Новости за 06.02.2019

Германското Министерство за надворешни работи денеска го честита потпишувањето на Пристапниот протокол на Република Македонија за членство во Северноатланската Алијанса, изразувајќи добредојде на новиот НАТО – партнер. "Идната Република Северна Македонија е на патот да стане НАТО сојузник. Пристапниот протокол е потпишан сега очекуваме ратификација од секоја од земјите – членки. Благодарение на договорот за името меѓу Скопје и Атина со нетрпение очекуваме да му посакаме добредојде на новиот НАТО ... Читать дальше...

Интелектуалната попреченост не е страшна работа, но е тешка за семејството, вели Слободан Велковски, родител на дете со попреченост.

Американскиот државен секретар, Мајк Помпео, им кажа на сојузниците дека повлекувањето на американските сили од Сирија не е "крај на борбата на Америка" против екстремистичката група Исламска држава, за која рече дека останува опасна закана. Помпео ова го кажа пред  официјалните претставници од Глобалната коалиција од 79 члена за победа врз ИСИС, кои денеска се состанаа во Вашингтон. До еднодневниот состанок доаѓа по изјавата на претседателот Доналд Трамп во декември дека тој ги повлекува американски сили од Сирија. Читать дальше...

Претседателот на Владата на Република Македонија, Зоран Заев заедно со министерот за финансии, Драган Тевдовски денеска оствари средба со висока делегација на Одборот на директори на Европската банка за обнова и развој (ЕБОР) којашто е во официјална посета на нашата земја. Како што соопшти владината прес-служба, на средбата директорите на ЕБОР беше истакнато дека со зачленувањето во НАТО, најмоќниот воен сојуз се гарантираат безбедноста и стабилноста, се зајакнува довербата на инвеститорите и се отвораат економските перспективи за развој. Читать дальше...

Вицепремиерот за економски прашања Кочо Анѓушев денеска имаше состанокот во Берлин со државната секретарка во германското Сојузно министерство за економија и енергетика, Клаудиа Дер Вос. Анѓушев рече дека со денешното потпишување на протоколот за пристапување кон НАТО, се реализира една стратешка цел на нашата земја, стабилност и подобра бизнис клима преку која се очекува нов наплив на странски инвестиции Тој додаде дека СР Германија е прв трговски партнер на нашата земја со 3,64 милијарди евра обем и 15 отсто раст на размената во 2018... Читать дальше...

Еврокомесарот за проширување и соседска политика Јохнес Хан го поздрави потпишувањето на Протоколот за членстово на Македонија во НАТО. "Тоа е придонес за мирот и стабилноста на Западен Балкан и пошироко" напиша Хан на Твитер. Амбасадорите на 29 земји членки на НАТО денеска во Брисел го потпишаа Протоколот за членство на Македонија во Алијансата.

Петгодишно девојче починало синоќа на Универзитетската Клиника за детски болести каде било донесено по тридневно лекување на Институтот за белодробни заболувања во Козле, како последица на влошување на состојбата при инфицираност од пандемски грип Х3Н1, соопштија денеска од Клиниката. "Во текот на вчерашниот ден на Клиниката е примено девојче на возраст од пет години од Скопје, кое претходните три дена се лекувало од вирусна пневмонија во Институтот за белодробни заболувања Козле. Поради влошување... Читать дальше...

Македонија веќе не е во изолација, рече вицепремиерката и министерка за одбрана Радмила Шекеринска по повод потпишувањето во Брисел на Протколот за пристапување на Македонија во НАТО. Таа дополни дека Македонија се смета за една од ретките добри вести на Европскиот континент. "Безбедноста на нашите граници повеќе не ја гарантираме само ние, туку ја гарантираат и НАТО, што неминовно носи зголемена безбедност во земјата, но и во регионот", рече Шекеринска. Таа истакна дека и претставува голема... Читать дальше...

Претседателот Ѓорге Иванов го поздравува потпишувањето на пристапниот Протокол за членство на земјата во НАТО, но го критикуваше Преспанскиот договор кој му претходеше на македонското членство во Алијансата. „Претседателот секогаш се залагал за остварување на стратешките цели на Република Македонија. Македонскиот претседател смета дека, за жал, останува фактот дека на денешното потпишување на Протоколот му претходеше склучување на договор за промена на уставното име на Република Македонија, што... Читать дальше...

Она што очекуваме од Грција е земјата да не се претвори во засолниште каде ФЕТО, ПКК, и останатите терористички групи ќе пребегаат, изјави турскиот претседател Реџеп Таип Ердоган на заедничката прес конференција со грчкиот премиер Алексис Ципрас во Анкара. Во 2018, Грција заедно со Германија беа некои од земјите каде осомничените од ФЕТО побараа азил по неуспешниот пуч, зад кој според турските власти стојат приврзаниците на политичкиот противник на Ердоган, Фетула Ѓулен.

За отстранувањето на железната ограда пред Владата нема да биде потрошен ниту еден денар од парите на граѓаните, изјави денеска владиниот портпарол Миле Бошњаковски и додаде дека за отстранувањето ќе се искористат внатрешните ресурси од Владата, односно постојните капацитети на службите во рамки на Владата. „Оградата ќе биде ставена во депо, а сите понатамошно одлуки во врска со оградата и просторот околу зградата на Владата, ќе бидат донесени низ инклузивен процес во консултација со граѓаните“... Читать дальше...

Под диригентство на маестро Борјан Цанев, за Денот на вљубените, на 14 февруари во 20 часот, Македонската филхармонија и оваа година подготвува несекојдневен настан на кој ќе бидат изведени популарни теми, инструментални, но и вокални композиции кои се искористени во култни филмски остварувања, а кои пејат за љубовта, страста, вљубеноста... Публиката ќе може да ги слушне вечните композиции на Чет Бејкер, Ела Фицџералд и Нина Симон, Стинг и Паоло Конте, филмски теми на култните Енио Мориконе, Нино Рота... Читать дальше...

Честитки за овој историски чекор, објави на својот официјален Фејсбук профил Американската амбасада во Скопје, по повод потпишувањето на Протоколот за прием на Македоија во НАТО. Амбасадорот Џес Бејли и вработените во Амбасадата заеднички го следеле потпишувањето на Протоколот. Меѓу 29-те потписници на Протоколот за членство на Македонија во НАТО денеска во Брисел, беше и потојаниот претсавник на САД во Алијансата Кеј Бејли Хачинсон, напишаа од Амбасадата.

Денес, по цели 26 години по Декларацијата во македонското Собрание, станавме де факто членка на НАТО, со што ја реализиравме најголемата стратешка цел зад која стоеја буквално сите политички елити и раководства од 8 септември 1991 наваму“, напиша на Твитер Националниот координатор за НАТО, Стево Пендаровски, по потпишувањето на Пристапниот протокол за НАТО. Пендаровски денеска беше со министерот за надворешни работи Никола Димитров во Брисел на потпишувањето на Пристапниот протокол.

Граѓаните да си ги подигнат изготвените лични документи од МВР, бидејќи во спротивно ризикуваат да не се најдат во Избирачкиот список, предупреди денеска ДИК. Според неофицијални податоци од МВР, станува збор за 2-3 илјади лица. Според изборниот законик, ден по распишувањето на изборите, МВР треба да достави до ДИК податоци за Изборачкиот список, па поради тоа, како што објаснија од ДИК, граѓаните најдоцна до петок да ги подигнат своите патни исправи или лични карти за да не се доведат во ситуација да не бидат запишани во Избирачкиот список. Читать дальше...

Портпаролот на Кремљ денеска изјави дека „руската Влада не спроведува цензура во медиумите во Русија, а во врска со ограничувањето на странското сопствеништво во средствата за информирање ја применува универзалната пракса, која е соодветна и легитимна“. „Нема цензура, тоа е сигурно. Кај ограничувањата за странско сопствеништво во медиумите за странци и граѓани, кои имаат странски пасоши, се применува праксата, која ја користат различни земји ширум светот. Прагот на сопствеништво може да се разликува... Читать дальше...

Јавниот обвинител Љубомир Јовески за утре свика седница на Стручниот колегиум на јавните обвинители на кој ќе се расправа што понатаму со истрагите на СЈО, а по објавеното правно мислење на Врховниот суд. На седницата ќе се разгледува барањето мислење од колегиумот на судии при Основниот суд Скопје 1, за начелното правно мислење на Врховниот суд на Република Македонија од 30 јануари годинава. Покрај Јовески и јавните обвинители во Јавното обвинителство ќе присуствуваат и вишите јавни обвинители... Читать дальше...

Во медија центарот на Владата се следеше потпишувањето на протоколот за членство на Македонија во НАТО. Прв честитки упати шефот на НАТО Канцеларијата за Врски во Скопје Зоран Јанковиќ кој изјави дека набргу Македонија ќе стане полноправна членка на НАТО.

Поранешниот премиер во бегство Никола Груевски на неговиот профил на  „Фејсбук“ го честиташе денешното потпишување на протоколот за НАТО, но критикуваше се што до сега е направено да се дојде до тој чекор. Според него, Владата го нарушила концептот на правичност, фер договор и разумен компромис, а Грција добила речиси сè со Договорот од Преспа. „Го честитам денешното потпишување на протоколот за НАТО“, напиша Груевски и во продолжение нуди негово размислување за нова национална стратегија по... Читать дальше...

Ова е голем, историски ден за сите наши граѓани. Денес, најголемиот безбедносен сојуз на светот, НАТО, ни кажа добредојде. Денес седнавме рамо до рамо со нашите сојузници, на иста маса, во иста алијанса, напиша на својот Твитер профил македонскиот премиер Зоран Заев по потпишувањето на Протоколот за прием на Македонија во НАТО. „Среќни сме, и треба да бидеме, бидејќи обезбедивме трајна стабилност за нашата земја. Обезбедивме сигурност, безбедност и мир. Прогресот и развојот сега се незапирливи. Читать дальше...

Холандија од први јули ќе забрани употреба на мобилни телефони додека се вози велосипед, а казната ќе биде до 95 евра. Целта е да го намали бројот на несреќи во велосипедизмот. Во 2017 година во Холандија загинаа 207 луѓе на велосипед. Експертите веруваат дека мобилните телефони се виновни за секоја четврта велосипедска несреќа. „Нивната употреба при возење велосипед е опасна. Ќе им биде јасно на луѓето дека ова е нова регулатива во сообраќајот и имаме намера да бидеме многу строги”, рече министерот за правда, Фердинанд Граперхаус.

Основното јавно обвинителство соопшти дека досега нема утврдено дека службени лица помогнале или учествувале во организирањето и реализацијата на бегството на осудениот поранешен премиер Никола Груевски. „Надлежниот обвинител сослуша вкупно 56 лица, од кои 28 полициски службеници од граничните премини, шестмина членови на обезбедувањето на осуденото лице Никола Груевски, пет службени лица од Министерството за внатрешни работи и 17 други лица. Досега обезбедените докази упатуваат на заклучок дека... Читать дальше...

Ова е историски чин, неколкупати нотираше генералниот секретар на НАТО, Јенс Столтенберг на потпишувањето на протоколот за влез на Македонија во Алијансата. По ратификацијата на протоколот од земјите членки, Северна Македонија ќе стане 30 земја членка на НАТО.

Македонија денеска во Брисел го потпиша Протоколот за прием во НАТО. На свечената церемонија Протоколот го потпишаа шефот на македонската дипломатија, Никола Димитров и амбасадорите на земјите членки на НАТО. „Ве чекавме да ни се приклучите на нашето семејство долго време. Со потпишувањето на протоколот почнува процесот на ратификација за кој очекувам да помине лесно. Од денеска вашите претставници ќе ни се придружат на оваа маса. Ќе носиме одлуки заедно“, рече Генерлниот секретар на НАТО, Јенс Столтенберг. Читать дальше...

Косовскиот претседател Хашим Тачи во Вашингтон изјави дека „мала корекција на границата“ би била прифатлива за постигнување конечен договор со Белград, објави приштинскиот портал „Газета експрес“. „Доколку мала корекција на границите би била цената за постигнување конечен мировен договор, тогаш тоа би можело да биде прифатливо“, рече Тачи во говорот во Советот за надворешн-ополитички прашања во Вашингтон и додаде дека езерото Газивода, Митровица и Трепча се ресурси за кои не се преговара.