ايران: يوې ترافيکي پېښه کې ۱۷ کسان مړه شوي او لسګونه ژوبل دي
د ایران د بېړنیو خدمتونو ادارې ویاند مجتبی خالدي نن دولتي ټلوېزیون ته وویل چې د اولسو کسانو مړي او ۳۷ ټپیان روغتون ته انتقال شوي دي.
د لومړنیو راپورونو له مخې دغه ریلګاډی له مشهد څخه یزد ته په لاره و چې طبس ته نژدې یې پرپټلۍ د ساختماني چارو له کیندونکي یوه ماشین سره ټکر وکړ.
ویل شوي چې د دغه ریلګاډي یولس ډبې له پټلۍ اوښتي دي.
د ایران د ریلګاډو د دولتي شبکې مرستیال میرحسن موسوي ویلي چې په دغه مسافر وړونکي ریلګاډي کې ۳۴۸ مسافر سپاره و.