Новости за 14.11.2020

Во последните 24 часа се регистрирани 1168 нови случи на заразени со ковид-19, од направени 3.353 тестирања, соопшти Министерството за здравство. Во Скопје има 513 нови случаи на ковид-19, Прилеп-77, Куманово-68, Тетово-65, Битола-58, Кичево -42, Струга-40, Велес-36, Струмица и Свети Николе по 33, Гостивар-30, Кавадарци-29, Штип-27, Охрид-25, Кочани-19, Кратово -11, Радовиш и Неготино по 7, Валандово и Дебар по 6, Гевгелија, Виница и Крива Паланка по 5 нови случаи, Ресен-4, Крушево, Македонски Брод... Читать дальше...

Жариште на птичји грип биле идентификувани во Белгија, поради што властите воведоа изолација на птиците, за сите кои чуваат живина, вклучително и на домаќинствата, соопшти Сојузната агенција за прехранбена безбедност (Афсца). По појавите на жаришта на птичјиот грип летоска во Русија и во Казахстан, заразата неодамна се прошири и во Западна Европа. Превентивните мерки за изолација или заштита овој месец се воведени во Франција, поради проценка на висок ризик од појавата на болеста. Во Белгија, три... Читать дальше...

Ерменија денеска соопшти дека над 2300 нејзини војници загинале во судирите за контрола врз енклавата Нагорно-Карабах, кои беа окончани со мировниот договор со кој се признава победа на азербејџанските сили. „Во овој момент, телата на 2317 војници, меѓу кои има и неидентификувани тела, ги презеде службата за судска медицина“, напиша на Фејсбук портпаролката на ерменското Министерство за здравство Алина Кикокгосијан. Таа вели дека процесот на размена на телата со Азербејџан започна и дека завојуваните страни засега немаат конечни бројки. Читать дальше...

Европската агенција за лекови (АЕЛ) предвидува дека ќе даде одобрение за првата вакцина против коронавирусот до крајот на годинава со очекуван почеток на дистрибуцијата од јануари, изјави денеска директорот на Агенцијата. „Ако податоците се солидни, би можеле да дадеме зелено светло за првата вакцина до крајот на годинава и да почнеме со дистрибуција од јануари“, рече Гвидо Раси, директор на ЕАЛ во интервјуто објавено денеска во италијанскиот весник Ил Соле 24 Оре. Таа институција е задолжена за одобрување и контрола на лековите во ЕУ. Читать дальше...

Tри дена остануваа за наоѓање решение со Бугарија. Министерот Бујар Османи вели дека нема да се откажат од процесот за приближување на ставовите. Мицкоски рече дека Владата има избор или честитки или ќе и се случи народ. Бугарската влада ја утврди позицијата за преговарачката рамка, но детали нема.

Екипи на турската полиција за борба против тероризмот во Истанбул уапсија 19 странски државјани, за кои е утврдено дека вршеле активности во корист на џихадистичката група Исламска држава (ИД) и подготвувале напад. Акцијата е спроведена истовремено на 16 адреси во девет области на Истанбул. Првичната истрага покажува дека уапсените лица подолго време престојувале во зоните на конфликт во Ирак и Сирија, по што илегално преминале во Турција и пристигнале во Истанбул. При извршените претреси во домовите... Читать дальше...

Репортери без граници повика на транспарентна истрага за убиството на новинарот на Радио Слободна Европа Иљаз Даје во јужната авганистанска провинција Хелманд. Авганистанската влада, ОН и други организации го осудија нападот врз слободата на печатот. Даје, кој имаше 33 години, беше убиен на 12 ноември во експлозија на бомба прикачена на неговото возило со магнет. Засега никој не ја презеде одговорноста за нападот. Портпаролот на талибанците Забиулах Муџахид ниту ја негира ниту ја потврди нивната вмешаност во инцидентот... Читать дальше...

Основните училишта, забавиштата и градинките во Грција од понеделник до 30 ноември ќе бидат затворени, а учениците наставата ќе ја следат онлајн (во попладневните часови) и преку едукативната програма на грчката национална телевизија. Одлуката на грчката Влада, која претпладнево ја соопштија надлежните министри на вонредна прес-конференција во Министерството за здравство на Грција, доаѓа по препорака на Комисијата на епидемиолози за да се намали раздвиженоста на возрасните. Министерот за здравство на Грција... Читать дальше...

На Владата или ќе и честитам или ќе и се случи народ во зависност од тоа каков договор ќе склучи со Бугарија, рече денеска на прес-конференција претседателот на ВМРО-ДПМНЕ, Христијан Мицкоски. Лидерот на опозициската држава ќе им честита и ќе им рече - Секоја чест ги одбранивте македонските национални интересни, доколку Владата постигне решение со кое недвосмислено ќе го заштити македонскиот јазик, ако не се откаже од македонското малцинство во Бугарија, ако постигне решение во кое ќе ги заштити историјата... Читать дальше...

Американскиот државен секретар Мајк Помпео пристигна во Париз на почетокот на посетата на седум земји во Европа и на Блискиот Исток. Во периодот до 23 април, тој треба да ги посети Франција, Турција, Грузија, Израел, Катар, Саудиска Арабија и Обединетите Арапски Емирати. Посетата доаѓа во период кога Помпео и голем дел од Републиканската партија не го прифатиле поразот на претседателот Доналд Трамп од демократскиот кандидат Џо Бајден. Помпео уверува дека во САД ќе има мирен трансфер на власта... Читать дальше...

Нема да се откажеме од овој процес до последен миг, вели министерот за надворешни работи, Бујар Османи, за приближувањето на ставовите со Бугарија за интеграцијата на Македонија во ЕУ. Тој денеска на прес-конференција не откри кои иницијативи се прават или ќе се прават наредните три дена, за да се приближат ставовите. Според министерот за надворешни работи Османи, постигнат е напредок во многу прашања, дури, како што посочи, 7-8 што биле сензитивни за едната или за другата страна. Османи вели дека во моментот нема конкретна иницијатива... Читать дальше...

По кратко боледување синоќа почина Бојо Андрески, основач и сопственик на првиот приватен универзитет во Македонија, „Европски универзитет”. Андрески беше сопственик и на весникот „Вечер“. Беше лидер на Партијата на правдата. Комеморација Бојо Андрески ќе се одржи денеска во просториите на Европскиот универзитет.

Кредитната агенција „Фич“ го потврди рејтингот на земјава на „ББ+“ со негативен изглед. Потврдата на рејтингот се должи од една страна на спроведувањето на добри политики на владеење, развој на човечкиот капитал, индикаторите за поволна бизнис-клима, кохерентноста на макроекономската и фискалната политика, како и процесот на евроинтеграции. Од друга страна се негативните ефекти на ковид-кризата врз економијата, соопшти Министерството за финансии. Кредитната агенција проектира пад на македонската... Читать дальше...

Во изминатите 24 часа во ковид центрите во Скопје хоспитализирани се 41 нов пациент поради компликации од корона вирусот. Пријавени се 35 оздравени пациенти кои се пуштени дома. Вкупно 393 болни, сомнителни и потврдени за ковид -19 се лекуваат на инфективните оддели во главниот град, соопшти Министерството за здравство. На Кожната клиника во ковид центарот во моментов се лекуваат 24 пациенти, на Клиниката за неврологија 34 болни, а на Институтот за ТБЦ се примени вкупно 53 пациенти сомнителни и позитивни на КОВИД 19. Читать дальше...

Вториот човек на Ал Каеда, обвинет за организирање на смртоносните бомбашки напади во 1998 година на две американски амбасади во Африка, бил убиен од израелски агенти во Иран во август, објави Њујорк тајмс. Вториот по ранг човек во Ал Каеда, Абдула Ахмед Абдулах, го убиле двајца мажи на мотоцикал во Техеран на 7 август, објави „Тајмс“ на 13 ноември. Абдулах познат со военото име Абу Мухамед ал Масри, се сметаше за наследник на сегашниот лидер на Ал Каеда, Ајман ал-Завахири. Повикувајќи се на разузнавачки служби... Читать дальше...

Во преговарачката рамка да има посебно поглавје за Македонија, со сите критериуми за добрососедство, бара бугарскиот претседател Румен Радев. Според него, Бугарија пред сè мора да ги брани својата историја, јазик и идентитет. „Никој освен ние самите не можеме да го направиме тоа. Убеден сум дека отворено соработувајќи со нашите соседи и браќа, ќе го најдеме вистинското решение, но бидејќи Договорот за добрососедство не води кон нив, имаме право да бараме други средства. Бугарија не е кандидат за членство, туку Република Северна Македонија. Читать дальше...

Во Битола синоќа почина Вељо Тантаров, претседател на Сојузот на земјоделците на Македонија. Toj e роден 1942 година во пелагониското село Новаци. Тантаров во периодот на својата политичка активност (1994-1998 г.) ја вршеше функцијата пратеник во македонскиот парламент, а во изминатиот период се до смртта, беше претседател на Сојузот на земјоделците на Македонија. Вељо Тантаров ќе биде погребан денеска во 12.30 часот во семејната гробница на гробиштата во село Новаци.

Претседателот на САД, Доналд Трамп, во прво обраќање по изборите пред Белата куќа рече дека неговата администрација под ниеден услов нема да воведе блокада во земјата поради ковид -19. „Оваа администрација нема да воведе блокада. Што и да се случи во иднина, кој знае која администрација ќе биде. Времето ќе каже, претпоставувам“, рече Трамп. Говорејќи пред Белата куќа на 13 ноември за вакцините против коронавирусот, Трамп го повтори ветеното дека нема да воведе блокада во САД и покрај тоа што бројот на заразени со ковид-19 расте. Читать дальше...

Бугарската Влада го утврди ставот за преговарачките рамки за пристапување на Северна Македонија и на Албанија во ЕУ. Тоа било сторено вчера на вонредна онлајн седница. Пристапувањето на Скопје и Тирана треба да биде разгледано на состанокот на Советот за општи работи на 17 ноември, соопшти владината прес-служба. Но во соопштението не се наведуваат детали за утврдената позиција. „Бугарија е меѓу најсилните застапници на процесот на проширување на Европската унија. Нашата земја ја крена темата високо... Читать дальше...

Времето денеска ќе биде сончево со мала до умерена облачност, претпладне по одделни котлини со појава на магла. Ќе дува слаб до умерен северен ветер. Дневната температура ќе се движи од 13 до 20 степени. Во Скопје претпладен ќе биде магливо, а околу пладне и попладне ќе биде сончево со умерен аоблачност. Температурата ќе достигне до 14 степени.