Новости за 26.03.2022

د فبرورۍ پر ۲۴مه پر اوکراين د روسيې تر بريد وروسته دا لومړی ځل دی چې بايډن له اوکرايني چارواکو سره مخامخ ليده کاته کوي.

د مظاهرې یو منتظم وویل چې لاریون په کابل کې د تعلیم د وزارت څخه پیل شو او په سوله ییزه توګه پای ته ورسېد. د مارچ په ۲۳مه له یو میلیون نه زیاتو نجونو سکولونو ته د ستنیدو تیاري نیوله خو په اخیري شیبو کې طالبانو د ښونځیو پرانیستلو پریکړه بیرته واخیسته.

د کابل په بادام باغ کې د بزګز څلور ورځني جشن پیل! دا جشن چې هر کال د حمل میاشتې په دوهمه نېټه پیلېده سږ کال په داسې حال کې څلور ورځې په ځنډ پیل شو چې په افغانستان طالبان واکمن دي. د دې څلور ورځني جشن په پرانیسته کې چې د شنبې په ورځ وشوه او د طالبانو د حکومت د کرنې او مالدارۍ وزارت له لوري تنظیم شوی د طالبانو د حکومت لوړپوړو چارواکو، بهرنیو ډیپلوماتانو، د ګڼو وزارتونو چارواکو او بزګرو ګډون کړی و. د طالبانو حکومت د ریاست‌الوزرا لومري مرستیال عبدالغني برادر په دې ناسته کې ټینګار وکړ چې که د کورنیو... Читать дальше...

د ملګرو ملتونو د امنیت شورا ۱۰ غړو هېوادونو له طالبانو غوښتي چې سملاسي د نجونو ښوونځي پرانیزي. دغو هېوادونو په یوه ګډه اعلامیه کې د طالبانو له‌خوا له شپږم ټولګي پورته د نجونو د ښوونځیو تړل کېدو سره کلک مخالفت ښودلی دی. امریکا، بریتانیا، فرانسه، ناروې، البانیا، برازیل، ایرلنډ، مکسیکو، متحده عربي امارات او ګابن هېوادونو په یوه ګډه اعلامیه کې چې د ناروې د بهرنیو چارو وزارت له‌خوا خپره شوې، له طالبانو غوښتي چې د ټولو نجونو لپاره ښوونځي پرانیزي. په دې اعلامیه کې راغلي د دوی پیغام روښانه دی او ټولې افغان نجونې باید ښوونځیو ته ولاړې شي. Читать дальше...

امریکا دغه خبرې د مارچ پر ۲۵مه، ناڅاپه لغو کړې. دا پرېکړه د طالبانو د هغه اقدام پر وړاندې غبرګون و چې له شپږم  صنفه د لوړو ټولګیو زده‌کوونکې نجونې یې ښوونځي ته له تلو منع کړې.

د پاکستان په قامي اسمبلۍ کې د وزيراعظم عمران خان خلاف د بې باورۍ تحريک له جمع کېدو وروسته، د اپوزیشن ګوندونو او واکمنې پارټۍ تحريک انصاف لخوا په اسلام اباد کې د ولسي غونډو تیارۍ روانې دي.

نوروز چې د پاکستان او افغانستان تر څنګ د نړۍ په یو شمېر هېوادونو کې د پسرلي په اوله ورځ لمانځل کېږي، د ترکي پولې ته څېرمه د عراق د قندیل غرونو قبایل یې په ځانګړي جوش او جذبه لمانځي. دا کرد قبایل د نوروز ځانګړې میله جوړوي چې پکې په روایتي جامو کې ښځې او سړي په ګډه ملي سندرې او موسیقي اوري او روایتي ګډاګانې کوي. د قندیل غرونو د نوروز مېلې ته له لیري پرتو سیمو څخه هم خلک ورځي او خوند ترې اخلي. تفصیل د اسوشيېټيډ پرېس په رپورټ کې.

د خوړو نړیوال پروګرام (ډبلیو اېف پي) وايي د بودجې کمښت، په اوسنیو شرایطو کې په افغانستان کې د دې ادارې د فعالیتونو پر وړاندې یوازنی ګواښ دی.   دې ادارې پرون پر ټویټر ولیکل چې د دوی کاروانونو هره ورځ د ژمي په سړو، واوره او باران کې شااوخوا ۲۳ ملیون افغانانو ته مرستې رسولي. د ملګرو ملتونو دې اړوندې ادارې مخکې خبرداری ورکړی و چې د اوکراین جګړې د نړۍ پر اقتصاد ناوړه اغېز کړی او په دې ترڅ کې په جګړه‌ځپلي افغانستان کې چې خلک‌یې د خوراکي موادو د پېرلو وس نه‌لري هم د اړتیا وړ شیانو بیې لوړې شوې دي.

د متحده ایالاتو ولسمشر جو بایډن پرون د اوکراین او پولنډ په سرحد کې له دېره امریکايي سرتېرو سره وکتل. دا په داسې حال کې ده چې مسکو ځینې داسې نښې نښانې ښودلي چې کرملېن پر اوکراین د برید له لومړنیو اهدافو په شا شوی او د اوکراین په ختیځ کې د روس پلوو بېلتون‌پالو له‌خوا د سیمو پر نیولو یې تمرکز زیات کړی دی. ولسمشر بایډن د دې ناڅاپي کتنې پر مهال له لسګونه امریکايي سرتېرو سره روغبړ وکړ. بایډن پولنډ ته له تلو مخکې په بروکسل کې د اروپايي کمېسیون له مشرې اورزولا فن دیرلاین سره په ګډه اعلان وکړ چې اروپايي... Читать дальше...

متحده ایالات غواړي د شمالي کوریا له وروستۍ راکټي ازموینې وروسته چې نوی انټرکانټيننټل بالیستیک توغندی یې بللی امنیت شورا پر پیونګ یانګ د نړیوالو د بندیزونو پراخولو او تازه کولو ته وهڅوي. په ملګرو ملتونو کې د امریکا سفیرې لیندا توماس ګرینفیلډ دا پرېکړه پرون د امنیت شورا په هغه غونډه کې اعلان کړه چې د شمالي کوریا د دې ازموینې په اړه د بحث لپاره جوړه شوې وه. مېرمن ګرینفیلډ د دې طرحې په اړه چې هدف‌یې د پیونګ یانګ د توغندیو د پروګرام د مالي سرچینو بندول دي نور جزئیات ورنه‌کړل.

روسیه وايي چې د اوکراین په جګړه کې یې ۱،۳۵۱ سرتېري له لاسه ورکړي دي. روسیې وروسته له دې چې څه باندې درې اوونۍ مخکې یې پر اوکراین برید وکړ، دا لومړی ځل دی چې په جګړه کې د خپلو سرتېرو د مرګ‌ژوبلې شمېر اعلانوي. د روسیې د پوځ جګپوړو چارواکو پرون په مسکو کې اعلان وکړ چې د فبرورۍ په ۲۴مه نېټه پر اوکراین د روسیې له برید وروسته یاد روسي سرتېري وژل شوي او ۳،۸۵۰ نور ټپیان شوي دي. دا شمېرې د تلفاتو له هغو شمېرو سره چې نورو اړخونو ورکړي دي لوی توپیر لري. د ناټو یوه چارواکي د مارچ په ۲۴مه وویل چې د اوکراین... Читать дальше...

د افغانستان لپاره د ملګرو ملتونو ځانګړې استازې او په کابل کې د ملګرو ملتونو د مرستندوی مأموریت مشره وايي چې د نجونو د تعلیم د مخنیوي په برخه کې د طالبانو پرېکړه به پر افغانستان داسې اغېز وکړي چې د جبران وړ به نه‌وي. دیبرا لاینز دا خبره په قطر کې د طالبانو د سیاسي دفتر له مشر سهیل شاهین سره په کتنه کې کړې ده. له دې مخکې د ملګرو ملتونو عمومي منشي انتونیو ګوترش هم ویلي و چې له شپږم د لوړو ټولګیو د زده‌کوونکو نجونو لپاره د ښوونځیو په پرانیستلو کې د طالبانو پاتې راتلل د ډېرې ژورې خواشینۍ خبره ده.... Читать дальше...

د نجونو د تعلیم په اړه د طالبانو له پرېکړې وروسته متحده ایالاتو پرون اعلان وکړ چې له طالبانو سره د دوحې له خبرو وځي. په دوحه کې د طالبانو او امریکا د استازو خبرې ځکه مهمې وې چې هدف‌یې د افغانستان اقتصادي ستونزو ته د یوې حل‌لارې موندل و. متحده ایالاتو دغه خبرې پرون ناڅاپه لغو کړې. دا پرېکړه د طالبانو د هغه اقدام پر وړاندې غبرګون و چې له شپږم د لوړو ټولګیو زده‌کوونکې نجونې یې ښوونځي ته له تلو منع کړې. د امریکا د بهرنیو چارو وزارت ویاند ند پرایس روېټرز خبري اژانس ته وویل چې د نجونو د زده‌کړو په... Читать дальше...