Eks-Tromsø-spelar senka England
Zdenek Ondrasek blei bytta inn etter 65 minutt og sette inn sigersmålet fem minutt før slutt då Tsjekkia slo England 2-1 i EM-kvalifiseringskampen i Praha i kveld.
Det er Englands første tap i ein kvalifiseringskamp på 10 år og 44 kampar. Sist det skjedde var 0-1 for Ukraina 10. oktober 2009.
Harry Kane gav England leiinga på straffe etter fem minutt, men Jakub Brabec utlikna fire minutt etterpå.
England leier framleis gruppa trass sitt første tap, men no berre på målskilnaden framfor Tsjekkia. England har tre kampar att, Tsjekkia to.
Ondrasek spela for Tromsø i fire sesongar, frå 2012 til 2015, og scora 46 seriemål.