Новости за 06.06.2019

Рускиот претседател Владимир Путин денеска се закани дека е можно да дозволи да истече важниот договор со САД за контрола на стратешкото нуклеарно вооружување СТАРТ во 2021 година, доколку како што рече, Американците немаат намера да го продолжат, објави АФП. "Ако никој не сака да го продолжи договорот СТАРТ, тогаш нема ниту ние, сто пати рековме дека сме подготвени за тоа", изјави Путин на маргините на Економскиот форум во Санкт Петербург. Путин додаде дека засега никој не зборува со Русија... Читать дальше...

Над еден милион луѓе во светот секој ден се заразуваат со сексуално преносливи болести, а најмногу загрижува стапката на заразени со кламидија, гонореја, трихономијаза и сифилис, објави Светската здравствена организаиција. „Поголем дел од инфекциите се излечиви и можат лесно да се спречат, но одделни болести, особено гонорејата, развиле посебно отпорни облици, кои се потешко се лечат со антибиотици“, се наведува во извештајот на СЗО. Извештајот заснован на последните достапни глобални податоци од 2016 година... Читать дальше...

"Наместо уништување на банкнота со ликот на еден голем американски научник и државник Бенџамин Френклин, министерот Дачиќ би можел да размисли за неговата изјава: " Биди во војна со своите пороци, во мир со своите соседи ", се вели во одговорот на Амбасадата на САД во Белград за Радио Слободна Европа (РСЕ). Американската амбасада реагираше на постапката на српскиот министер за надворешни работи, Ивица Дачиќ, кој се приклучи на интернет предизвикот „Косово е Србија“ и на банкнота од 100 американски долари напиша Косово е Србија и се потпиша. Читать дальше...

Лидерите на пет опозициски партии кои се дел од обединетата албанска опозиција, побараа од претседателот Илир Мета да ги одложи локалните избори за шест месеци. „Претседателот Мета изјави дека е подготвен да го одложи датумот на изборите доколку има политичко разбирање, денеска ние сфативме дека не постои разбирање од криминалната власт. Затоа е многу значајно да се одложат изборите за шест месеци и да се формира преодна влада“, изјави лидерот на Републиканската партија Фатмир Медиу на средбата со жителите на Камза. Читать дальше...

Ќе добие ли Северна Македонија датум за преговори со ЕУ за членство во Унијата? Прашањево е главна тема во изминативе денови во печатените медиуми.

Меѓу земјите-членки на Европската Унија во оптек е т.н. „нон-пејпр”, кој има за цел да се потврди во писмена форма дека проширувањето на Западниот Балкан останува и натаму кредибилна опција. Како што дознава Радио Слободна Европа (РСЕ), кое има увид во нацрт документот, тринаесет членки на ЕУ бараат проширување на Западниот Балкан. Во документот, меѓу другото, се нагласува дека ЕУ треба да ја исполни својата недвосмислена посветеност на европската интеграција на земјите од Западен Балкан и дека „не постои” план „Б” за земјите од Западен Балкан.

Подмирување на долговите спрема вработените и кон работниците прогласени за технолошки вишок и конечна средба со премиерот Зоран Заев, побараа дел од работниците прогласени технолошки вишок од прилепската наменска компанија „Еурокомпозит“ по средбата со вицепремиерот Кочо Анѓушев поладнево во владата на Северна Република Македонија. Ова е ставот на 30-ината работници од „Еурокомпозит“ кои два дена протестираат пред Владата барајќи решавање на долгорочниот проблем со исплатата на отпремнините и на заостанатите плати и придонеси за работниците. Читать дальше...

Американскиот претседател Доналд Трамп денеска се обиде да ги намали разликите со Франција околу Иран, пренесувајќи му на францускиот претседател Емануел Макрон дека и двајцата се согласуваат дека Техеран не треба да има нуклеарно оружје. На состанокот на двајца претседатели во францускиот град Каен, за време на прославата на 75-годишнината од сојузничкото слетување во Нормандија, Трамп ја повтори понудата дека Соединетите Држави ќе продолжат со преговорите со Техеран околу иранската нуклеарна програма, со што се согласи Макрон, објави АП. Читать дальше...

Германскиот Парламент го ратификиваше Протоколот за членство на Северна Македонија во НАТО. Владата на Германија во образложението на Протоколот од 6 февруари 2019 година изразува убеденост дека приклучувањето на Република Северна Македонија кон НАТО ќе значи придонес кон безбедноста и стабилноста во евроатлантскиот простор, јавува Дојче веле. Во текот на дебатата германските пратеници влезот на земјата во Алијансата го поврзаа со датумот за почеток на преговори со Европската Унија. Иако расправата... Читать дальше...

Германската канцеларка Ангела Меркел и косовскиот премиер Рамуш Харадинај денеска истакнаа дека правно обврзувачкиот договор за целосна нормализација на односите Белград-Приштина е клучен за стабилноста во регионот. Меркел денеска во Берлин се сретна со Харадинај, со кого, како што соопштија од нејзиниот кабинет, се разговарало за билатералните односи, прашањата околу надворешната политика и односите Белград-Приштина.

Советот за мир и безбедност на Африканската унија (АУ) денеска објави дека Судан нема да може да учествува во активностите на организацијата поради немирите во земјата. Советот на Твитер објави дека суспензијата ќе остане на сила до "ефективното воспоставување" на транзиционите цивилни власти и дека ова е единствениот начин Судан да излезе од сегашната криза. Најавата следува по состанокот во врска со кризата во Судан денес, откако беше објавено дека 108 лица загинаа во тридневниот конфликт меѓу суданската армија и демонстрантите. Читать дальше...

Американскиот претседател Доналд Трамп денешното одбележување од 75 годишнината од Денот Д во крајбрежниот град Вер-Сур-Мер порача дека ветераните кои учествувале во инвазијата се меѓу најголемите Американци кои некогаш ќе живеат. „Вие сте гордост на нашата нација. Вие сте слава на нашата република и ние ви благодариме од дното на нашите срца", рече Трамп на церемонијата на која присуствуваа и британската премиерка Тереза Меј и францускиот претседател Емануел Макрон. Тој ја искористи прославата... Читать дальше...

Косовскиот претседател Хашим Тачи изјави дека таксата од 100 отсто на увозот од Србија и Босна и Херцеговина ќе се укине само откако Белград ќе ја признае независноста на Косово. Тој пред да отпатува на меѓународниот форум во Братислава посочи и дека нема да има посебна средба со српскиот претседател Александар Вучиќ, туку може да разговара со него на панелот на кој ќе стане збор за дијалогот меѓу двете земји. Според Тачи, таксата е исправна и легитимна одлука и не треба на неа да се гледа како... Читать дальше...

Јапонскиот премиер Шинзо Абе ќе го посети Иран во блиска иднина во надеж дека земјата ќе помогне во намалување на тензиите меѓу Вашингтон и Техеран. Јапонски медиуми јавија дека Абе најверојатно ќе отпатува на 12 јуни и ќе се сретне со врховниот лидер Ајатолахот Али Хаменеи и претседателот Хасан Рохани. Тоа ќе биде прва посета на јапонски премиер на Иран по повеќе од четири децении. Јапонија е една од најблиските сојузници на САД во Азија, а земјата има добри односи и со Иран.

Поранешниот украински претседател Виктор Јушченко е обвинет за злоупотреба на службената положба и проневера при нелегална приватизација на комплекс за домување во близина на Киев кој беше користен како резиденција на тогашниот премиер и негов наследник Виктор Јанукович. Обвинителството сооопшти дека тој и официјално бил известен по електронска пошта и лично дека е обвинет за делото. Според обвинителството, Јушченко кој беше шеф на државата од 2005 до 2010 година е осомничен дека му помогнал на... Читать дальше...

Заменик министерот за надворешни работи на Русија, Михаил Богданов изјави дека неговата земја е против било каква странска интервенција во Судан, каде повеќе од 100 демонстранти беа убиени од војската во текот на оваа недела. Според него, дијалог и компромис е потребен за надминување на кризата во африканската нација. Тој порача и дека руските дипломати се во контакт со сите политички сили во Судан, вклучувајќи ја опозицијата.

Босанското обвинителство соопшти дека верува оти била лоцирана масовна гробница во близина на Сараево во која се наоѓаат останките на босански муслимани кои биле убиени за време на војната од 1992 до 1995 година. Коски и остатоци од облека биле пронајдени на планината Игман. „По испитувањето на теренот, видовме сомнителна локација на непристапно поле и човечки остатоци беа пронајдени во земјата на длабочина од еден метар“, се наведува во соопштението на обвинителството. Околу 7.000 луѓе се уште... Читать дальше...

Евроамбасадорот Самуел Жбогар денеска ги повтори ставовите на претседателот на Европската комисија Жан-Клод Јункер дадени пред два дена во однос на датумот за отпочнување преговори со ЕУ. „Не можам да кажам многу повеќе од тоа што го рече претседателот на Комисијата пред два дена кој истакна дека државата е подготвена да ги направи следните чекори и, исто така рече дека ќе ги убеди другите држави членки да се залагаат и да дадат зелено светло за отворање на преговорите“, порача Жбогар при денешната посета на месноста Куклица во Кратовско.

СЈО соопшти денеска дека објавените разговори на Фејсбук профилот со псевдоним „Ел Чека“ не потекнуваат од обвинителството. Во соопштението се наведува дека сите аудио материјали со кои располага СЈО се чуваат под строго пропишани безбедносни процедури кои опфаќаат физичка, административна и информатичка безбедност на информациите. „Воедно, при анализа и обработката на материјалите се постапува согласно со воспоставените интерни правилници и процедури за евидентирање на процесот на преслушување и обработка на материјалите... Читать дальше...

Портпаролот на Владата, Мухамед Хоџа изјави дека продолжуваатразговорите во врска со најавената владина реконструкција, односно смена на функционери и министри. „Консултациите и разговорите за евентуална владина реконструкција продолжуваат меѓу политичките партии. Тие веќе комуницираат со медиумите и јавноста веќе е информирана до каде е процедурата до каде се преговорите за смени во првиот, вториот третиот ешалон во Владата. Засега официјално нема одлука за која може да биде информирана јавноста. Читать дальше...

До Регулаторната комисија за енергетика биле доставени околу 1.300 барања од граѓани кои се исклучени од системот за парно греење. Најголем дел од барањата се разгледани и во 99,2 отсто од нив е позитивно решено. „Остануваат уште 180 до 200 барања за кои се прават последни анализи и во текот на идната недела ќе им одговориме на сите граѓани кои доставија барања до РКЕ“, изјави денеска претседателот на РКЕ Марко Бислимовски. На крајот на март, РКЕ донесе одлука со која исклучените од системот... Читать дальше...

Изјавата на премиерот Заев дека недобивањето датум за преговори летово би значело политичка нестабилност во Македонија и можни предвремени избори кои би ги засилиле националистичките и популистичките сили, дел од аналитичарите ја толкуваат како стравување за политичката поддршка, а дел како притисок врз ЕУ.

Германскиот суд во северниот град Олденбург го осуди Нилс Хогел на доживотна казна затвор за убиство на 85 пациенти во две болници. Судијата Себастијан Буерман ги нарече убиствата на 42 годишниот Хогел „неразбирливи“. Тој убивал случајно избрани пациенти со смртоносни инјекции во две болници во Олденбург во периодот меѓу 2000 и 2005 година се додека не бил фатен на дело. Хогел се извини за делата на крајот од седуммесечниот судски процес.

Мешовитата македонско-бугарска експертска комисија денеска и утре ќе има состанок во Скопје, а во фокусот на разговорите ќе биде антиката и начинот на кој таа е прикажана во учебниците за петто одделение во Бугарија и за шесто во земјава. Целта на состаноците, како што велат од комисијата, е да се изврши денационализација и деполитизација на минатото и тие на состаноците во текот на овие два денаќе се обидат да ги усогласат ставовите за античкиот период и како тој дел од историјата во учебниците... Читать дальше...

Ватикан соопшти дека папата Франциск ќе го прими рускиот претседател Владимир Путин на 4 јули. Папата досега се има сретнато два пати со Путин во 2013 и 2015 година. За време на средбата пред четири години папата Франциск повика на сите засегнати страни во конфликтот во источна Украина да направат искрени напори за мир. Во 2009 година Русија и Ватикан повторно воспоставија дипломатски односи кои беа нарушени за време на Советскиот сојуз.