Новости за 04.02.2019

ЕУ го поздрави новиот механизам за трговија со Иран, заобиколувајќи ги американските санкции, но упати критика до Техеран за неговата "дестабилизирачка" програма за балистички ракети, нејзините "непријателски активности" на териториите на неколку земји-членки на ЕУ и нејзиното мешање во земјите во Среден Исток. Во соопштението се наведува дека ЕУ ја повторува својата заложба за зачувување на нуклеарниот договор од 2015 година меѓу Иран и шесте светски сили. Според ЕУ, целта на механизмот е да се... Читать дальше...

Во пожар во главниот град на Казахстан, Астана загинаа пет деца од едно семејство, соопштија властите. Во пожарот кој избил во текот на ноќта додека родителите биле на работа, загинале пет девојчиња на возраст од три месеци до 13 години. Пожарот бил изгаснат по еден час откако пожарникарите го добиле повикот од соседите. Надлежните институции се уште ја истражуваат причината за пожарот.

Тетовскиот велосипедист не чека потопло, во јануари два пати извозел до Попова Шапка. Сенад Идризи вели дека ладното не е пречка за спортување. Секојдневно вози по стотина километри, а следни предизвици му се неколку трки во Швајцарија, Хрватска и Србија.

Премиерот Зоран Заев за време на денешната средба со неговиот бугарски колега Бојко Борисов во Софија порача дека Македонија во јуни може да ги почне преговорите со Европската унија. Заев нагласи дека трговијата со Бугарија бележи раст по потпишувањето на Договорот за добрососедство. Борисов изјави дека во моментов трговската размена меѓу двете земји изнесува 605 милиони евра. Заев уште еднаш оддаде благодарност за континуираната поддршка од  Бугарија за членство на Македонија во НАТО и за ЕУ,... Читать дальше...

Собранието на денешната седница по скратена постапка ги поддржа дополнувањата на Законот за земјоделство и рурален развој кои предвидуваат финансиска помош за земјоделците, што од 2014 година до денес ги продале своите производи, но за нив од откупувачите се уште не добиле пари. Министерството за земјоделство претходно информираше дека долговите од околу 1,5 милиони евра кои приватните винарници им ги должат на лозарите ќе бидат покриени од државата.

Рускиот министер за надворешни работи Сергеј Лавров изјави денеска дека неговата земја немала иницијатива за отворање на втора воена база во Таџикистан. Говорејќи пред студенти на универзитет во Бишкек тој порача дека Русија е подготвена да разговара со нејзините пријатели за идеите кои се однесуваат на безбедноста. Но, според него, тој прв пат слуша за евентуално отворање на нова воена база.

Собранието денеска ја отвори расправата за имунитетот на пратеникот и поранешен министер за земјоделство Љупчо Димовски, по барањето за негов притвор од Кривичен суд. Павле Богоевски, претседател на Комисијата за деловнички и мандантно имунитетни прашања посочи дека Собранието согласно процедурите по кои постапува треба да им овозможи на судовите непречено да ја извршуваат својата работа. Тој ги демантираше тврдењата на опозицијата дека Собранието врши политички прогон. По неговото обраќање, собранискиот... Читать дальше...

Педесеттина дела, акрил на платно, настанати во последниве три години ја чинат „Обоена љубов“, втората самостојна изложба на Маја Андонова - Јокиќ, што од 6 до 25 февруари ќе се одржи во НЛБ Галерија во Скопје.

Иранскиот претседател Бархам Салих изјави денеска дека американскиот претседател Доналд Трамп не побарал дозвола од Багдад за распоредувањето на американски сили во Ирак со цел „да ја набљудуваат неговата земја“. Трамп претходно порача дека САД имаат воена база во Ирак, која нема намера да се затвори, бидејќи преку неа е во можност да го посматра Иран. Салих истакна дека американските сили се во Ирак како дел од договорот меѓу двете земји во борбата против тероризмот и според неа, тие треба да се држат до нивната мисија. Читать дальше...

Вицепремиерот за европски прашања , Бујар Османи денеска изјави дека Македонија веќе нема пречки на патот кон европско интегрирање. Според него, почетокот на преговорите зависи само од земјата. Тој на состанокот на Работниот комитет за европски интеграции посочи и дека во бнаредниот период ќе бит фокусирани на мерките кои се преземени за реализација на препораките од извештајот на Европската комисија за 2017 година со посебен акцент на итните реформски приоритети. Според него, комитетот ја претставува... Читать дальше...

СДСМ денеска објави отворен повик за пријава на кандидати за претседателски избори 2019 година. Во огласот на интернет страницата на владејачката партија се наведени четири критериуми кои се бараат од кандидатите: да е личност со висок општествен углед, да биде способен за извршување на високи државнички функции, да ужива доверба на членството и симпатизерите на СДСМ, како и да биде личност која на најдобар начин ќе ја оживотворува политиката на СДСМ и ќе работи на реализација на стратешките приоритети на Македонија... Читать дальше...

Пратениците на денешната седница ќе расправаат за барањето за одобрување притвор на пратеникот Љупчо Димовски, поднесено од скопскиот Кривичен суд. Деницата е закажана за попладне во 15:30 часот.  Димовски, заедно со уште двајца поранешни министри за земјоделство, шумарство и водостопанство Михаил Цветков и Ацо Спасеновски, како и поранешниот заменик-министер Кристијан Делев се под истрага за злоупотреба на службена положба и овластување при доделување на земјоделска помош и давање под закуп државно... Читать дальше...

Отписот на долговите за електрична енергија се однесува на заостанатите долгови на граѓаните заклучно со август 2005 година, односно до моментот од кога ЕВН ги презеде долговите од државната компанија ЕСМ. Освен долгот за струја, во предвидениот отпис е опфатен и долгот за радиодифузна такса која до тој период се прибираше преку сметките за струја, информира Владата. Бројката на граѓани опфатени со овој отпис на долгови, посочуваат од владината прес-служба, е утврдена во консултација со ЕЛЕМ и... Читать дальше...

Адвокатот на обвинетиот поранешен министер за внатрешни работи Митко Чавков, Сашо Дуковски денеска во завршните зборови во Судот за насилството на 27 април во Собранието побара ослободителна пресуда за својот клиент посочувајќи дека тој е невин. Тој изјави дека проблемот е во тоа што обвинителството кокетира со две дејствија на извршување, едното е дека народот влегол во Собранието затоа што од претходно знаеле дека нема да има доволно обезбедување, а во понатамошното обвинение тврди дека не можел... Читать дальше...

Специјалната болница за гинекологија во скопската населба Чаир доби рок од 30 дена да го смени начинот на затоплување, или во спротивно ќе биде затворена. Градоначалникот на Скопје Петре Шилегов денеска информираше дека градските инспектори за животна средина направиле контрола во установата откако на социјалните мрежи се појавија снимки на кои што се гледа како од оџаците на болницата излегува црн густ чад поради тоа што болницата се затоплува на мазут, енергенс кој екстремно го загадува воздухот. Читать дальше...

Од Либералната партија бараат да се направат измени во Законот за градење со кои Скопје ќе може да се шири само во ново-проектирани општини, а во постоечките општини да се прогласи мораториум за градење. “По најавата на Министерството за транспорт и врски дека се подготвува нов Закон за градење, бараме новото законско решение да дозволува мораториум за градба во постоечките општини на градот Скопје, поради пренаселеност и сообраќаен колапс што влијае на здравјето и квалитетот на животот на граѓаните. Читать дальше...

Портпаролот на Кремљ, Дмитриј Песков, изјави дека Москва смета оти „обидите на некои држави да ја легитимираат узурпацијата на власта во Венецуела претставува мешање во внатрешните работи на таа држава“. Гласноговорникот на Путин додаде дека политичката криза во Венецуела може да ја решат само Венецуелците. „Наметнувањето какви било решенија или настојување да се легитимизира обидот за узурпација на власта, од наше гледиште, е директно или индиректно мешање во внатрешните работи на Венецуела“, рече Песков. Читать дальше...

Усогласувајќи го нашето законодавство со европското, планираме дејноста на медицинските сестри да ја ставиме во законот и подобро да ја регулираме, а во некоја следна фаза и носење на нов закон, по носењето на новиот закон за здравствена заштита и за лекарска дејност, но и за медицински сестри и акушерки, изјави министерот за здравство Венко Филипче, на отворањето на работилницата посветена на размена на искуства околу стандардите за професионално образование за медицинските сестри. „Тоа ќе биде... Читать дальше...

МВР денеска соопшти дека синоќешниот силен звук кој предизвикал паника во околината на скопскиот трговски центар Мавровка бил од проектил од рачен фрлач кој бил испукан во едно од кафулињата. „На 04.02.2019 околу 01.35 часот пријавено е дека во угостителски објект на булеварот Крсте Мисирков во Скопје, кој во тоа време не работел, бил испукан проектил од рачен фрлач. Повредени лица нема. Според пријавеното, оштетени се стакла од објектот, како и од околните дуќани. Извршен е увид и се работи на расчистување на случајот“, соопштија од МВР.

Вицепремиерот за економски прашања Кочо Анѓушев денеска изјави дека државата нема да потроши ништо од Буџетот со отписот на долгови на граѓаните за струја, што пред неколку дена го најави премиерот Зоран Заев. Според Анѓушев, „овие долгови се од старото ЕВН кои при одвојувањето на три компании биле распределени на ЕВН и ЕЛЕМ кои сега компаниите не можат да ги наплатат. „Компаниите тешко можат да ги наплатат овие долгови и ние предлагаме да ги отпишат со што ќе се ослободат граѓаните од тужбите пред судовите“... Читать дальше...

Раул Гонзалес и Ракометната федерација на Македонија спогодбено го раскинале договорот, по што шпанскиот стратег веќе не е селектор на македонската ракометна репрезентација, објави РМФ. „Земајќи ја предвид потребата машката А-селекција да има стратег кој секојдневно ќе биде посветен и во тек со сите збуднувања поврзани со репрезентацијата, како и оддалеченоста и професионалните клубски обврски на досегашниот селектор, обете страни пријателски и фер се согласија околу прекинувањето на соработката. Читать дальше...

СДСМ одлуката за предвремени избори би требало да ја донесе до петок за кога претседателот на Собранието Талат Џафери најави дека ќе ги распише претседателските избори. Според аналитичарите, одолговлекувањето се должи и на ставот на ДУИ дека се против предвремени избори.

Најмалку 28 лица се загинати, а само 17 биле спасени откако брод со мигранти од Хаити потона крај брегот на Бахамите, објави „Мајами Хералд“, повикувајќи се на официјален извештај од локалните власти. Одбранбените сили на Бахами соопштија дека трагедијата била откриена откако жителите пријавиле дека пронашле четири тела во водите во близина на влезот во пристаништето Марш во Абако.

Еден од најтиражните грчки весници, „Екатмерини“, во своето најново издание се осврснува на неколку клучни прашања поврзани со иднината на веќе ратификуваниот Договор од Преспа. Едно од тие прашања е и Дали може ли договорот да биде поништен во Грција од идната влада под водство на Неа демократиа, која отворено се противи на договорот? „Не може да се повтори процес сличен на оној што во 2008 ја спречи Македонија да се приклучи кон НАТО (со закана со вето). Ратификацијата на Преспанскиот договор... Читать дальше...

Надлежноста за делување таа вечер била на СВР Скопје. Колку полициски службеници побарале - толку и добиле. Проценката за ризик за нарушување на јавниот ред и соодветниот полициски одговор е на СВР Скопје. Нема докази дека Митко Чавков сторил кривично дело, рече адвокатот Сашо Дуковски во завршните зборови како бранител на поранешниот министер за внатрешни работи Митко Чавков, за случајот „27 април“. „Јас не познавам толку посебен полицаец во целиот свет, при постење на осум СВР на територијата на Македонија... Читать дальше...