Bottas vann etter flagg-tabbe
Valeri Bottas vann Japan Grand Prix i dag, men formel 1-løpet blei skjemt av ein stygg flaggtabbe.
Det blei vinka med målflagget ein runde for tidleg, og det skapte forvirring. Reglementet tilseier at når det skjer, skal rekkefølgja når flagget går, bli det endelege resultatet.
Årsaka til tabben er uklar, og det internasjonale bilsportforbundet skal granske hendinga nærmare.
Bottas hadde tredje beste startspor etter kvalifiseringa like før løpet, men freste forbi alle allereie på startsida, og leia deretter heile løpet.
Sebastian Vettel og Lewis Hamilton blei nr 2 og 3.
Fem rundar før sesongslutt er det klart at VM-kampen står mellom Mercedes-førararne Bottas og Hamilton.