Новости за 10.04.2022

د تحريک انصاف حکومت په داسې مهال ختم شوی چې په پاکستان کې ګراني ډيره، بهرنۍ پانګونه کمه بجلي پارچاوه او د تيلو نرخونه لوړ دي.

پر افغانستان د طالبانو د بیا ځلي واکمنۍ څخه نږدې اته میاشتې تېرېږي، خو لا یې مشر ملا هبت‌الله اخندزاده د خلکو منځ‌ته نه‌دی راغلی او نه‌یې کوم غږ او یا وېډیو خپره شوې ده. طالبانو څو څو ځله ادعا کړې چې مشر یې ځینو ولایتونو ته سفرونه کړي، خو د خپلې دې ادعا د اثبات لپاره‌یې هېڅ کره اسناد نه‌دي وړاندې کړي. خو پوښتنه دا ده چې ولې ملاهبت‌الله د خلکو منځ‌ته نه‌راځي، په دې اړه د خلکو غوښتنه څه ده او ایا افغانان یو ځل بیا له خپل اساسي حق چې د خپلې رایې له لارې د خپل زعیم ټاکل دي محرومېږي او بالاخره د طالبانو... Читать дальше...

په پاکستان کې د سیاسي بې‌ثباتۍ اوج، پر افغانستان د اغېز وېره راپیدا کړې ده. د طالبانو حکومت هیله ښيي چې په پاکستان کې کړکېچ ته رسېدلی سیاسي وضعیت ثبات پیدا کړي او وايي چې هڅه کوي دغه هېواد کې روان وضعیت په افغانستان اغېز ونه‌کړي. تېره شپه د پاکستان پارلمان مخکېني صدراعظم عمران خان ته د عدم اعتماد رایه ورکړه او هغه‌یې بې‌واکه کړ. د طالبانو د حکومت ویاند ذبیح‌الله مجاهد ازادي راډیو سره خبرو کې که څه هم په پاکستان کې وروستي تحولات د هغوی کورنۍ مسئله بولي، خو هیله ښيي چې پر افغانستان اغېز ونه‌کړي. Читать дальше...

د اوکراین ولسمشر وايي د روسیې تهاجم یوازې پر اوکراین محدود نه‌دی، بلکې د ده په وینا هدف ټوله اروپا ده. ولادیمیر زلنسکي پرون ناوخته په خپله وینا کې له لوېدیځ څخه غوښتنه وکړه چې د روسیې د انرژۍ پر تولیداتو بشپړ بندیز ولګوي. هغه یو وار بیا غوښتنه وکړه چې اوکراین ته دې نورې وسلې هم ورکړل شي. په همدې حال کې اوکراین ویلي چې د اوکراین په ختیځ کې د راغونډو شویو روسي ځواکونو په وړاندې سختې جګړې ته چمتووالی لري. د اوکراین پوځ وايي روسیه هڅه کوي د اوکراین په ختیځ کې له کریمیا سیمې چې روسیې په ۲۰۱۴م... Читать дальше...

د پیپلز ګوند یوه سیاستوال او د قامي اسمبلۍ پخواني مرستیال سپیکر فیصل کریم کنډي د اپرېل پر ۱۰مه مشال راډیو ته وویل، د قامي اسمبلۍ غونډه د ګل (دوشنبې) پر ورځ ماسپښین ورغوښتل شوې چې پکې به غړي د وزیراعظم د نوماندانو لپاره خپلې رایې کاروي.

د اپوزېشن ګوندونو چې له کله د هغه پرضد د عدم اعتماد راوړلو هلې ځلې چټکې کړې نو نوموړي دا تور پورې کړ چې ګواکې امریکا د ده د لرې کولو لپاره له اپوزېشن ګوندونو سره لاس یو کړی دی.

د پاکستان قامي اسمبلۍ اکثریت غړو د اپرېل پر ۱۰مه نیمه شپه د عمران خان پرضد د عدم اعتماد رایه ورکړه چې ورسره سم نوموړی د وزیراعظمۍ له دندې ګوښه شو. ټاکل شوې چې د پاکستان قامي اسمبلي د اپرېل پر ۱۱مه نوی وزیراعظم وټاکي. عمران خان په ۱۹۹۲ز کال کې د کرکټ د ملي لوبډلې د کپتان په توګه نړیوال جام وګاټه او په ۱۹۹۶ز کال کې یې سیاست پیل کړ. خان په ۲۰۱۸ز کال کې وزیراعظم شو او درې کاله، اته میاشتې یې پر دې څوکۍ کار وکړ. موږ د رویټرز اژانس له ویډیوګانو په جوړ دې رپورټ کې د عمران خان ژوند ته کتنه کړې.

د هند په هماچل پردېش ايالت کې تبتي راهبانو دوديزه مېله جوړه کړې. د دې مېلې مقصد د راهبانو د اوړي اودږ اعتکاف سر ته رسول وي. ويډيو: رويټرز پرېس اژانس

مارنېنګ سټار له بریتانیا خپرېدونکې مارنېنګ سټار ورځپاڼې په خپلې یوې لیکنه کې د امریکا د بهرنیو چارو د پخوانۍ وزیرې هیلري کلېنټن خبرو ته اشاره کړې ده چې وايي، په اوکراین کې دې د پخواني شوروي پر ضد د افغان مجاهدینو د جګړې بېلګه تعقیب شي. ورځپاڼه د مېرمن کلېنټن له خولې وايي، دا جګړه داسې وه چې لوېدیځو ځواکونو مجاهدینو ته وسلې او مالي مرستې ورکولې څو د پخواني شوروي پر ضد یوه ستړې کوونکې جګړه مخکې یوسي چې بالاخره شوروي ماتې وخوړه له افغانستان څخه‌یې ځواکونه ووتل او همدې ماتې په نهایت کې د پخواني شوروي اتحاد د نړېدو لاره پرانیسته. Читать дальше...

د کډوالو په چارو کې د ملګرو ملتونو لویه کمېشنري (یو اېن اېچ سي ار) وايي په افغانستان کې د روان بشري بحران عمده قربانیان ښځې او ماشومان دي. دغې ادارې پرون شنبه په خپل ټویټر کې لیکلي، په افغانستان کې په ملیونونو انسانان له خپلو کورونو بې‌ځایه شوي دي.  د کډوالو په چارو کې د ملګرو ملتونو د لویې کمېشنرۍ په وینا، دغه کسان اوس د خوړو او سرپناه په لټه کې دي.

کابل کې د ترکیې سفارت وايي، د نېکۍ په نوم د رېلګاډي په وسیله‌یې انتقال شوې بشري مرستې په غور ولایت کې پر ۸۰۰ کورنیو ووېشل شوې.  دغه سفارت په یوه ټویټ کې ویلي، دغه مرسته‌یې د ترکیې د سرې میاشتې ټولنې، د داخلي افاتو او بېړنیو چارو د تنظیم وزارت او په کابل کې د ترکیې د همکاریو د همغږۍ ادارې په همکارۍ برابره کړې ده.  د ترکیې سفارت وايي، له دې سره د هغو کورنیو شمېر تر ۲۸،۰۰۰ زیات شو چې د دوی له‌خوا ورسره بشري مرستې شوې دي.

د افغانستان بانک په پام کې لري نن یکشنبه ۱۳ ملیونه امریکایي ډالره د ازادې داوطلبۍ له لارې لیلام کړي. باختر دولتي اژانس پرون راپور ورکړی چې دغه کار د بهرنیو اسعارو په وړاندې د افغانیو د ارزښت د ثابت پاتې کېدو لپاره کېږي.  که څه هم د پخوا پرتله د ډالرو په وړاندې د افغانیو ارزښت یو څه ثابت شوی، خو خلک شکایت لري چې د خوراکي او نورو ضروري شیانو بیې لا هم ټیټې شوې نه‌دي.

په ایټالیا کې پرون شنبه د کرونا ویروس ۶۳ زره ۹۹۲ مثبتې پېښې ثبت شوې، خو د مړینو شمېر د جمعې ورځې په نسبت کم و.  د جمعې په ورځ د کرونا ویروس ۶۶ زره ۵۳۵ مثبتې پېښې او د ۱۴۴ کسانو مړینه ثبت شوې وه، خو پرون د مړو شمېر ۱۱۲ و. د ۲۰۲۰م کال له فبرورۍ میاشتې راهیسې د کرونا وبا له پیله په ایټالیا کې د یو لک او ۶۰ زرو ۶۵۸ کسانو مړینه ثبت شوې ده.

د سپېس اکس په نوم د فضايي تخنیک د خصوصي شرکت د لومړي مأموریت ټول ستورمزلي نړیوال فضايي تمځي ته ورسېدل. په دې ډله کې څلور ستورمزلي شامل دي چې د ساینسي څېړنو لپاره به یوه اوونۍ د ځمکې په مدار کې وي. دوی د امریکا د فلوریدا ایالت له کېندي فضايي تمځای څخه د فالکون ۹ په نوم د راکټ په مرسته په فضا کې تر ۲۱ ساعته مزله وروسته نړیوال فضايي تمځي ته ورسېدل.  دغه څلور ستورمزلي په نړیوال فضايي تمځي کې له اوو نورو هغو ستورمزلو سره یوځای شول چې په دولتي لګښت هلته تللي دي.

د افغانستان لپاره د ملګرو ملتونو د سرمنشي ځانګړې استازې افغانستان کې د رسنیو په وړاندې د پرتو ګواښونو او محدودیتونو په باب اندېښنه وښوده. دیبورا لاینز پرون د طالبانو د اطلاعاتو او کلتور له سرپرست وزیر مولوي خیرالله خیرخواه سره په کتنه کې د رسنیو پر ازادیو خبرې وکړې. د یوناما د اعلامیې له مخې مېرمن لاینز پرون د رسنيو په وړاندې د پرتو محدودیتونو او ګواښونو په اړه د اندېښنې په څرګندولو سره له دغه وزارت څخه وغوښتل چې له ژورنالېستانو سره رغنده خبرې اترې پيل کړي. دا خبرې داسې مهال کېږي چې د اګسټ... Читать дальше...

په وارسا کې د بسپنې ټولولو په غونډه کې مرستندیو هېوادونو او سازمانونو له اوکراین سره د نږدې ۱۰ میلیارده ډالرو په ارزښت د مالي مرستې او پور ورکولو ژمنه وکړه. د دغو مالي مرستو هدف پر اوکراین د روسیې تر یرغل وروسته، نورو هېوادونو ته د اوکراین د کډوالو شویو او داخلي بې‌ځایه شویو لاسنیوی ګڼل شوی دی. د نږدې ۱۰ میلیارده ډالرو په ارزښت د مالي مرستې او پورونو دغه ژمنه پرون په هغه غونډه کې وشوه چې د بېلابېلو حکومتونو، کمپنیو استازو او نورو اشخاصو په‌کې برخه اخیستې وه. د دې غونډې کوربه پولنډ و چې تر اوسه‌یې... Читать дальше...

د طالبانو حکومت په مسکو کې د دوی لېږل شوي ډیپلومات ته د افغانستان سفارت د سپارلو موضوع د کابل او مسکو ترمنځ د ښو ډیپلوماتیکو اړیکو لپاره د زمینې برابرولو پر لار ښه ګام بللی دی. د طالبانو د بهرنیو چارو وزارت په اعلامیه کې ویل شوي دوی حق لري چې له هېواده بهر د افغانستان د سیاسي استازولیو مدیریت په خپل لاس واخلي. دغه وزارت پرون اعلان وکړ چې په مسکو کې د دوی لېږل شوي ډیپلومات ته سفارت رسماً سپارل شوی دی. طالبانو د روسیې مننه کړې چې د دوی د ډیپلومات باورلیک‌یې منلی دی. روسیې په دې اړه تازه عکس‌العمل... Читать дальше...

د پاکستان صدراعظم عمران خان د ملي اسامبلې له‌خوا د عدم اعتماد رایې تر اخیستو وروسته له واک څخه لیرې کړای شو. نن یکشنبه تر ۱۳ ساعته ځنډ او تېره شپه ناوخته د اسامبلې د مشر اسید قیصر تر استعفا وروسته د ملي اسامبلې د ولسي جرګې د ۳۴۲ غړو له جملې ۱۷۴ د عدم اعتماد په پلوۍ رایه ورکړه. د عدم اعتماد رایې اخیستو لپاره ۱۷۲ رایو ته اړتیا وه.   قیصر چې د عمران خان عمده متحد ګڼل کېږي، ویلي نه‌غواړي د هغې جلسې مشري وکړي چې د عمران خان د لیرې کېدو لپاره رابلل شوې ده. احتمالاً اسامبله به سبا دوشنبه د نوي صدراعظم لپاره رایه ورکوي. Читать дальше...