Новости за 11.06.2019

Битолските невладини организации им порачаа на младите помалку да шетаат на Широк Сокак и повеќе да волонтираат и да бидат општествено активни за да стекнат вештини кои ќе им помогнат полесно да најдат работа.

На чело на Агенција за национална безбедност застанува Виктор Димовски, досегашен државен секретар во Министерството за надворешни работи. Оваа одлука е донесена на денешната владина седница. Тој претходно во 2007 до 2009 година бил директор на Агенцијата за разузнавање, додека во период од 2009 до 2017 година како и во период од 2003 до 2007 година бил амбасадор во неколку земји меѓу кои Србија, Црна Гора и Израел. Димовски е доктор на политички науки. Дополнително Владата ја констатираше и оставката на директорот на истражниот затвор ... Читать дальше...

„Магла“ е насловен проектот на четворица косовски и еден австриски уметник - Луан Бајрактари, Газменд Ејупи, Дритон Селмани, Фатмир Мустафа Карло и Алберт Алгајер, што од 13 јуни до 2 јули, ќе биде изложен во „Мала станица“ во Скопје. Куратор е познатиот Ави Лубин од Израел.

Бугарија нема да направи комромис за датумот за чествување на Гоце Делчев и доколку не се постигне договор околу ова прашање, Софија ќе ја напушти работата на експертската комисија, предупредува шефицата на бугарската дипломатија Екатерина Захариева во интервју за бугарската Б ТВ. Ова следува по неприфаќањето на бугарската комисија за заедничко чествување на Гоце Делчев на 7 ми октомври. Таа изјави дека овој датум, кој ја одбележува годишнината кога Бугарија и ги предала на Македонија останките на револуционерот... Читать дальше...

Албанскиот претседател Илир Мета најави дека сам ќе се повлече ако тоа значи излез од кризата. Тој во неговото денешно обраќање истакна дека не разбира зошто сакаат да го разрешат и дека одлуката да ги одложи локалните избори бил неопходен чекор поради околностите од зголемување на тензиите и ескалација во граѓански конфликт, за што како претседател и Врховен командат имал информации. „Републиката не е монопартизам, ниту земање во заложништво на институциите од страна на мнозинството, ниту делегитимизација од страна на опозицијата. Читать дальше...

Мандатот на претседателите на партиските ограноци на ДУИ се истечени уште минатата година и затоа годинава ќе се одржат внатрепартиски избори, соопшти пратеникот на ДУИ Артан Груби на својот Фејсбук профил, без при тоа да открие детали. Ова следува откако дел од медиумите денеска објавија информација повикувајќи се на партиски извори дека лидерот на партијата Али Ахмети ги разрешил сите претседатели на партиските ограноци. Груби на Фејсбук напиша дека не е точно дека се разрешени, туку дека станува... Читать дальше...

Протоколот за членство на Северна Македонија во НАТОза утре еставен на дневен ред на седницата на Парламентот на Естонија, која ќе биде 17-та земја што ќе го ратификува Протоколот. Минатата недела тоа го стори германскиот Бундестаг, по што остануваат уште 12 земји членки да го официјализираа пристапувањето на Северна Македонија во НАТО. Власта очекува до декемврискиот самит на Алијансата овој процес да биде завршен и земјава да стане 30-та членка на НАТО.

Рускиот министер за внатрешни работи Владимир Колоколтсеј соопшти дека обвинението против новинарот Иван Голунов е повлечено и дека наскоро ќе му биде укинат куќниот притвор. Станува збор за истражувачки новинар кој работи за новинската агенција Медуза, а е обвинет за обид за продавање на наркотици.  Колоколтсеј изјави дека полицајците кои го привеле новинарот и кои го тепале се суспендирани и покрената е истрага против нив. Тој додаде дека причината за повлекувањето на обвинението е резултатот... Читать дальше...

Советот на Општина Охрид соопшти дека вчерашниот инцидент меѓу советниците е чин кој што не им доликува на претставници избрани од граѓаните. Станува збор за физичкиот напад меѓу советник од ДУИ  и негов колега од БЕСА. „Сметаме дека ваквото однесување е изолиран инцидент и нема да се повтори во иднина и ги повикуваме советниците да се однесуваат во духот на демократијата и почитување на различните мислења“, се наведува во соопштението на Локалната самоуправа. Од БЕСА пак, при нивната вчерашна осуда на инцидентот... Читать дальше...

На испразнетите пратенички столчиња во Собранието ќе седнат Ѓорѓи Камчев од ВМРО-ДПМНЕ и Александар Филиповски. Тие доаѓаат на местот на поранешниот премиер Никола Груевски и пратеникот од мнозинството Павле Богоевски чии оставки денеска ги усвои претседателот на Собранието Талат Џафери. Извештајот за констатираните оставки на пратениците ќе биде испратен до ДИК која веднаш на седница ќе ги констатира и ќе ги предложи Камчев и Филиповски за нови пратеници. Ѓорги Камчев доаѓа од редовите од ВМРО-ДПМНЕ... Читать дальше...

Советот на Град Скопје на денешната седница донесе одлука со која за нов концесионер на депонијата „Дрисла“ е избран конзорциумот предводен од германската фирма „Шолц’, хрватската „Ц.И.О.С“ и македонската „Сплендор“. „Со ваквата одлука се овозможува да се стави крај на агонијата на граѓаните на Скопје со депонијата „Дрисла“ и се создава можност за започнување процес на инвестиции и модернизација на депонијата „Дрисла“, која во иднина ќе прерасне во модерна депонија во која ќе се одложува и третира отпадот по највисоки светски стандарди“... Читать дальше...

Претседателот Стево Пендаровски утре ќе го посети Брисел каде ќе има одделни средби со претседателот на Европскиот Совет, Доналд Туск и со заменик-претседателот на Европската комисија и високиот претставник на Европската унија за надворешни работи и безбедносна политика, Федерика Могерини. За време на посетата Пендаровски, како што се наведува во соопштението, ќе се обрати на трибина организирана од „Пријателите на Европа“ и ќе говори на тема „Северна Македонија и нејзината потрага за евроатлантска интеграција“.

Во Кривичнот суд, во првиот дел од денешното рочиште за случајот „Таргет – Тврдина“, обвинетиот Сашо Мијалков вкрстено го испрашуваше сведокот Звонко Костовски од петата управа во МВР. Мијалков го праша Костовски дали може да докаже дека прислушуваните разговори се снимени во МВР. На што Костовски одговори дека има неколку индикации за тоа. „Прво дека со други системи не може да се постигне таков квалитет на разговорите. Исто така доколку има двојна линија, втората не се слуша. Трето, кога таргетот... Читать дальше...

За да се унапреди процесот на дијалогот меѓу Косово и Србија, неопходен е еден рамковен договор со кој ќе се дефинираат темите за кои двете земји можат да најдат решение, изјави денеска косовскиот премиер Рамуш Харадинај. Тој порача дека еден таков претходен договор би бил гаранција за продолжување на дијалогот меѓу Белград и Приштина. Според него, двете земји веќе имаат потпишано Договор за интегрирано менаџирање на границите (ИБМ), така што нема потреба од разговори за тоа прашање.

Адвокатите на рускиот истражувачки новинар Иван Голунов поднесоа жалба до судот во Москва за укинување на куќниот притвор. Голунов, кој работи за новинската агенција Медуза е обвинет за обид за продавање на наркотици. Новинари, активисти и поддржувачи за утре најавија протести на кои ќе се бара ослободување на Голунов, кој ги негираше обвиненијата. На 8 јуни судот донесе одлука за изрекување на куќен притвор за Голунов од два месеци, но мерката може да биде продолжена. Доколку биде осуден Голунов се соочува со казна до 20 години затвор.

Во заедничко соопштение министрите за надворешни работи на 13 земји - членки на ЕУ бараат во јуни Северна Македонија и Албанија да добијат датум за отпочнување на преговори со ЕУ. Според нив, од суштинско значење е да се обезбеди севкупен напредок во регионот.

Албанскиот Парламент в четврток ќе расправа за барањето за импичмент на претседателот Илир Мета. Ова денеска е договорено на средбата на спикерот на Парламентот Грамоз Ручи со координаторите на пратеничките групи. Мета за денеска попладне најави ново обраќање до јавноста, по донесувањето на одлуката за одложување на локалните избори во земјата.

Премиерот Зоран Заев денеска изјави дека политичките одлуки во земјата за тоа дали ќе има реконструкција на Владата или предвремени избори ќе зависат од одлуката на Европскиот совет и како европските земји ќе ги постават работите, како и од пораките што ќе ги добие од германската канцеларка Ангела Меркел на претстојната средба во четврток во Берлин. Тој на заедничката прес-конференција во Владата со неговиот чешки колега Андреј Бабишпорача дека нема дилеми оти земјата ќе добие датум за преговори, но важно тоа е да биде порано. Читать дальше...

Претседателот на Собранието денеска ги констатираше оставките на пратеникот од ВМРО-ДПМНЕ и поранешен премиер Никола Груевски кој е азилант во Унгарија и на пратеникот од владејачкото мнозинство Павле Богоевски, за кој беше објавена контроверзна аудио снимка.

Собранието денеска ги констатираше оставките на пратеникот и поранешен премиер Никола Груевски, кој доби политички азил во Унгарија, како и на пратеникот Павле Богоевски. Груевски ја поднесе оставката откако во Собранието започна постапката за одземање на неговиот пратенички мандат. Но, со констатирање на оставката, предлогот за одземање на мандатот на Груевски е беспредметен и беше повлечен. Богоевски во неговото образложение за оставката истакна дека не сакал неговата функција да влијае на истрагата... Читать дальше...

Република Чешка ја поддржува Северна Македонија и ќе направиме сѐ за што побргу да ги почнете преговорите за членство во ЕУ и да станете полноправен член на НАТО, изјави чешкиот премиер Андреј Бабиш, кој со својата делегација е во еднодневна посета на Скопје

Скопје и Атина успеаја да најдат заеднички јазик, постигнаа компромис за спорот за името. Вие како држава го сторивте своето, одржавте референдум, го сменивте името, го сменивте Уставот, спроведовте реформи, а сега европските политичари кои ви ветија дека откако ќе го сторите тоа ќе бидат отворени преговорите со Европската Унија, мора да го одржат својот збор. Ова го порача денеска во Скопје чешкиот премиер Андреј Бабиш на заедничката прес-конференција со премиерот Зоран Заев и порача дека земјава има поддршка и од Вишеградската група. Читать дальше...

Пратеникот Павле Богоевски до собраниските служби ја достави оставката пред седницата на која ќе се расправа за одземање на мандатот на пратеникот и поранешниот премиер Никола Груевски, кој доби политички азил во Унгарија. Богоевски оставката ја најави на седницата на Комисијата за деловничко-мандатно и имунитетни прашања, но порача дека ќе стапи на сила откако ќе се гласа за одземање на мандатот на Груевски. Собраниската седница ќе доцни поради средбата со чешкиот премиер, соопштија од кабинетот на претседателот. Читать дальше...

Авганистанските специјални сили спасиле 44 лица од затвор кој бил раководен од талибанците во северната покраина Бахлан. Локалните власти соопштија дека меѓу ослободените затвореници има цивили и припадници на безбедносните сили. Талибанците се уште не објавија коментар за операцијата. Минатиот месец мисијата за помош на ОН во Авганистан соопшти дека затворениците држени од милитантната група биле лошо третирани и подложени на тортура.

Народниот правобранител Иџет Мемети изјави денеска дека правосудството во државата треба да е столбот или гарантот на функционирањето на системот, при што како што порача, малку се прави за подобрување на таквите системи. „Не можеш да го подобриш правосудниот систем само со промена на закон. Факт е дека од тука почнуваат промените, но за да имаш сериозни промени треба сериозни анализи за состојбите што за жал кај нас при надградба на било кој систем многу малку се прават“, изјави Меџити. Според него... Читать дальше...