Новости за 24.04.2022

Окумуштуулар үн толкунунун жардамы менен чычкандын боорундагы залалдуу шишикти алып салышты. Таш бетине чегилген сүрөттөр байыркы «мультфильм» болушу мүмкүн. Рим империясындагы модага ылайык жасалган сандал Норвегиядан табылды. "Азаттык" илим дүйнөсүндөгү акыркы жаңылыктардын топтомун сунуштайт. Үн толкуну ракка дабабы? Мичиган университетинин окумуштуулары чычкандын боорундагы залалдуу шишикти үн толкундарынын жардамы менен дарылады. Бул жөнүндө илимий иш Cancers журналына жарыяланып, ScienceAlert сайты аны кыскача баяндады. Читать дальше...

IPSOS компаниясынын экзит-поллу көрсөткөндөй, Францияда президенттик шайлоонун чечүүчү айлампасында учурдагы президент Эммануэл Макрон жалпы добуштардын 58,2% ээ болуп, экинчи президенттик мөөнөтүнө шайланды. Анын атаандашы, ашкере-оңчул саясатчы Марин Ле Пен 41,8% добуш топтоду. Бирок алдын ала жыйынтыктар Макрондун добушу 2017-жылдагы президенттик шайлоого салыштырмалуу азыраак экенин көрсөтүүдө. Беш жыл мурда да шайлоонун экинчи айлампасына Макрон менен Ле Пен чыккан. Анда Макрон жалпы добуштардын 66,1%, Ле Пен 33,9% ээ болгон. Читать дальше...

Франциядагы президенттик шайлоонун экинчи айлампасында жергиликтүү убакыт боюнча саат 17:00гө карата жалпы шайлоочулардын 63,2 пайызы добуш берди. Бул беш жыл мурдагы шайлоонун ушул сааттарына салыштырмалуу 2 пайызга азыраак экенин Франциянын Ички иштер министрлиги билдирди. "Франц пресс" жаңылыктар агенттиги жазгандай, президенттик шайлоонун 10-апрелде өткөн биринчи турунун ушул сааттарында да шайлоочулардын катышы 2 пайызга көбүрөөк болчу. Францияда шайлоонун чечүүчү турунда беш жыл мурдагыдай... Читать дальше...

Иш-чарага ар кыл курактагы чыгармачыл кишилер, чыгармачылыкка кызыккандар катышып, аларга Кыргызстан, АКШ, Орусия, Казакстандын IT, санариптик кесиптер, искусство жана башка тармактардын өкүлдөрү катышты.

Алматыда полиция "саясий туткундарды" колдоо митингине келгендерди күч менен кармап кетти. "Власть" сайты жазгандай, кармалгандардын арасында журналист Данияр Молдабеков да бар. 24-апрелде күндүз ондогон активист шаардагы Илимдер академиясынын алдында топтолуп, "саясий туткундарды", Январь окуяларына байланыштуу кармалгандарды бошотууну талап кылышкан. Арасында активист Айгерим Тлеужан да бар. Ал митинг өткөрүү тууралуу шаар бийлигине эскертүү бергенин, бирок жазуу түрүндө жооп албаганын айткан. Читать дальше...

Кыргызстандык эркин күрөш боюнча балбандар Улукбек Жолдошбеков менен Исламбек Орозбеков Монголиянын Улан-Батор шаарында өтүп жаткан күрөш боюнча Азия чемпионатында коло байге алышты. 24-апрелде Улукбек Жолдошбеков 61 килограмм салмакта коло байге үчүн индиялык Мангал Кадян менен күч сынашып, 6-4 эсеби менен жеңди. Ал биринчи беттешинде өзбекстандык спортчу Жахонгирмирза Туробовду 6-2 менен уткан. Жарым финалда жапониялык Рей Хигучиге 14-4 эсеби менен жеңилип калды. 26 жаштагы Улукбек Жолдошбеков... Читать дальше...

Жапон бийлиги Хоккайдо аралынын жээгинде - суу ташкыны тууралуу сигнал жиберген KAZU 1 круиздик кеме жоголуп кеткен аймакта 10 адамдын сөөгү табылганын тастыктады. Бул тууралуу жекшембиде NHK телеканалы билдирип, каза болгондордун жетөө эркек, үчөө аял экенин маалымдады. Алардын бешөө куткаруучу кемсел кийген.  Буга чейин табылган адамдар эс-учун жоготуп жатканы кабарланган.  Ишемби күнү түштөн кийин KAZU 1 чөгүп баратканы тууралуу сигнал жөнөтүп, кийин байланыш үзүлгөн. Бортто 24 жүргүнчү, анын ичинде эки бала... Читать дальше...

Кыргыз-тажик аскерлеринин былтыркы ок атышуусунда курман болгон чек арачы Хусниддин Хажиевдин үй-бүлөсүнө Баткен шаарынан берилген үйдүн документтери жергиликтүү каттоо кызматы тарабынан алынып ушул күнгө чейин кайтарыла элек. Баткен шаар башкармалыгы муну Хажиевге жана аны менен чыр-чатакта чогуу болгон аскерлерге кылмыш иши козголгону менен түшүндүрдү. Чек арачы Хусниддин Хажиев былтыр 8-июлда Лейлектеги Көк-Жайлоо аймагында кыргыз жана тажик аскерлеринин ортосундагы ок атышууда курман болгон. Читать дальше...

Баткендеги Ширеч суу алуучу түйүнүн, суу каналын оңдоп-түзөө  Өзбекстандын Сох району менен эки тараптуу макулдашылды. Бул тууралуу Баткен районунун акими Учкунбек Жоробаев "Азаттыкка" билдирди. 22-апрелде Суу-Башы айыл өкмөтүнүн тургундары район борборуна чогулуп, Өзбекстан аркылуу суу келбей жатканына нааразы болушкан. Алар суу жоктугунан эгин талаалары зыян тартканын айтышкан. Аталган айыл өкмөткө суу Өзбекстан менен макулдашылбаган аймакта жайгашкан Ширеч суу алуучу түйүнүнөн келет. Район... Читать дальше...

Францияда бүгүн, 24-апрелде президенттик шайлоонун экинчи айлампасы өтүп жатат. Учурдагы президент Эммануэл Макрон экинчи беш жылдык мөөнөткө ат салышууда. Анын атаандашы - ашынган оңчулдардын лидери Марин Ле Пен. Шайлоонун 10-апрелдеги биринчи турунда 12 талапкер катышып,  Макрон менен Ле Пен көп добуш алган.  Ушул эле атаандаштар беш жыл муруңку шайлоодо экинчи айлампага чыгып, Макрон чоң женишке жетишкен.  Саясат таануучулар бул жолку атаандаштык 2017-жылкы шайлоого караганда курч болорун айтып жатышат. Читать дальше...

Кыргызстандык православдар бүгүн апрель айынын акыркы жекшембисине туура келген Пасханы белгилешүүдө. Бир күн мурун христиан коомчулугу ыйык ишемби күнүн тоскон. Президенти Садыр Жапаров православдарды Пасха майрамы менен куттуктап, . өлкөнүн көп улуттуу жана көп конфессиялуу элине биримдик, өз ара түшүнүшүү, урмат-сый каалай турганын айтты. Кыргызстанда миңдеген православ динин тутунгандар жашайт жана 40тан ашык чиркөө бар. Алгачкы православдык чиркөө коому 1860-1870-жылдардын аралыгында Чүй жана Ысык-Көл өрөөндөрүндө негизделген. Читать дальше...

Кыргызстандын Министрлер кабинетинин төрагасынын орунбасары Арзыбек Кожошев менен Казакстандын премьер-министринин орунбасары - соода жана интергация министри Бахыт Султанов 24-апрелде чек арадагы "Ак-Тилек" көзөмөл өткөрүү пунктунда жолугушту.  Министрлер кабинетинин басма сөз кызматы билдиргендей,  алар Кыргызстандын "Ак-Тилек", Казакстандын "Карасу" өткөрүү пункттарынын аймагында индустриалдык-соода-логистикалык борборун куруу маселесин талкуулашты. Ал качан ишке ашырылары жөнүндө азырынча маалымат берилген жок. Читать дальше...

БУУнун Балдар фонду - ЮНИСЕФтин маалыматы боюнча, акыркы бир аптада Ооганстандагы жардыруулардан кеминде 50 бала набыт болду. Жекшемби күнү фонддун аймактык директору Жорж Ларя-Ажеи балдардын өлүмүнө байланыштуу сандар көбөйүшү ыктымалдыгын белгилеп, жеткинчектер Ооганстанда адам укуктарынын одоно бузулушунан көз жумганын билдирди.  Анын айтымында, Кундуздагы Мавлави Секандар мечитинде жума күнкү жардыруудан кеминде төрт баланын өмүрү кыйылды. Көбү оор жараат алды.  21-апрелде үч шаарда бир катар террордук актылар болуп... Читать дальше...

Токтоболот Абдумомунов атындагы кыргыз улуттук академиялык драма театры ондоп-түзөөлөрдөн кийин ушул жазда күйөрмандарына эшик ачты. "Эже-сиңдилер" берүүсүндө бул жолу репертуары жаңыланып, жаңы дем менен иштеп жаткан мекеме, биздин жашообуздагы театрдын орду тууралуу кеп курабыз.

Кыргыз өкмөтү маалыматтык-коммуникациялык технологиялар жаатында иштеген чет элдик жарандарды өлкөгө тартуу үчүн ыңгайлуу шарттарды түзө баштаганын айтууда. Өлкө башчы "санарип көчмөндөр" боюнча атайын буйрук чыгарып, Экономика жана коммерция министрлиги убактылуу жобонун долбоорун коомдук талкууга чыгарды. Эксперттер IT-адистерди Кыргызстанга тартуу өлкө экономикасы үчүн маанилүү экенин белгилеп жатышат. Александр Сейгаров Орусияга салынган туташ санкциялардан улам өлкөдөн чыгып кеткен IT-адистердин бири. Читать дальше...

Кыргызгидромет борбору кабарлагандай, 25-апрелде көпчүлүк аймактарда жамгыр жаайт, тоолорго кар түшөт. Чүй, Ош, Жалал-Абад облустарынын кээ бир райондорунда катуу жаан-чачын болот. Батыш тараптан жел согуп турат. Абанын температурасы: Чүй өрөөнүндө түнкүсүн 7...12, күндүз 13...18, Талас жергесинде түнкүсүн 6...11, күндүз 13...18, Баткен, Ош, Жалал-Абад облустарында түнкүсүн 9...14, күндүз 20...25, Ысык-Көл, Нарын дубандарында түнкүсүн 5...10, күндүз 14...19, Бийик тоолуу райондордо түнкүсүн 0...-5... Читать дальше...

Ноокатта жолдун кызыл сызыгынан сыртка чыгып кеткен жеке менчик үйлөрдү, дүкөндөрдү, тамактануучу жайларды бузуу иштери башталды. Район акими Данир Иманалиев бул Ош-Баткен-Раззаков жолунун Ноокат аймагынан өткөн 47 чакырым аралыгын оңдоо иштерине даярдык экенин “Азаттыкка” билдирди. “Учурда жол боюна жакын, кызыл сызыкта 62 үй бар. Биз алардын баарын карап чыгып, жолдун курулуш иштерине даярдык көрүү максатында кызыл сызыкка кирип калгандарын бузуп жатабыз”, - деди Иманалиев. Бузуу иштери Ноокат шаарында, Т. Читать дальше...

Улуттук коопсуздук мамлекеттик комитетинин Чек ара кызматы кыргыз-өзбек чек арасындагы "Достук" көзөмөл өткөрүү жайында 23-апрелде жаралган тыгындын чоо-жайын түшүндүрдү. Расмий маалыматта мындай көрүнүш Кара-Суу базарындагы дүң соода күндөрү кайталанып турары айтылат.  Ошондой эле, көзөмөл өткөрүү жайында курулуш иштери жүрүп жаткандыктан, жүгү бар жана жүксүз жарандар бир коридордон өткөрүлүүдө. Тыгынды азайтуу максатында өздүк курам көбөйтүлүп, бардык паспорт көзөмөл кабиналары иштеп жатат.... Читать дальше...