën në Prishtinë deputeti i Bundestagut, Peter Bayer. “Ne jemi në vizitë zyrtare, por ne jemi me miqtë tanë. Biseduam për proceset nëpër të cilat po kalon Kosova. Kemi folur për dialogun mes Kosovës dhe Serbisë, të cilin e mbështesim, por edhe për temën e këmbimit të territoreve, të cilën Gjermania e kundërshton fuqishëm. Ne do të jemi partnerë mbështetës i Kosovës për proceset e ardhshme, sigurisht me një sy kritik”, tha Bayer. Читать дальше...

Presidenti i Turqisë, Recep Tayyip Erdogan është përballur me humbje, teksa partia e tij AK ka humbur kontrollin e kryeqytetit të këtij shteti Ankarasë, për herë të parë në zgjedhjet lokale dhe është paraqitur për të pranuar edhe humbjen e qytetit të Stambollit. Erdogan, i cili ka dominuar politikën turke, prej kur ka ardhur në pushtet 16 vjet më parë, dhe ka udhëhequr këtë shtet me masa secilën herë më të ashpra, ka bërë fushatë intensive gjatë dy muajve të fundit për votimet e së dielës, të cilat... Читать дальше...

Shefja e Zyrës së Bashkimit Evropian në Kosovë, Nataliya Apostolova, ritheksoi se taksa doganore 100 përqind ndaj produkteve të Serbisë dhe Bosnje e Hercegovinës, e vendosur nga Qeveria e Kosovës, është në kundërshtim të plotë me qëndrimet e Bashkimit Evropian. Këto deklarata, Apostolova i bëri në Prishtinë, në konferencën për shënimin e trevjetorit të marrëveshjes së Stabilizim Asociimit mes Kosovës dhe Bashkimit Evropian, duke theksuar se tarifa nuk është në frymën e parimeve të Marrëveshjes së Stabilizim Asociimit. Читать дальше...

Doan Thi Huong, gruaja vietnameze e vetme e dyshuar për vrasjen e Kim Jong Nam-it, gjysmë-vëllait të liderit verikorean, Kim Jong Un ka pranuar fajësinë për një akuzë më të lehtë në gjykatën në Malajzi, prandaj avokati i saj ka thënë se ajo mund të lirohet në muajin e ardhshëm. Huong është përballur me akuzë për vrasje, për të cilën nëse do të ishte dënuar, do të ndëshkohej me dënim me vdekje. Mirëpo Houng ka pohuar me kokë derisa përkthyesi i ka lexuar akuzën e re: pjesëmarrje vullnetare në një plagosje me armë të rrezikshme... Читать дальше...

Presidenti i kontestuar i Venezuelës, Nicolas Maduro ka njoftuar se Qeveria do të zvogëlojë orarin e punës në institucione dhe do të mbyllë shkollat derisa tenton të menaxhojë krizën me energji elektrike. Maduro ka thënë përmes një fjalimi në televizionin kombëtar më 31 mars se plani 30-ditor do të ndihmojë në përballimin e problemeve të lidhura edhe me rezervat e ujit. Presidenti socialist ka paralajmëruar edhe kundër ndonjë shprehjeje të pakënaqësisë gjatë krizës,  pasi lideri opozitar, Juan... Читать дальше...

Japonia ka thënë se emri i epokës së re do të jetë “Reiwa” dhe do të fillojë kur Perandori Akihito të largohet nga froni në fund të muajit. Sekretari i Kabinetit, Yoshihide Suga ka thënë më 1 prill se emri i ri do të fillojë se përdoruri më 1 maj, kur djali i Akihitos, Naruhito të zëvendësojë babain e tij. Ai ka thënë se ky emër daton nga shekulli i shtatë dhe ka dy kuptime: “rei” që do të thotë “rregull” dhe “wa” zakonisht përshkruhet se “paqe” dhe “harmoni”. Kryeministri japonez, Shinzo Abe... Читать дальше...

Presidenti turk, Recep Tayyip Erdogan dhe partia e tij AK, duket se janë përballur me pengesa në zgjedhjet lokale, meqë partia me të cilën gjendet në koalicion qeveritar, ka humbur zgjedhjet në kryeqytetin e këtij shteti, Ankara dhe me sa duhet edhe në Stamboll. Transmetuesit në Turqi kanë thënë më 1 prill se kandidati opozitar nga Partia Popullore Republikane, Mansur Yavas ka shënuar fitore të qartë në Ankara, derisa Erdogan pritet të pranojë humbjen edhe në Stamboll, pavarësisht se rezultati ka qenë aq i ngushtë... Читать дальше...

Komediani pa përvojë politike, Volodymyr Zelenskiy, ka fituar më së shumti vota në raundin e parë te zgjedhjeve presidenciale në Ukrainë, bazuar në rezultatet e sondazheve dhe rezultatet e para të komisionit zgjedhor. Zelenskiy është thënë të ketë fituar 30.4 për qind të votave derisa presidenti aktual, Petro Poroshenko 17.8 për qind. Që të dy këta kandidatë, që kanë bërë deklarata pro-evropiane, pritet të garojnë sërish muajin e ardhshëm. “Jam shumë i lumtur, mirëpo ky nuk është hapi i fundit”, është cituar të ketë thënë Zelenskiy. Читать дальше...