Новости за 28.04.2022

Кара-Суу районунун Киров айылына курула турган бала бакчаны мектептин короосуна салуу демилгеси талаш-тартыш жаратты. Айрым ата-энелер бала бакча керектигин айтса, башкалары анын мектептин короосуна салынышына каршы болушууда. Райондук билим берүү башкармалыгы бала бакча менен мектеп бир короодо жайгашканы билим берүү эрежесине туура келбей турганын айтып жатат. Кара-Суунун Сарай айыл өкмөтүнө караштуу Киров айылындагы Айдар Рахманалиев мектебинин аймагына 160 орундуу бала бакчаны куруу демилгесине айрым ата-энелер каршы чыкты. Читать дальше...

Президенттин Ош облусундагы өкүлчүлүгүндө 28-апрелде Араван районундагы жер тилкелерине байланышкан маселе талкууланды. Анда Алля Анаров айыл өкмөтүндөгү ижарага берилген жер тилкелерин көзөмөлгө алуу тапшырмасы тиешелүү жетекчилерге берилди. Министрлер кабинетинин өкүлдөрү, райондук акимчиликтердин, айыл өкмөттөрдүн башчылары катышкан жыйында облус жетекчиси Зияддин Жамалдинов ижарадагы жер тилкелери үчүн салык төлөнгөн-төлөнбөгөнүнө кызыкты. "Жакында Араван районуна элдик жыйынга барганда, эки жаран мага суроо берди. Читать дальше...

1-майдан тарта өлкө аймагына кирүүдө коронавируска ПЧР-тест, эмдөө жөнүндө сертифкат талап кылуу жокко чыкты. Мындай чечим Министрлер кабинетинин жетекчисинин орун басары Эдил Байсалов өткөргөн Коронавирус менен күрөшүү боюнча республикалык штабдын жыйынында кабыл алынды. Бул тууралуу өкмөттүн басма сөз кызматы маалымдады. Маалыматка ылайык, жакынкы аралыкта 2020-жылы 22-мартта өлкөгө киргизилген өзгөчө кырдаал режиминин алуу маселеси каралат. Мындан эки күн мурда Саламаттык сактоо министрлиги... Читать дальше...

Балдарынын күбөлүгүндөгү "атасынын аты" деген графага өз ысымын жаздырган Алтын Капалованын иши Жогорку сотто 28-апрелде каралып, буга чейинки инстанциялардын документтерди жокко чыгаруу чечими күчүндө калды. Бул тууралуу активист Фейсбуктагы баракчасына жазды. Жогорку сот чечим тууралуу маалымат бере элек.  Алтын Капалова үч баласына туулгандыгы тууралуу күбөлүк алып жатып, атасынын ордуна өзүнүн атын жаздырган. 2021-жылы Мамлекеттик каттоо кызматы анын балдарына документ берген кызматкер... Читать дальше...

Кыргызстандын Баткен, Лейлек районунун тургундары менен Тажикстандын Гафуров, Исфара райондорунун тургундары ооз ачарга чогулушту. Ага жалпы эки жүзгө жакын адам катышты. Бул тууралуу президенттин Баткен облусундагы өкүлчүлүгү маалымдады. “Эки элдин ынтымагын бекемдөө максатында уюштурулган иш чарада, коңшу кыргыз-тажик айылдарынын тургундары орозо айында жараткандан жакшылыкты, биримдикти жана тынчтыкты тилеп дуба кылышты. Ошону менен бирге жаштарды да ынтымакка чакырып, биримдикте жашоо керектигин билдиришти”... Читать дальше...

Мындан тогуз жыл мурун Жогорку Кеңеште Кыргызстандын бир нече жараны Сириядагы согушка азгырылып кеткени тууралуу маселе көтөрүлгөн. Ушундан тартып кыргыз коому диний экстремизмдин жаңы коркунучтарына туш келди. Башында 7-20 деп айтылып жаткан сандар кийин улам өсүп отурду. Соңку расмий маалыматтарга таянсак, жихаддык топтордун азгырыгы менен Сирия менен Ирактагы согушка аралашкан кыргызстандыктардын саны миңге чамалайт. Арасында аялдар жана балдар бар.  Сириядагы жихаддык топтордун катарына кошулгандардын бир тобу согушта набыт болгон. Читать дальше...

Финляндия жана Швеция НАТОго кошулууну чечсе, аларды тез кабыл алса болот. Бул тууралуу бейшембиде аскердик блоктун баш катчысы Йенс Столтенберг Европа парламентинин төрайымы Роберта Метсола менен биргелешкен пресс-конференцияда билдирди. "Финляндия жана Швеция НАТОго жакын, биз биргелешип иш алып барабыз, кызматташабыз, чогу машыгуу жүргүзөбүз. Аларды альянска чакыруу чечимин кабыл алсак, Финляндия менен Швециянын коопсуздугу биз үчүн маанилүү деген саясий ишарат кылган болобуз”. Скандинавиялык эки өлкө тиешелүү арызды тапшырса... Читать дальше...

Оштун Кара-Суу шаардык кеңешинин 57 жаштагы депутаты кесиптешинен токмок жегенин айтып ооруканага түшкөн. Бул тууралуу Ош облустук ички иштер башкармалыгы “Азаттык” радиосуна кабарлады. Маалыматка караганда, окуя 15-апрелде болгон жана териштирүү жүрүп жатат.  Милиция чатакташкан депутаттардын аты-жөнүн тактаган жок. 24.kg сайты токмок жеген депутат Рустам Хатамов, ал эми ага кол көтөрдү деген Абдырахман Назаров шаардык кеңештин спикери экенин жазды. Азырынча аты аталгандар менен байланышууга мүмүнкүчүлүк боло элек. Читать дальше...

Мурдагы президент Алмазбек Атамбаев медициналык жардамга муктаж экенин адвокат Замир Жоошев билдирип чыкты.   Анын айтымында, мурдагы президентти медициналык кароодон өткөрүү өтүнүчүн 25-апрелде Бишкектин Биринчи май райондук сотунун судьясы Убайдулла Сатимкулов канааттандырганы менен аткарылбай жатат.  "Соттун чечими Жазаларды аткаруу кызматына жөнөтүлгөндөн кийин ишке ашырылышы керек. Бирок сот дагы, аталган кызмат дагы Алмазбек Атамбаевдин медициналык кароодон өтүүсү үчүн чараларды колдонбой жатат. Читать дальше...

Өткөн жылы Баткендеги кыргыз-тажик чек арасындагы куралдуу кагылышта курман болгон Эсентур Кубанычбековдун эстелиги Нарын шаарындагы Жамин Акималиев атындагы Жеңиш паркына орнотулду. Бул тууралуу президенттин Нарын облусундагы өкүлчүлүгү маалымдады. 28-апрелде Нарындагы “Тайлак баатыр” атындагы №2025 чек ара аскер бөлүгүндө Эсентур Кубанычбековду эскерүү иш-чарасы өткөрүлүп, эстелиги ачылды. Анын курмандыгы жөнүндө театралдаштырылган оюн көрсөтүлдү. Чек ара кызматынын №2053 бөлүгүнүн 3-атайын... Читать дальше...

Кыргызстандын дагы 117 жараны Түштүк Кореяга жумушка кирет. Алар жаңы ачылган Бишкек-Инчхон авиакаттамы менен 29-апрелде Түштүк Кореяга учарын Эмгек, социалдык камсыздоо жана миграция министри Кудайберген Базарбаев билдирди. Анын сөзүнө караганда, кыргызстандыктар Түштүк Кореяда заводдордо иштейт. Биринчи келишим төрт жылга түзүлөт. Жумушчулардын иштегени, жүрүм-турумуна карап келишим дагы төрт жылга узартылышы мүмкүн. Эмгек, социалдык камсыздоо жана миграция министрлигиТүштүк Корея менен чек... Читать дальше...

Талас облусунун Манас районундагы Жол коопсуздугун камсыз кылуу кызматынын инспектору мекеменин ички иликтөөсүнүн жыйынтыгында кызматтык эрежени бузгандыгы үчүн иштен айдалды. Бул тууралуу Ички иштер министрлиги кабарлады. 26-апрелде социалдык тармактарда жүк ташуучу автоунаанын айдоочусунун инспектор бир нече жолу башка ургулап жатканы тартылган видео тараган. Алардын чырына эмне себеп болгону белгисиз. Кыргызстанда жол коопсуздугун көзөмөлдөөчү инспекторлор менен айдоочулардын чыры көп катталат. Читать дальше...

Жогорку Кеңеш 27-апрелдеги отурумда УКМКнын ишмердүүлүгүнө байланыштуу мыйзам долбоорлорунун пакетин экинчи окууда жактырды. Парламент депутаты Дастан Бекешев долбоордо эл өкүлдөрү берген айрым сунуштар камтылбай калганын айтып чыкты. Ал мыйзам долбоору парламентте биринчи окуудан өткөндө депутаттар бир катар сунуштарды бергенин билдирип жатат. Пакетте "Улуттук коопсуздук органдары”, “Чалгындоо жана контрчалгындоо ишинин маселелери”, “Контрчалгындоо”, “Тышкы чалгындоо”, “Терроризмге каршы аракеттенүү” жөнүндө беш мыйзам долбоору бар. Читать дальше...

Министрлер кабинети "Кумтөр Голд Компани" ишканасынын каржылык отчётуна көз карандысыз аудит жүргүзүүнү британиялык Ernst & Young компаниясына бермей болду. Тиешелүү тескемеге Министрлер кабинетинин төрагасы Акылбек Жапаров кол койгон. 15-апрелде чыккан тескемеге ылайык, Ernst & Young компаниясы "Кумтөр Голд Компани" ишканасынын 2021-жылдагы каржылык отчёту боюнча аудит жүргүзөт. Анда эки ишкананын ортосунда келишим түзүлүшү керектиги айтылат. Бирок документте аудит жүргүзгөнү үчүн британиялык... Читать дальше...

Ош облусунун Араван районундагы жер чатагы парламентке чейин жетти. Жогорку Кеңештин бир катар депутаттары президенттин Ош облусундагы өкүлүнүн орун басары Данияр Жаныкуловду эл өкүлү Жалолидин Нурбаевди каралап жатат деп айыптап чыгышты. Мындан улам ага чара көрүү тууралуу протоколдук тапшырма берүү сунушу менен спикер Талант Мамытовго кайрылышты. Мунун алдында Жаныкуловдун Араван районундагы мыйзамсыз берилген жерлер тууралуу билдирүүсү Ютубга чыккан. Анда депутат Жалолидин Нурбаев жана анын туугандарынын аты аталган. Читать дальше...

Казакстандын Жамбыл облусу аркылуу Талас-Бишкек-Талас автобус каттамы жанданганын президенттин Талас облусундагы өкүлчүлүгү билдирди. Маалыматка ылайык, каттамды жандантууну президенттин Талас облусундагы өкүлү Бакытбек Нарбеков менен Казакстандын Жамбыл облусунун акими Нуржан Нуржигитов жолуккан учурда макулдашкан. Бул каттам пандемияга байланыштуу 2020-жылы 16-мартта токтотулган. 2021-жылы 21-апрелде расмий Нур-Султан кыргызстандык жарандарга Бишкек шаарынан Таласка Жамбыл аркылуу каттоого уруксат берген. Читать дальше...

Кыргызстанда алгачкы жолу блокчейн форуму өттү. Аны Санариптик өнүгүү министрлиги менен "Ишкер" бизнес-клубу уюштурган. Форумда блокчейн технологиялары, криптовалюта, майнинг индустриясы жана энергиянын кайра жаралуучу булактарынын мүмкүнчүлүктөрү талкууланды. Эксперттер мамлекетти блокчейн-индустрияны өлкө экономикасына айкалыштыруу аракеттерин күчөтүү зарыл дейт. Блокчейн (blockchain – блоктордун чынжырчасы) – бөлүштүрүлгөн реестрлер технологияларынын түрү, анда бардык маалыматтар ирети менен жазылат жана блокторго бөлүштүрүлөт. Читать дальше...

Президенттик администрациянын жаңы имаратына алмашыла турган 16 гектар жер Бишкектин түштүк тарабындагы “Ынтымак” паркынын маңдайынан берилери расмий ырасталды. Бул тууралуу президенттин иш башкаруучусу Тилек Батырканов “Азаттыкка” курган маегинде айтты. “Мамлекеттик имаратты салыш үчүн биздин карамагыбызда турган 16 гектар жерди инвесторлорго сунуштап, алар бизге ушул имаратты салып бергенге макул болду. 16 гектар жер Малдыбаев көчөсүндөгү “Ынтымак 1” жана “Ынтымак 2” парктарынын маңдайында жайгашкан. Читать дальше...

“Бир дүйнө - Кыргызстан” укук коргоо кыймылы билдиргендей, “Насрин” даректүү фильми Нидерланддагы Тасма Movies that Matter (“Мааниси бар тасмалар") кинофестивалынан алынган. Анда ирандык укук коргоочу, юрист жана саясий туткун Насрин Сотуде тууралуу баяндалат. Перс тилинде тартылган тасма Улуттук тарых музейинин кино залында 29-апрелде саат 16:00дө кыргыз жана орус субтитрлери менен көрсөтүлөт. Андан кийин эл аралык жана жергиликтүү эксперттердин катышуусунда талкуу болору айтылды. Ага "Насрин"... Читать дальше...

Монголияда өткөн күрөш боюнча Азия чемпионатынын финалдык беттешинде бутун кокустатып алган Айсулуу Тыныбекова машыгууну токтоткон жок. Бул тууралуу 28-апрелде Кыз-келиндер күрөшү боюнча улуттук курама команданын башкы машыктыруучусу Нурбек Изабеков басма сөз жыйынында билдирди. Ал спортчу ушул тушта бутунан башка булчуңдарын машыктырган көнүгүүлөрдү жасап жатканын, эки аптадан кийин саламаттыгы калыбына келерин маалымдады. 22-апрелде Тыныбекова кыз-келиндер күрөшүнөн 62 килограмм салмакта финалда... Читать дальше...

"Азаттыктын"  ишенимдүү булактарынын билдиришинче, Министрлер кабинетинин төрагасы Акылбек Жапаров ооруп калгандыктан Казакстандын премьер-министри Алихан Смаиловдун 29-апрелдеги Бишкектеги сапары башка күнгө жылышы мүмкүн.   Алихан Смаилов жума күнү Бишкектеги кыргыз-казак өкмөттөр аралык кеңешинин жыйынына катышмак. Өкмөттүн басма сөз кызматы Акылбек Жапаров ооруканада экенин ырастады. Ага ылайык, өкмөт башчы 28-апрелде эртең менен жүрөгү ооруп, кан басымы төмөндөгөндүктөн, Улуттук кардиология жана терапия борборуна жаткырылган. Читать дальше...

Бул тууралуу Коронавируска каршы күрөш боюнча республикалык штаб кабарлады. Ага ылайык, пандемияны ооздуктоо чараларынын алкагында Эл аралык өнүктүрүү боюнча америкалык агенттик (ЮСАИД) берген жабдуулар бир катар медициналык жайларга бөлүштүрүлөт. Анда Санитардык-эпидемиологиялык көзөмөл департаменти GeneXpert деп аталган заманбап диагностикалык аппарат алат. Бул жабдуунун негизинде коронавирусту аныктоо тестинин жыйынтыгын чыгаруунун мөөнөтү беш сааттан 40 мүнөткө чейин кыскарат. Ошондой эле... Читать дальше...

Бишкекте курулушу башталган президенттик администрациянын жаңы имараты жана ага алмашылып жаткан 16 гектар жер боюнча талкуу дагы деле уланууда. Салынып жаткан жаңы Ак үй, ага айырбашталчу жер, имаратты сала турган инвесторлор тууралуу президенттин иш башкаруучусу Тилек Батырканов “Азаттыкка" маек берди.

Иликтөөчү журналист Болот Темировго төрт кылмыш иши козголуп, бир өндүрүшкө бириктирилип, сотко даярдалганы жарыяланды. Ички иштер министрлиги буга байланыштуу тергөө бүтүп, сотко өткөрүү үчүн прокуратурага берилгенин билдирди. Тергөө анын баштапкы маңзат ишине эмес, 14 жыл мурда кантип паспорт алган жагдайына басым жасады. Мунун алдында президент менен УКМК төрагасы Болот Темиров жасалма паспорт алган ишине маани берип, суроолорго жооп берип, комментарий жасашты. Журналист Темиров өзү муну жасаган... Читать дальше...

Бул тууралуу Бишкек шаарынын мэри Эмилбек Абдыкадыров 28-апрелде басма сөз жыйынында билдирди. Ал таштанды жайга бөлүнгөн 22 миллион евронун учурда теңи гана калганын, калган жарымы кайда жумшалганын териштирип-иликтөө үчүн Эсептөө палатасы аудит жүргүзүп жатканын маалымдады. Мэр таштандыларды иргеген, өрттөгөн заводдорду куруу маселеси ал үчүн алдыңкы орунда турарын айтты. Ушул айдын башында Бишкек шаардык прокуратурасы таштанды полигонун рекультивация кылуу жана таштанды иштеткен завод куруу... Читать дальше...