Новости за 22.01.2022

Жогорку Кеңештин депутаты Мирлан Самыйкожо иликтөөчү журналист Болот Темировду "каракчыны" кармагандай кылып күч органдарынын алып кетишин аша чапкандык" деп атады. Бул тууралуу ал Фейсбуктагы баракчасына жазды. "Коомго чукул коркунуч жарата турган кылмыш жасоо аракетине далили болсо жоон топ күч менен кармашса макул дейт элек. Эми кандай болгон күндө дагы бул иш тыкыр иликтениши керек. Эгер, сөз эркиндигине кысым боло турган болсо бул кашкайган ката! Сөз эркиндигин чектейбиз дегендер өз эркиндигине... Читать дальше...

"Ата Мекен" партиясынын төрагасы Өмүрбек Текебаев иликтөөчү журналист Болот Темировдун кармалышы боюнча «Фейсбуктагы» баракчасына билдирүү жазып, журналисттердин оозун жабуу мүмкүн эмес экенин белгиледи. Саясий ишмер ошондой эле өз башынан өткөн «матрешка-гейт» окуясын да эске салды: «Бир кезде, 2006-жылы мага да атайылап маңзат салып кетишкен. Ал иш «матрешка-гейт» деген ат менен белгилүү. Мага оңдой берди болуп аэропорттогу камераларга кантип менин чемоданыма салып жатышканы түшүп калган. Ошол... Читать дальше...

Жогорку Кеңештин Коргоо, коопсуздук, эл аралык иштер комитетинин төрагасы, депутат Жанар Акаев иликтөөчү журналист Болот Темировдун кармалышы "ачык коом курабыз деген бийликтин аракетине чоң көлөкө түшүргөнүн" жазды. "Кыргызстанда жалгыз мактанаарыбыз сөз эркиндигибиз жана эркин коом. Алар иликтеген материалдар коррупция менен күрөшүү ниети бар бийликке пайдасы гана тиет. Басма сөз эркиндигин эч бир бийлик күч менен баса албайт. Буга чейинкилери да, азыркылар да, мындан кийинкилер да! Болоттун... Читать дальше...

Иликтөөчү журналист Болот Темировго кылмыш кодексинин 287-беренеси (Маңзат жана психотроптук заттарды колдонууга азгыруу) менен иш козголгонун адвокат Нурбек Токтакунов жекшембинин түнүндө билдирди. Кодексте жазылгандай, бул берене боюнча күнөөлүү деп табылган адам бир жылдан үч жылга чейинки мөөнөткө түзөтүү жумуштарына тартылат, же 1000ден 2000 эсептик көрсөткүчкө чейин айып пул төлөөгө милдеттендирилет, же эки жылга чейин эркиндигинен ажыратылат. Токтакунов Темировдун экспертизадан сон кайда экени белгисиз болуп жатканын... Читать дальше...

Улуттук коопсуздук боюнча мамлекеттик комитеттин (УКМК) төрагасы Камчыбек Ташиев «Фейсбуктагы» баракчасына «Темиров Live сайтынын мен жөнүндө айтканы карандай калп» деп жазды. Атайын кызматтын жетекчиси «өзү жана жакындары эч качан элдин акчасын уурдабаганын» белгилеп, Temirov LIVE каналында чыккан иликтөөдөгү Байгазы Матисаков тууралуу мындай деди: «Ал эми КПКнын ("Кыргыз Петролеум Компани") 2021-жылдын башынан бери жетекчиcи болуп иштеп жаткан Байгазы Матисаков менин жээним болот. Атасы жаш кезинде көз жумган... Читать дальше...

Иликтөөчү журналист Болот Темиров маңзатка тапшырган анализдери таза чыкканын билдирди. Ал бул тууралуу күч кызматкерлеринин коштоосунда Наркоборбордон чыгып баратып "Азаттыктын" журналистине айтты. "Баары таза чыкты", - деди Темиров. Ал ошондой эле мындан ары суракка алып барышы мүмкүн экенин, бирок кайсы жакка баратышканын билбей турганын маалымдады.   Бишкек шаардык ички иштер башкармалыгынын маалымат кызматы журналисттин кармалышы боюнча ыкчам иликтөө иш-чаралары жүрүп жатканын, толук маалымат эртең берилерин билдирди. Читать дальше...

Бишкек милициясынын алдында 50гө жакын журналист, активисттер чогулуп турат. Алар иликтөөчү журналист Болот Темировдун кармалышы боюнча милициядан түшүндүрмө талап кылып жатышат. Журналист Семетей Аманбековдун айтымында, учурда журналисттер коомчулугу тилектештик көрсөтүп, Темировдун укугун коргоого биргеликте аракет кылыш керек. "Бийлик журналисттерди душман көрбөй, алар коомдун санитарлары экенин түшүнүшү керек", - деди Аманбеков. Ал 23-январда Темировду колдоо боюнча ИИМдин имаратынын алдында акция өткөрүү пландалып жатканын кошумчалады.

22-январда иликтөөчү журналист Болот Темировду кеңсесинен милиция алып кетерден мурун «эң негизгиси иликтөөнү чыгарып үлгүргөнүн» айтты. Бул видеону адвокат Нурбек Токтакунов Фейсбук баракчасына жарыялады: «Эң негизиси биз Ташиев тууралуу иликтөөнү чыгарып үлгүрдүк. Анткени алар иликтөөнүн качан чыгарын аябай билгилери келген. Коркутуулар болду. Биздин баракчаларды талкалап кирип, маалыматтарды алууга аракет жасашты. Биздин жабдыктарды (компьютерлерди) алып кетүү менен алар иликтөөнү кантип жасаганыбызды... Читать дальше...

22-январда күч органдары кармап кеткен иликтөөчү журналист Болот Темиров милиция кызматкерлери алып баратканда "мага чагым болду, ыргытып кетишти" деп айтууга үлгүрдү. Анын алдында адвокат Нурбек Токтакунов Темировдүн үстүнөн "кимдир-бирөөдөн милицияга арыз түштү" деп түшүндүрүшкөнүн айткан. Темиров менен бирге тинтүү учурунда кеңседе болгон журналисттердин айтымында, күч кызматкерлери имаратка кирип келип, ал жердегилердин баарын жерге жаткырып, иликтөөчү журналисттин чөнтөгүнөн "белгисиз зат алып чыгышкан". Читать дальше...

Иликтөөчү журналист Болот Темиров камактан чыкты. Бишкектин Свердлов райондук сотунун алдынан 23-январда саат 14:30 чамасында аны журналисттер жана активисттер, укук коргоочулар тосуп алышты. Тарапташтары ага чейин ИИМдин алдында акцияга чыгышып, аны жана төкмө акын Болот Назаровду бошотууну талап кылышкан. 22-январдын түнүндө иликтөөчү журналист Болот Темировду беткап кийген күч кызматкерлери колун толгоп алып кетишкен. Анын алдында милиция кызматкерлери Темировдун Бишкектеги кеңсесинен компьютерлерди алып кеткен. Читать дальше...

Беткап кийген күч кызматкерлери иликтөөчү журналист Болот Темировдун колун толгоп машинеге салып кетишти. Жактоочу Нурбек Токтакуновдун айтымында, Темировду Бишкек шаардык милициясына алып кетишти. ИИМ Темировдун кармалышы боюнча эч кандай комментарий бере элек. Анын алдында милиция кызматкерлери Temirov LIVE каналынын кеңсесиндеги компьютерлерди алып кетишкен. Адвокат Нурбек Токтакуновдун айтымында, Темировдун үстүнөн "кимдир-бирөөдөн милицияга арыз түштү" деп түшүндүрүшкөн. Темиров менен... Читать дальше...

22-январдын түнүндө иликтөөчү журналист Болот Темировду беткап кийген күч кызматкерлери колун толгоп кетишти. Анын алдында милиция кызматкерлери Темировдун кеңсесиндеги компьютерлерди алып кетишкен. Адвокат Нурбек Токтакунов милиция кызматкерлери Темировдүн үстүнөн бирөө арыз жазганын түшүндүрүшкөнүн айтты.

Temirov LIVE каналынын журналисттеринин Бишкектеги кеңесесине милиция кызматкерлери жана беткапчан адамдар келип, тергөө амалдарын жүргүзүүдө. Бул тууралуу жеринен “Азаттыктын” кабарчысы билдирди. Temirov LIVE командасынын өкүлү, журналист Актилек Капаров укук коргоо органдарынын өкүлдөрү алардын кеңсесине 22-январда саат 19:15терде киргенин айтты. Бул окуя боюнча тартип коргоо органдарынан комментарий алуу аракетибизден майнап чыккан жок. "Азаттык" алардан жооп алып берүүгө аракеттенет.

Temirov LIVE каналынын журналисттеринин кеңсесине милиция кызматкерлери жана беткапчан адамдар келип, кандайдыр бир документтерге кол коюуну талап кылышууда. Бул тууралуу аталган каналдын кызматкерлери билдирип, бул журналисттик ишмердүүлүк менен байланышта экенин айтышууда. Алдын ала маалыматка караганда, укук коргоо органдары Адылбек кызы Айпери аттуу жарандын арызынын негизинде кеңсени тинтип жатышат. Temirov LIVE YouTube-каналынын менеджери Айжан Алымсеитованын айтымында, укук коргоо органдары алгач адвокатты дагы киргизбей... Читать дальше...

Аман Саспаевдин "Кайнене" аңгемесинде жөнөкөй турмуштук окуялар көркөм иликтөөгө алынган. Жаш адамдын турмушка аралашуусу биртоп тоскоолдуктарга туш келет, анысы жаштарды кайра чыйралтат. Кыргыз аңгемесинин бүгүнкү берүүсүндө жазуучунун кызыктуу чыгармасы тууралуу кеп кылабыз. Жолугуу Окууну бүткөндөн кийин айылдык уландардын көбү аскердик милдетин өтөөгө жөнөшөт. Аны аткарып келгенден кийин колоктоп бош жүрүүнү жактырбаган жаш адам үйлөнүп, турмуш жүгүн өз алдынча тартууга киришет. Ошондой жаштардын... Читать дальше...

Ташкенттин соту блогер Миразиз Базаровду "жалаа жапкан" деген айып менен үч жылга эркинен ажыратты. Блогерге ички иштер органдары белгилеген убакта үйдөн чыгууга тыюу салынганын "Азаттыктын" өзбек редакциясы билдирди. Базаровдун жактоочусу Сергей Майоров өкүмдү мыйзамсыз жана адилетсиз деп атады. "Миразиздин жазанын бул түрүн өтөшүнө эки жыл, төрт ай калды. Үй камагында болгон мезгили дагы эсептелинет. Ал күчтүү адам, көңүлү чөкпөйт. Күрөштү улантууга даяр. Формалдуу түрдө сот мыйзам чегинде иш алып барды. Читать дальше...

Бишкек шаарында ок атылган мушташка байланыштуу төрт киши кармалды. Бул тууралуу "Азаттыкка" Ленин районунун Ички иштер бөлүмүнүн басма сөз кызматы кабарлады. Маалыматка караганда, 21-январда кечки саат 7ден өткөндө милицияга белгисиз адамдар мушташып, ок атылып, бири-бирине бычак шилтеп жатканы боюнча маалымат түшкөн. Окуя борбор калаанын Манас проспектисиндеги турак жайлардын биринде катталган. Жерине барган милиция кызматкерлери эки жарандын ортосунда пикир келишпестик жаралып мушташа кеткенин аныктаган. Читать дальше...

Казакстандын Алматы шаарындагы башаламандыктан кийин дайыны чыкпай жаткан дагы бир кыргызстандык, Алтынбек Сүйүнбек уулу 21-январда табылды. Бул маалыматты "Азаттык" радиосуна Кыргызстандын Алматыдагы башкы консулу Назарали Арипов ырастады. Анын айтымында, дайыны жаңы чыккан кыргызстандык жаран Алматыда сабалып Кыргызстанга алып келинген Чолпонбек Сыдыков менен чогуу бир таксиде болгон. "Таксиде эки адам болгон. Муну 10дорунда бошотуп жиберишкен экен, ошондон кийин чакырган (Казакстанга - ред.) адамдардын үйүндө жатыптыр. Кечээ таптык... Читать дальше...

“Кыргызгидромет” борбору 23-январда түнкүсүн Ош, Баткен облустарынын кээ бир райондорунда кар жаай турганын билдирди. Күндүз Чүй, Талас, Ош, Жалал-Абад, Баткен, Нарын жана Ысык-Көл облусунун тоолуу райондорунда кар жаашы мүмкүн. Жолдор тайгак жана тоңголок болот. Абанын температурасы: Чүй облусунда түнкүсүн -1...-6, күндүз -3…+2; Талас жергесинде түнкүсүн -2...-7, күндүз -4…+1; Баткен, Ош, Жалал-Абад дубандарында ​түнкүсүн -4…+1 күндүз 2…7; Ысык-Көл облусунда түнкүсүн -4…-9, күндүз 0…5; Нарын облусунда түнкүсүн -15…-20... Читать дальше...

Энергетика министрлиги Орусиянын "Росатом" корпорациясы менен биргеликте Кыргызстанда чакан атом электр станциясын куруу боюнча меморандумга кол койду. Мындай маалыматты алгач орусиялык ишкана таратып, кыргыз тарап ырастады. Бирок Энергетика министрлиги бул жөн гана ниет экенин билдирди. Кыргызстандын аймагында чакан атомдук электр станциясын куруу боюнча меморандумга кол коюлганын Орусиянын мамлекеттик «Росатом» корпорациясы 19-январда жарыялады. Документке Дубайда өтүп жаткан "ЭКСПО-2020" көргөзмөсүнүн... Читать дальше...

Чүй облусунун Сокулук районунда күмөндүү акциздик маркалар менен алкоголдук продукциялар сакталган кампа аныкталды. Кампа Мамлекеттик салык кызматы менен Улуттук коопсуздук боюнча мамлекеттик комитетинин(УКМК) биргелешкен иш-чарасында табылган. Салык кызматынын маалыматына караганда, текшерүүнүн жыйынтыгында 50 миң 744 бөтөлкө ар кандай аталыштагы жана идиштеги алкоголдук ичимдик алынган, анын ичинен 30 миң бөтөлкө кампадан, 20 миңден ашууну жүк ташуучу автоунаадан табылган. Тартып алынган продукция... Читать дальше...

Министрлер кабинетинин төрагасы Акылбек Жапаров  жумушчу сапарынын алкагында Таластагы Жерүй кенине барды. Бул тууралуу 22-январда өкмөттүн басма сөз кызматы кабарлады. Жапаров алтын чыгаруучу фабриканын иши, кургак калдык сактоочу жайдын абалы менен таанышып, алтын кен комбинатынын эмгек жамааты менен жолугушту. Расмий маалыматка караганда, ушул эле күнү өкмөт башчы Талас районунун Кум-Арык айылындагы "Йогонесдорф" магистралдык каналындагы тазалоо жана оңдоо иштери менен таанышты. Жапаров жазгы... Читать дальше...

Алматыда 5-январда жараат алып, ошол күнү ооруканада көз жумган жигиттин сөөгүн тергөө органдары кайра казып алмак. Маркумдун туугандары 22 жаштагы Бакыткелди Көлбаевди 7-январда жерге берген. Алар эксгумацияга каршы болушууда. (Видео казак тилинде)

Министрлер кабинетинин төрагасы Акылбек Жапаров Талас облусуна болгон жумушчу сапарынын алкагында COVID-19ду аныктоочу вирусологиялык лабораториянын ачылышына катышты. Бул тууралуу өкмөттүн басма сөз кызматы кабарлады. Маалыматта заманбап ПЧР-лаборатория алдыңкы жабдуулар менен камсыздалып, суткасына 800гө чейин анализди талдап чыгууга даяр экени айтылат. Талас шаарынын тургундары жана лабораториянын кызматкерлери вирусологиялык лаборатория ишке берилгенден кийин COVID-19 инфекциясын аныктоо оңой болорун билдиришти. Читать дальше...