Швајцарците гласаа против на трите референдуми за животната средина

Швајцарските гласачи ги отфрлија трите референдуми за животната средина што се одржаа вчера, меѓу кои и оној поддржан од владата за намалување на емисиите на стакленички гасови со што ќе се овозможеше земјата да ги исполни целите предвидени во Парискиот климатски договор. Предлогот за намалување на емисиите за 50 отсто до 2030 година беше одбиен со 51,6 отсто гласови против.

САД официјално од денеска повторно во Парискиот договор за климата

Владата на Швајцарија ги поддржа мерките кои предвидуваа финансиска помош при купување електрични возила, зголемување на даноците за гориво и природен глас и даноци за авионските компании.

Гласачите исто така го одбија предлогот да се забранат хемиските пестициди, а увозот на храна која ги содржи да биде забранет. Третото гласање на кое негативно се изјаснија Швајцарците беше за тоа на земјоделците да им се даваат субвенции само ако не користитат пестициди или антибиотици кога животните се болни. За последните две прашања швајцарската влада посакуваше гласачите да се изјаснат негативно бидејќи тоа, како што објаснуваа, би ја поткопало прехрамбената независност на земјата.

Швајцарците гласаа за забрана за носење превез што го покрива лицето

Во тамошниот демократски систем референдуми се одржуваат на неколку месеци. Која било идеја во јавноста може да биде ставена како прашање за изјаснување на национално ниво ако се соберат 100 000 потписи. Швајцарија има  8,6 милиони жители.