Новости за 09.11.2019

د هندوستان سلګونه تنه سیکان نن په یو لړ مذهبي مراسمو کې د ګډون په موخه له سرحد څخه د پاکستان خوا ته پورې وتل. د هند پخوانی صدر اعظم من موهن سنګ او تر خوا یې د بالیووډ مشهور ستوری سني دیول هم د زیارت کوونکو په ډله کې دي. سنګ پاکستاني رسنیو ته ویلي، دا یوه ځانګړې شېبه ده. دوی د سکییزم د بنسټ اېښودونکي ګورو نانک د زېږېدو د ۵۵۰ کالیزې په مناسبت جوړو شویو مراسمو کې د ګډون په هدف د پنجاب ایالت کارترپور ښار ته ځي. دا هغه سیمه ده چې ګورو نانک په کې مړ شوی دی. پاکستان له هند سره هوکړه کړې چې د هندوستان... Читать дальше...

د هند سترې محکمې پرېکړه وکړه چې د بابري جومات پر ځای دې د هندوانو معبد جوړ شي. دا پرېکړه نن د رایو په اکثریت وشوه او د حکم له مخې به مسلمانانو ته بل ځای کې بدیل ځمکه ورکول کېږي چې جومات پرې ورغوي. مسلمانان او هندوان له لسیزو راهیسې د ایودیا بابري جومات پر سر چې په شپاړسمه پېړۍ کې جوړ شوی، له یو بل سره اختلاف لري. هندي چارواکو په سیمه کې د ارامۍ غوښتنه کړې او پولیس او ملېشې اوترپرادېش ښار ته د امنیت نیولو لپاره استول شوي دي. دا په داسې حال کې ده چې له دې پرېکړې وړاندې پرون د جمعې په ورځ (نومبر... Читать дальше...

د ننګرهار چارواکي وايي، ۳۶ تنه داعش او طالب وسله وال ورته تسلیم شوي دي. د ننګرهار ولایت د رسنیو دفتر په یوه خپره کړې خبرپاڼه کې لیکلي، د دې کسانو د تسلیمۍ په مراسمو کې والي شاه محمود میاخېل ویلي، په ولسواليو کې د امنيتي ځواکونو د عملياتو له پراختيا سره، په دې ولايت کې د وسله والو د تسليمېدو پروسه چټکه شوې ده. سرچینه زیاتوي، په يوځای شويو وسله‌والو کې يو پاکستانی او پاتې نور د ننګرهار، کونړ، فارياب، کندز او يو شمېر نورو شمالي ولايتونو استوګن دي.

په افغانستان کې مېشت امریکايي ځواکونه وايي، تېره شپه یې د لغمان ولایت اړوند سیمو کې وروسته له هغې پر یو شمېر موټرو فشنګونه وغورځول چې د دوی او افغانستان امنیتي ځواکونو کتارونو ته نږدې شول. د دغو ځواکونو یوه ویاند ازادي راډیو ته وویل، دا عمل یوازې د مخکې تګ د مخنیوي په هدف و، نه دا چې ملکیان په نښه کړي. دی وايي:" د امریکا متحده ایالاتو اردو نه غواړي چې ملکیانو ته زیان ورسېږي. موږ هغه مهال هیڅ ډول زیان او تاوان و نه لید. خو ولې اوس مو د دوو موټرو د سوځېدو په اړه معلومات تر لاسه کړي دي. موږ ملکیانو... Читать дальше...

د کندهار سیمه‌ییز چارواکي وايي، د شاولیکوټ ولسوالۍ چنار سیمه کې پر یوه امنیتي کنډک د حکومت د وسله‌والو مخالفینو برید یې په شاه تمبولی دی. د کندهار د امنیه قوماندانۍ ویاند جمال ناصر بارکزي نن ماښام (عقرب ۱۸مه) ازادي راډیو ته وویل، دې پېښه کې یو پولیس وژل شوی او څلور نور ټپیان دي. هغه وویل: "یو پولیس وژل شوی، څلور ټپیان دي، د دښمن نږدې دېرش تنه وژل شوي، په دې برید کې نږدې اتیا تنو طالبانو ګډون کړی وو. " د پولیسو پر دې امنیتي کنډک نن سهار نږدې شپږ بجې لومړی د هاموي ټانک په وسیله ځانمرګ برید وشو، وروسته بیا نورو وسله‌والو جګړه پیل کړه. Читать дальше...

د امریکا متحده ایالتونو د بهرنیو چارو وزیر مایک پامپیو د ایران له خوا د اټمي انرژۍ د نړیوالې ادارې د یوې کارکوونکې "نیونه" غندلې ده. ښاغلي پامپیو پرون وویل چې دا یو ویرونکی عمل و چې د توجیه وړ نه دی.

د پاکستان وزیراعظم عمران خان د نومبر پر نهمه نېټه د هند او پاکستان ترمنځ د کرتار پور لارې رسمي پرانېسته وکړه.

د ولسمشرۍ د ځینو کاندیدانو له مخالفت سره سره، د افغانستان د انتخاباتو خپلواک کمېسیون د هېواد په کچه د زرګونو محلونو د رأیو بیاشمېرنې او تفیش بهیر پیل کړ.

په پاکستان کې د ګوزڼ یا پوليو ناورغۍ دوه نور کيسونه ثبت شوي چې ورسره په روان کال کې د ګوزڼ وهلیو شمير ۸۲ ته رسېدلی دی.

د مشال راډيو په ځوانانو غږ خپرونه کې د خېبر ضلعې ځوانان، مدني فعالان او پوليس چارواکي وايي چې په دې سيمه کې د ايس په نوم نشه ډېره زياته شوې او ځينې زده کوونکي او ماشومان هم په دې نشه روږد دي.

د جميعت علما اسلام ف ډلې مشر مولانا فضل الرحمن ويلي وايي ، د حکومت مذاکراتي کمېټۍ که بیا خبرو اترو ته ورځي نو د عمران خان استعفا دې له ځان سره وروړي ګني د هسې ورتلو ضرورت نشته.

اتلانتیک شورا له افغانستانه د امریکايي ځواکونو تر وتلو وروسته، په رامنتځته کېدونکي وضعیت او اړوندو اندېښنو یوه مقاله لیکلې ده.

د افغانستان په لوېدیځ ولايتونو کې ډېری معتادین چې په ایران کې په نشو اخته شوي، ازادي راډیو ته وویل چې هغو ایرانیانو نشو ته هڅولي چې دوی مزدوري ورسره کوله.

په تاجکستان کې سرچینو د ازادي راډيو ځايي څانګې ته ویلي چې د نومبر په شپږمه له ازبکستان سره پر پوله د تاجکستاني سرتېرو او داعش اورپکو ترمنځ جګړه کې اووه امنیتي افسران وژل شوي دي. په پلازمېنه دوشنبه کې چارواکو په رسمي توګه اعلان کړی چې یوازي دوه افسران يې وژل شوي. د تاجکستان د ملي امنیت دولتي کمیټې مخکې ویلي وو چې د پولیسو یو افسر بهرام قاسمزاده او یو سرحدي ساتونکی عزت الله لطیفوف د نومبر په شپږمه هغه مهال ووژل شول چې د داعش سخت دريځې ډلې شلو کسانو ازبکستان ته نيږدې پر پوله پر یوه پوسته حمله وکړه. Читать дальше...

د سيګار اداره د افغانستان پر حکومت له دې امله انتقاد کوي چې د نشه يي موادو لوی قاچاق کوونکي نه نيسي.

په بغلان ولایت کې ۱۵ ټنه نشه يي مواد وسوځول شول. د بغلان امنیه قوماندان محمد ویس صمیمي ازادي راډیو ته وویل، د تېر کال په بهير کې پولیسو د بغلان په مرکز او ولسوالیو کې پنځلس ټنه نیول شوي نشه يي مواد وسوځول. په دې موادو کې ۹۸۰ کیلوګرامه یې هیروئین، ۴۱ کیلوګرامه مورفین، ۱۰۲ کیلو ګرامه تاریاک، ۷۵۳ کیلوګرامه چرس، ۱۴ زره کیلوګرامه بنګ او لسګونه ليټره شراب شامل وو. د دې موادو د قاچاق په تور ۶۳ کسان نیول شوي او وروسته د محکمو له خوا په بند باندې محکوم شوي دي.

په کابل ولایت کې له نشه يي موادو سره د مبارزې ځانګړو پولیسو په دوو بېلا بېلو عملیاتو کې څه د پاسه شل کیلو ګرامه نشه يي مواد ونیول. له نشه يي موادو سره د مبارزې معینیت ویاند اسدالله یادګاري ازادي راډیو ته وویل، لومړي عملیات چې د کابل او شمالي ولایتونو پر لویه لاره د خیرخانې کوتل په سیمه کې وشول، په نتيجه کې يې پولیسو (۱۸) کیلوګرامه چرس هغه مهال ونیول چې په یوه موټر کې پټ کړل شوي او له شمالي ولایتونو څخه کابل ته قاچاق کېدل. په دوهمه پېښه کې پولیسو د کابل ښار په دوولسمه ناحیه کې د نشه يي موادو پر... Читать дальше...

په هلمند ولایت کې څه د پاسه لس ټنه نشه يي مواد وسوځول شول. د هلمند والي یاسین خان د عقرب د میاشتې په ۱۳مه نېټه د نشه يي موادو د سوځولو پر مهال رسنیو ته وویل، دا ۱۳ ټنه نشه يي مواد چې ۱۷۲ ليټره یې شراب، ۱۷۹ کیلو ګرامه هیروئین، څه د پاسه ۱۰۰ کیلو ګرامه مورفین، ۳۲۵۴ کیلو ګرامه تاریاک، ۸۱۶۱ کیلو ګرامه چرس او لسګونه لیټره یې کېمیاوي مواد دي. دی وایي: "دا نشه يي مواد چې په تېرو درېيو کالو په بهير کې د ملي پولیسو د عملیاتو په نتیجه کې نیول شوي، د محکمو په امر وسوځول شول." د یادونې وړ ده چې د دې موادو... Читать дальше...

د عراق د امنیتي ځواکونو او حکومت ضد مظاهره کوونکو ترمنځ په نښتو کې پرون د جمعې په ورځ (نومبر ۸مه) درې کسان ووژل شول. امنیتي ځواکونو پر اعتراض کوونکو اوښکې بهوونکی ګاز وکاراوه. د رویټرز خبري اژانس د راپور له مخې، د دولتي ځواکونو او لاریون کوونکو تر منځ د نښتو په نتیجه کې یو شمېر اعتراض کوونکي ټپیان هم شول. د اکټوبر په لومړۍ نېټه په پلازمېنه بغداد کې د بې کارۍ او اداري فساد پر ضد لاریونونه پیل شول او له هغه راهيسي تر ۲۸۰ کسانو زیات وژل شوي دي. لاریونونه په چټکۍ سره جنوبي ولایتونو ته خپاره شول.... Читать дальше...

څوارلس کسان هغه مهال ونیول شول چې د هوايي ډګرونو له لارې یې بهرنيو هېوادونو ته نشه يي مواد قاچاق کول. د کورنیو چارو وزارت په خبرپاڼه کې راغلي چې په څلورو جلا جلا پېښو کې اووه کسان نیول شوي چې پنځه کیلو او (۷۰۰) ګرامه هیروئین یې په (۵۲۹) کپسولونو کې د حامد کرزي د هوايي ډګر له لارې بهر ته قاچاق کول. په یوه بله پېښه کې د عدلي او قضايي مرکز څارنوالانو اووه کسان هغه مهال ونیول چې غوښتل یې یو کیلو او (۶۵۰) ګرامه هیروئین په خپلو خېټو کې د کندهار د هوايي ډګر له لارې هند ته قاچاق کړي.

د روسیې د بهرنیو چارو وزیر سرګي لاوروف وايي چې دی هیله لري د نړۍ د قدرتونو او ایران تر منځ اټمي موافقه به سره له دې چې واشنګټن ترې وتلی، وژغورل شي. امريکا تېر کال په مې مياشت کې له ایران سره د ۲۰۱۵ میلادي کال له اټمي موافقې ووته او له هغه راهيسي يې پر ایران نوي بندیزونه لګولي دي. هڅه یې دا ده چې ایران بېرته د مذاکراتو ميز ته کېنوي. واشنګټن استدلال وکړ چې د دې موافقې شرایط کافي نه دي چې د اټمي وسلو له جوړولو د ایران مخه ونيسي، دا هېواد د بالستیک توغندیو له پروګرامه او په منځني ختيځ کې له تخریبي فعالیتونو لاس واخلي. Читать дальше...

د افغانستان د ټاکنو خپلواک کمېسیون نن اعلان وکړ چې د رأیو د بیا شمېرنې او تفتیش لپاره د تخنیکي وسایلو بسته بندي پر ټاکنو د څارونکو بنسټونو په حضور کې پیل شوې ده. دغه کمېسیون نن شنبه (عقرب ۱۸مه) په یوه اعلامیه کې، له ټولو څارونکو او د ټاکنیزو ټیمونو له استازیو غوښتي چې د وخت کمی په نظر کې ونیسي او پر ټاکلي وخت څارنې ته حاضر وي. بل‌خوا بیا د عبدالله عبدالله په مشرۍ د ثبات او همپالنې ټاکنیزې ډلې دا بهیر تحریم کړی دی. دې ډلې په یوې خبرپاڼې کې ویلي، د ثبات او همپالنې ټيم خپلو ټولو ولایتي څانګو او... Читать дальше...

د افغانستان او ویسټ انډیز د کرکټ لوبډلو ترمنځ د درېیو پنځوس اووریزو سیالیو، دوهمه لوبه نن (نومبر ۹مه) د هند په لکنوو ښار کې کېږي. دا لوبه په ځايي وخت د ماسپښین پر دوو بجو پېلېږي. له ویسټ انډيز سره د افغانستان د لوبو لړۍ د نومبر په شپږمه نېټه پیل شوه. په لومړۍ لوبه کې ویسټ انډيز افغانستان ته په ۷ وېکټونو ماتې ورکړه. د دواړو ټیمونو ترمنځ د پنځوس اوورېزو لوبو درېیمه او وروستۍ لوبه د دوشبنې په ورځ (نومبر ۱۱مه) په همدې ښار کې ترسره کېږي. په هندوستان کې به دواړه لوبډلې درې شل اووره سیالۍ هم کوي چې د نومبر پر ١٤مه، ١٦مه او ١٨مه پلان شوې دي. Читать дальше...

د امريکا ولسمشر ډونالد ټرمپ وايي، دی د روسیې د ولسمشر ولادیمیر پوتین د هغې بلنې په اړه فکر کوي چې ده ته یې راتلونکی کال د مې په نهمه د بریا د ورځې په رسم ګذشت کې د ګډون لپاره ورکړې ده.  ښاغلي ټرمپ وايي چې د پوتین بلنه ستايي خو دا رسم ګذشت د سياسي فصل په منځ کې دی او ډاډه نه دی چې ګډون به په کې وکړي. ده زیاته کړه: "که مې کولای شوای ډېره لېوالتیا مې درلوده چې ورشم." د کرملین ویاند دیمتري پسکوف ویلي، مسکو ددغې بلنې په تړاو تراوسه د واشنګټن رسمي ځواب نه دی تر لاسه کړی. دا مراسم د ۱۹۴۵ میلادي... Читать дальше...

دېرش کاله مخکې د نومبر په نهمه د برلین دېوال ونړول شول او جرمنيانو ته لاره پرانیستل شوه چې تر نړيوالې جګړې وروسته چې خلک یې پر دوو برخو وېشل شوي وو، بېرته سره یو ځای شي.