Новости за 25.04.2022

Казакстандын Конституциясын өзгөртүү боюнча жумушчу топ Башкы мыйзамда өлкөнүн мурдагы президенти Нурсултан Назарбаевдин макамын “көз карандысыз Казакстандын негиздөөчүсү катары” киргизүүнү сунуштады. Бул тууралуу атайын брифингде жумушчу топтун мүчөсү Ермек Абдрасулов билдирди. Абдрасулов муну “тунгуч президенттин өлкөнү куруудагы зор эмгек жасаганы менен түшүндүрүп, ага бүтүн дүйнө күбө экенин” айтты. Бул демилге Казакстанда бир катар юристтер сынга алынды. Конституциялык укук боюнча юрист... Читать дальше...

54 жаштагы Гүлжамал Калчабаева Алайдын Кабылан-Көл айылында мугалим. Ал пенсияга чыкканына карабай, мектептен кеткиси келбейт.Түмөн түйшүктүү кесип ээлеринин абалы көңүл жылытпайт. Буга чейин өкмөт мугалимдердин айлыгы көтөрүлөрүн айткан. "Данисте" элеттик мугалимдин түйшүгүн көрсөтөт.

"Мегаком" деген соода бренди катары таанымал "Альфа Телеком" компаниясынын башкы директору Азат Базаркулов уюлдук оператордун кардарларынын жеке маалыматтары укук коргоо органдарына берилбейт деп билдирди. Бул тууралуу Базаркулов “BULAK NEWS” деп аталган Ютуб каналга маек куруп жатып айтты. “Биз эч кимге бербейбиз. Укук коргоо органдарына дагы маалымат берилбейт. Абонеттин өзүнүн макулдугу жана мыйзам чегинде гана маалымат берилет”, - деди Базаркулов. Аталган уюлдук оператордун кардары болгон... Читать дальше...

Армениянын тышкы иштер министри Арарат Мирзоян менен Азербайжандын тышкы иштер министри Жейхун Байрамов эки өлкөнүн ортосундагы чек араны делимитациялоо боюнча комиссиянын түзүмүн макулдашты. Бул тууралуу алардын телефондук сүйлөшүүсүнөн кийин эки өлкөнүн тышкы иштер министрликтери кабарлады. Тараптар комиссиянын отурумдарын жакын арада өткөрүүнү келишти. Министрлердин сүйлөшүүсүндө мындан сырткары тынчтык келишимин даярдоо боюнча да маселелер сүйлөшүлдү. Эки өлкөнүн ортосундагы Тоолуу Карабак аймагында мартта кайрадан тиреш катталган. Читать дальше...

Президент Садыр Жапаровдун “Кабар” маалымат агентигине берген маегинде бажы башчысынын мурдагы орун басары Райымбек Матраимов жөнүндө суроого жооп берген. Анда президент Матраимов байлыгы жөнүндө коңшу мамлекеттер жана Дубайга өтүнүч жөнөтүп, “2017-жылы сатып жиберген” деген маалымат алганын билдирди. “Кошуна мамлекеттердин баарына жана Дубайга дагы суроо каттарын жөнөттүк. “Силерде болгон кылмыштары же мүлктөрү болсо, тизмесин бергиле” деп. Бардык мамлекеттен “андай жок” деген жооптор келди. Болсо дагы 2017-жылы ызы-чуу башталганда... Читать дальше...

Жогорку Кеңештин депутаты Чолпон Султанбекова Дүйнөлүк банк алып берген 58 өрт өчүрүүчү автоунаа иштетилбей турганын айтып чыкты. 25-апрелде парламенттин Эл аралык иштер, коргоо, коопсуздук жана миграция боюнча комитетинде Өзгөчө кырдаалдар министринин орун басары Урматбек Шамырканов долбоор боюнча техникаларды каттоо кечеңдеп жатканын билдирди. “Бул долбоор менен келген. Аларды каттоо иш-аракеттери жүрүп жатат. Дүйнөлүк банктан документ иштери кармалып жатат”, - деди Шамырканов. 23-мартта Өзгөчө... Читать дальше...

23-24-апрелде Будапешттен 40 чакырымдай жердеги ээн талаада Салттуу оюндар боюнча улуттук мелдештер өттү. Венгриядагы салттуу оюндар кыргыз, казак, башкыр, түрк жана башка түрк тилдүү элдердин байыркы оюндарына окшош. Мажарлар Кыргызстанга да келип, көчмөндөр оюндарына катышып кеткен.

Кыргызстанда парламент депутаты, судья, укук коргоо органдары жана жогорку кызмат адамдарынын жарандыгын тыкыр текшерген мыйзам долбоору даярдалды. Парламенттин сайтында “Кыргыз Республикасынын жарандыгы жөнүндө” мыйзамына өзгөртүү киргизүү боюнча долбоор коомдук талкууга коюлду. Ондой депутат демилгечи болгон мыйзам долбоорунун негиздемесинде мамлекеттик сыр, коопсуздук үчүн жогорку кызматка талапкерлердин жарандыгы тыкыр текшерилери белгиленген. Буга чейин депутаттар жана жогорку кызмат адамдарынын башка өлкөнү жараны деп айыпталып... Читать дальше...

Фискалдык маалымат операторлорунун ассоциациясынын (ФФД) төрагасы Юрий Почтарев Жогорку Кеңештин тармактык комитетинин жыйынында ишкерлерин атынан көзөмөл кассалык машиналарды ишке киргизүүнүн мөөнөтүн узартууну суранды. "Программалык ККМ колдонуп жүргөндөр жаңы талаптарга бат көнүп кетишет. Аларга ашып кетсе 1,5-2 ай керек болот. Ал эми аппараттык ККМ колдоно тургандар үчүн тоскоолдуктар бар. Себеби аны үйрөнүп, жаңы салык кодексине ылайык ишти жүргүзүп кетүүгө убакыт керек",-деди Юрий Почтарев. Читать дальше...

26-апрелде түнкүсүн Ысык-Көл облусунун көпчүлүк аймактарында, Чүй, Ош, Жалал-Абад, Баткен, Нарын облустарынын кээ бир райондорунда күн күркүрөп жаан жаайт. Күндүз Ысык-Көл, Нарын облустарынын кээ бир райондорунда күн күркүрөп, жаан жаайт. Өлкөнүн тоолуу райондорунда кар жаашы мүмкүн. Абанын температурасы: Чүй облусунда түнкүсүн 2…7, күндүз 17…22  Талас жергесинде түнкүсүн 1…6, күндүз 16…21 Баткен, Ош, Жалал-Абад дубандарында ​түнкүсүн 8…13, күндүз 22…27 Ысык-Көл жана Нарын облустарында түнкүсүн 1…6... Читать дальше...

Жогорку Кеңештин айрым депутаттары Кыргызстанда Улуттук банк менен валюта базарындагы доллардын баасы эки башка болуп жатканын сындап, борбордук банкты абалды жөнгө салууга чара көрүшү керек экенин айтышты. 25-апрелде Эл аралык иштер, коргоо, коопсуздук жана миграция боюнча комитетинде депутат Айбек Осмонов валютанын олку-солку абалынан ишкерлер жабыр тартып жатканын билдирди. “Доллар так болушу керек. Азыр базарга барсаң 86-87 сомдон, банктарга 83 сом 50 тыйын, бул эмне деген нерсе? Муну бир тартипке салышы керек. Читать дальше...

Ички иштер министрлигинин (ИИМ) Кылмыш иликтөө башкармалыгынын маалыматы боюнча 2022-жылдын үч айында 802 баш мал-жандык уурдалып, анын 437си ээсине кайтарылган. Министрликтин билдиришинче, бул боюнча 318 факт катталган. Жалпы материалдык чыгым 25 миллион 260 миң сомду түзүп, анын 13 млн. 265 миңи өндүрүлгөн.  Милиция мал уурлук айылда актуалдуу көйгөй бойдон калып жатканын билдирди.  25-апрелде Ички иштер министрлигинде Айыл чарба министрлигинин тийиштүү кызматтары менен бирге айыл чарба жаныбарларын... Читать дальше...

Президент Садыр Жапаров 25-апрелде Таалатбек Масадыковду өзгөчө тапшырмалар боюнча өзүнүн атайын өкүлү кызматына дайындады. Масадыков буга чейин Коопсуздук кеңешинин төрагасынын орун басары болуп турган. Өткөн аптада ал Тышкы иштер министрлигинин Ооганстан боюнча атайын өкүлү, өзгөчө тапшырмалар боюнча элчи Авазбек Атаханов менен биргеликте Өзбекстан, Пакистан, Ооганстан, Иран жана Бириккен Араб Эмираттарында жумушчу сапар менен болгон. Президенттин басма сөз кызматы анда аталган өлкөлөрдүн... Читать дальше...

“Бир дүйнө Кыргызстан” укук коргоо кыймылы укук коргоочу Азимжан Аскаровдун өлүмүн акыйкат иликтөө жана анын ишин кайра тергөө өтүнүчү менен президент Садыр Жапаровго кайрылуу жөнөттү. Бул тууралуу «Азаттык» радиосуна уюмдун жетекчиси Төлөйкан Исмаилова билдирип,  бийлик Аскаров боюнча бардык иштерди кайра карап чыгып, өлкөнүн эл аралык уюмдардын алдындагы милдеттемелерин аткарышы керек экенин айтты.  Буга чейин ал Аскаровдун өлүмүнүн жагдайын териштирген иликтөө уланып жатканын, ал иш укук коргоочулардын көзөмөлүндө экенин... Читать дальше...

Улуттук коопсуздук комитетинин (УКМК) төрагасы Камчыбек Ташиев 25-апрелде Башкы прокуратурага 2010-жылдагы июнь коогасына байланыштуу күбө катары сурак берди. Ал башкы көзөмөлдөөчү органдан чыккандан кийин журналисттердин суроолоруна жооп берип жатып, ошол кездеги Убактылуу өкмөт мүчөлөрүнүн аракетин сындады жана Жалал-Абаддагы өзбек улуттук маданий борборунун мурдагы президенти, Жогорку Кеңештин экс-депутаты, маркум Кадыржан Батыровдун өлкөдөн чыгып кеткен жагдайы иликтенип, күнөөлүүлөр жоопко тартылышы керек экенин билдирди. Читать дальше...

Президент Садыр Жапаров 25-апрелде  "Кабар" агенттигине курган маегинде "Манас" айылы тууралуу пикирин билдирди. Ал этно комплекс эч кимдин менчиги эместигин, ал жаңыланарын айтты.  "Азыркы турушун, архитектурасын "Манас" айылы деп айткандан уяласың. Манаска тиешелүү эч нерсеси жок. Логикага сыя турган бир дагы архитектурасы жок. Ошондуктан аны жаңылайбыз. Эл тамшануу менен кирип тургудай кылабыз. Мындан сырткары Манас айылынын мандайына Манас театрын салабыз",- деди Жапаров. Буга чейин журналист... Читать дальше...

Санариптик өнүгүү министри Талант Иманов паспорт берүү маселеси тууралуу билдирүү жасады. Ал 25-апрелде Фейсбуктагы баракчасына Калкты жана жарандык абалдын актыларды каттоо департаментинде паспорт мафиясы күчөгөнүн жазды. "Мен санарип өнүктүрүү министри кызматында 2022-жылдын 15-январынын тартып иштеп жатам. Министрликте жылдап чечилбей келген маселелер толтура жана анын негизгилерин чечсе болот. Бирок мен бул кызматка келгенде биринчи эле Калкты каттоо департаментиндеги паспорт мафиясына кабылдым. Читать дальше...

Жогорку Кеңештин Агрардык саясат, суу ресурстары, экология жана аймактык өнүктүрүү комитети 25-апрелде Европа реконструкциялоо жана өнүктүрүү банкынан насыя жана грант алуу тууралуу келишимдин долбоорун жактырды. Анда айыл чарба министринин орун басары Нурлан Шерипов долбоордун алкагында Ош облусундагы Араван-Ак-Буура каналын оңдоого 19 миллиондон ашык евро алынарын билдирди. Акчанын 14 миллиондон ашыгы 15 жылдык мөөнөткө 1% үстөгү менен насыя катары, 3 миллиону грант түрүндө, ал эми калганы техникалык көмөктөшүүгө грант катары берилет. Читать дальше...

Жыл башынан бери Кыргызстанда 25ке чукул балада залалдуу шишик дарты жаңы аныкталды. Дарыгерлер кандын оор дартына чалдыккан наристелер жылдан-жылга көбөйүп жатканын айтышууда. Оорунун алдын алуу үчүн аймактагы балдар дарыгерлерине онкологиялык билим берүү керек дегендер бар.

Бир нече оор беренелерге айыпталып, абакта отурган мурдагы президент Алмазбек Атамбаев Бишкектеги Улуттук кардиология жана терапия борборунан текшерүүдөн өтмөй болду. Бул тууралуу Атамбаевдин жактоочусу Замир Жоошев маалымдады. Анын айтымында, мурдагы президентти медициналык кароодон өткөрүү өтүнүчүн сот канааттандырды. Бүгүн, 25-апрелде Бишкектин Биринчи май райондук сотунда 2020-жылдын октябрь айындагы жапырт башаламандык боюнча сот жүрүүдө. Атамбаевдин өзү сотко алып келинген жок. Ал бүгүн суралбайт деп айтылды. Читать дальше...

Жогорку Кеңештин Эл аралык иштер, коргоо, коопсуздук жана миграция боюнча комитетинде тышкы иштер министри кызматына Жээнбек Кулубаевдин талапкерлиги каралууда. Анда Кулубаев депутаттардын суроолоруна жооп берип жатып, Кыргызстан көп векторлуу тышкы саясатты кармануусу туура болорун айтты. “Биз үчүн көп векторлуу дипломатия сөзсүз керек. Ар бир мамлекет менен көпүрө түзүшүбүз керек. Бул биздин максатыбыз болушу керек”. Кулубаев ошону менен бирге коңшу өлкөлөр менен кызамтташтыкты чыңдоо зарылдыгын кошумчалады. Читать дальше...

Президент Садыр Жапаров "Кабар" маалымат агенттигине курган маегинде журналист Болот Темировго карата кылмыш иши тууралуу суроого жооп берди. Ал журналистке кылмыш иши үч ай мурда козголгонун айтты. "Бирөөнүн аскердик билетин уурдап алып, өзүнүн сүрөтүн чаптап, фамилиясын алмаштырып, ошол аскердик билеттин негизинде Өзгөндөн кыргыз паспортун алган экен. Өзү Орусиянын жараны болгон. Ал аскердик билеттин ээси дагы табылды. Болот Темиров кыргыз армиясында эч качан кызмат кылбаганын Коргоо министрлиги дагы тастыктады". Читать дальше...

Президент Садыр Жапаров "Кабар" маалымат агенттигине курган маегинде саясий атаандаштары, оппозиция тууралуу суроого жооп берди. Анда бийликти сындагандар керектигин белгилеп, бирок ошол эле учурда аларды такталбаган маалыматтарды таратып жатат деп айыптады. "Өлкөдө оппозиция бар. Алардын болуп турганы жакшы. Алар айткан кемчиликтерди чиновниктер угуп, түздөлүп турушат. Бирок оппозиция десе эле жеке кызыкчылык үчүн калп маалыматтарды таратып, элди дүрбөтпөш керек. Калптын казаны кайнабайт дейт. Читать дальше...

Катуу жааган жамгырдан улам сел жүрүп, Ош - Сары-Таш - Эркеч-Там автоунаа жолунун 40-44-чакырымы жабылып калды деп билдирди Өзгөчө кырдаалдар министрлиги. Бул Алай районун облус борбору менен байланыштырган негизги жол. Жолду тазалоо үчүн техника тартылды. Учурда каттам эки тараптуу жабык турат деди аталган министрлик. Селдин кесепетинен жабыркагандар жок. 24-апрелде Жалал-Абад облусунун Базар-Коргон районунда жайгашкан Ооган-Талаа айылында дагы сел жүрүп, суу айрым үйлөрдү каптап кеткен. Өткөн... Читать дальше...

Саламаттык сактоо министрлигинин билдиришинче, апрель айынан тартып медицина кызматкерлери үстөгү жана кошума төлөмдөрү сакталган шартта 50% жогорулатылган маяна ала баштайт. Ага ылайык, эмгек стажысы бар кызматкерлер саламаттык сактоо системасында иштеген жылдары үчүн кошумча 5 жылдан 10 жылга чейин 10% ставка, 10 жылдан 15 жылга чейин 20% ставка жана 15 жылдан ашык болсо 30% чен менен алат. Бул кенже тейлөөчү жумушта иштегендерге тиешелүү эмес. Ал эми квалификациялык категорияга ылайык үстөк... Читать дальше...