Новости за 20.01.2022

Австриянын мыйзам чыгаруучулары жарандарды коронавируска каршы вакцинацияны милдеттүү түрдө алууну караган документти 20-январда жактырганы турат. Мыйзам кабыл алынса, 18 жаштан жогоркулардын бардыгы вакцинаны февралга чейин алышы керек. Антпегендерге айыппул салынат. Кош бойлуу аялдарга жана медициналык негизде вакцина алганга болбой турган адамдарга гана чектөө жок. Учурда Австриянын 75% калкы толук вакцина алган. Жаңы мыйзамды кабыл алуунун фонунда миңдеген адамдар коронавируска каршы милдеттүү... Читать дальше...

АКШ президенти Жо Байден Орусия Украинага “кол салышы” мүмкүн экенин эскертип, бирок Владимир Путин аскердик чабуул жасаса анын арты Москва үчүн экономикалык кесепеттерге алып келерин түшүнүп, карманып турганын билдирди. Байден бул тууралуу пикирин 19-январда президенттик кызматка киришкенинин бир жылдыгына карата басма сөз жыйынында айтты. Байден эгер Украинага бастырып кирсе, “Орусия үчүн чоң катастрофа” болорун кошумчалады: “Биздин өнөктөштөр Орусияга жана орус экономикасына олуттуу чыгым... Читать дальше...

Жогорку Кеңештин мурдагы депутаты Таабалды Тиллаев Транспорт жана коммуникациялар министринин орун басары болуп дайындалды. Бул тууралуу Министрлер кабинетинин басма сөз кызматы билдирди. 45 жаштагы Таабалды Тиллаев 2015-жылы "Республика-Ата Журт" партиясы менен Жогорку Кеңештин депутаты болуп шайланган. 2020-жылкы парламенттик шайлоого "Мекеним Кыргызстан" партиясынын тизмеси менен катышкан. 2021-жылы өткөн Жогорку Кеңешке шайлоодо "Альянс" партиясынын тизмеси менен барган. 2021-жылдын август... Читать дальше...

Казакстандын Алматы шаарында башламандыктарга байланыштуу кармалып, катуу сабалган кыргызстандык жаран Чолпонбек Сыдыков 20-январда  Бишкекке "Тез жардам" кызматы менен алынып келди. Саламаттык сактоо министрлигинин басма сөз катчысы Жылдыз Айгерчинова ал шаардагы 4-ооруканга жаткырылганын,  дарыгерлер кеңешкенден кийин  аны дарылоо тууралуу  кошумча маалымат берилерин билдирди. Алматыда тополоңдордон улам кармалып дайыны билинбей жаткан Сыдыков 11 күндөн кийин оор абалда табылган. Анын катуу токмоктолгону... Читать дальше...

21-январда Кыргызстандын аймагында жаан-чачын күтүлбөйт. Чүй, Талас, Ош, Жалал-Абад облустарынын кээ бир райондорунда туман түшөт. Жолдор тайгак жана тоңголок болот. Абанын температурасы: Чүй облусунда түнкүсүн -3...-8, күндүз -1…6; Талас жергесинде түнкүсүн -3...-8, күндүз 0…5; Баткен, Ош, Жалал-Абад дубандарында ​түнкүсүн -2…-7 күндүз 3…8; Ысык-Көл облусунда түнкүсүн -6…-11, күндүз -3…2; Нарын облусунда түнкүсүн -18…-23, күндүз -5…-10; Бийик тоолордо түнкүсүн -26…-31, күндүз -7…-12; Бишкек шаарында жаан-чачын күтүлбөйт. Читать дальше...

Саламаттыкты сактоо министрлигинин коронавируска байланыштуу кыргызстандыктарга кайрылуусу "Сак-саламат" сайтына чыкты. Анда коронавирустун белгилери байкалган жарандар өзүн кандай алып жүрүүсү керектиги жазылган. Дене табынын жогорулашы, кургак жөтөл, тамактын оорушу же ачышуусу, ичтин өтүшү, алсыроо, тердөө, муундардын сыздашы, булчуңдардагы оорушу байкалган жарандарга үйдө болуу, үй-бүлөнүн башка мүчөлөрүнөн обочолонуу сыяктуу сунуштар берилген. Мындан тышкары суюктукту (суу, чай, компот) көп ичүү... Читать дальше...

Жогорку сот кримтөбөл Азиз Батукаевди мөөнөтүнөн мурда мыйзамсыз бошотуу боюнча кылмыш ишин кароону кийинкиге калтырды. Бул иш боюнча башкы фигурант мурдагы президент Алмазбек Атамбаев гана камакта. Калгандары эркиндикте. Көпчүлүк жоопкерлер бири-бирине каршы көрсөтмө берип, тергөө менен кызматташканы үчүн боштондукка чыккан. Кримтөбөл Азиз Батукаевдин мыйзамсыз бошотулушу боюнча кылмыш иши 2019-жылы кайрадан жанданган. Бул ишке катышы бар 19 кызмат адамына айып тагылган. Бирок алардын арасынан беш киши гана айыбын моюнуна албай... Читать дальше...

Улуттук коопсуздук комитети (УКМК) президент Садыр Жапаров атайын кызматка бардык деңгээлдеги мамлекеттик кызматкерлердин жогорку билими тууралуу дипломдорун жана жарандыгын текшерүүнү тапшырганын билдирди. Анда бул жараян 24-январда башталып үч айга созулары, мамлекеттик мекеме-министрлик, органдарда иштегендерден сырткары Жогорку Кеңештин депутаттарына да тиешелүү болору айтылат. УКМК тараткан маалыматта "акыркы жылдары мамлекеттик кызматкерлердин билими тууралуу жасалма дипломдор менен мамлекеттик... Читать дальше...

Казакстандагы Маңгыстау облусунда суюлтулган газ баасынын кымбатташына каршы 2-январда нааразылык акциясы колдоо таап, эл көтөрүлдү. Митинг бүткүл Казакстанга жайылып, каргаша менен аяктаган окуя кантип өнүктү? "Азаттыктын" казак кызматы атайын репортаж тартып, Алматы жана башка калаалардагы жагдайды талдап чыкты. "Азаттыктын" казак кызматынын кабарчылары Манас Кайыртай уулу жана Азамат Жаңкатов тарткан видеону казак тилинде көрө аласыз.

Акыйкатчы институтунун "115" ишеним телефонуна 2021-жылы 10 миң 46 кайрылуу болгон. Бул тууралуу Акыйкатчы институтунун басма сөз кызматы билдирди. Ишеним телефонуна түшкөн кайрылуунун көпчүлүгү (308) күчтөп эмдөөдөн өткөрүүгө байланыштуу. Андан тышкары укук коргоо органдарына (180), эмгек укугунун бузулушу (164) жана үй-бүлөдөгү зомбулук (158) жана жер талаш маселелери (153) боюнча кайрылуулар көп түшкөн. Маалыматта ишеним телефонуна чалган жарандардын суроолоруна толук жооп берилип, түшүндүрмө, сунуш жана кеңештер айтылганы белгиленген. Читать дальше...

Казакстандын Алматы шаарында башламандыктарга байланыштуу кармалып, катуу сабалган Чолпонбек Сыдыковду Бишкекке "Тез жардам" кызматынын унаасы менен алып келе жатышат. Бул тууралуу "Азаттыкка" Кыргызстандын Алматыдагы башкы консулу Назарали Арипов билдирди. Тышкы иштер министрлигинин маалыматтык саясат департаментинин башчысы Нурлан Сүйөркулов Сыдыков келгенде ага чукул медициналык жардам көрсөтүлөрүн маалымдады. Анын кармалышынын мыйзамдуулугу кыргыз тараптын 5-январда Казакстанга кармалган кыргызстандык... Читать дальше...

Мындай маалымат Министрлер кабинетинде өткөн жыйында белгилүү болду. Анда мамлекеттик органдарга автоматташтырылган маалыматтык системаларды ишке киргизүү маселеси талкууланып, электрондук документке өтүүдө Чүй облусу эң арткы орунда экени айтылды.  "Эң төмөнкү көрсөткүчтөр Чүй облусунда байкалууда, 105 айыл өкмөтүнүн 31и электрондук документ жүгүртүү системасына кошулган эмес. Мындай көрсөткүчтөргө жол берилбеш керек. 1-марттан тарта президенттин администрациясы кагаз түрүндөгү документтерди кабыл алууну токтотуп... Читать дальше...

«Азаттыктын» «сыябан-маегинин» коногу - СССРдин, Кыргыз Республикасынын эл артисти, Токтогул атындагы мамлекеттик сыйлыктын лауреаты Самара Токтакунова. Даңазалуу комузчу өзүнүн комузу, маданият министри Күлүйпа Кондучалованын, күйөөсү Чалагыз Исабаевдин устаттык салымы, СССР мезгилиндеги чет өлкөлүк гастролдордун өзгөчөлүктөрү тууралуу маек курду.

Бишкектеги Биринчи май райондук сотунда 20-январда кылмыш дүйнөсүндө "Лимонти" деген каймана ат менен таанымал Алмазбек Сулаймановдун өлүмү тууралуу сот процесси уланды. Анда жабырлануучу тарап айыпталуучунун жакындарын коркутууларга байланыштуу күнөөлөп, соттук териштирүүнү алардын катышуусу жок өткөрүлүшүн суранышты. Кылмышка шектүү Талгат Шамшиевди судьяны ишти калыс, адилет кароого чакырды. Анын жакындары жабырлануучу тараптын дооматтарын четке кагышты.  Буга чейинки сот процессинде судья... Читать дальше...

Экономика жана финансы министрлигине караштуу Салык кызматы "Бирдиктүү терезе" жайларынын жана "Ишкерлерди тейлөө борборунун" кызматкерлери  20-январдан тартып күчөтүлгөн тартипте иштегенге өткөнүн билдирди. Буга жаңы Салык кодексинин кабыл алынганы себеп болду. Эми бул жайлар иш күндөрү түнкү саат 11ге чейин, дем алыштарда 9дан кечки 6га чейин ачык болот. Салык төлөөчүлөр 28-январга чейин катталган жеринде жаңы Салык кодексине байланыштуу режимди тандоо үчүн аталган мекеменин бөлүмдөрүнө кайрылышы керек. Читать дальше...

Кара-Балта шаарында жанын кыюуга аракет жасаган төрт кыз ооруканага жаткырылды. Бул тууралуу Чүй облустук милициясынын басма сөз кызматы билдирди. Маалыматта 19-январда Жайыл районунун "Тез жардам" кызматына дары ичип уулануу, өз өмүрүн кыюуга аракет кылуу боюнча кайрылуу түшкөнү айтылат. "Тез жардам" кызматы барганда 1998-1996-1995-1987-жылкы төрт кыз дары ичип өз өмүрүн кыюуга аракет жасаганы аныкталган. Аларга биринчи жардам көрсөтүлүп, аймактык ооруканасынын жандандыруу бөлүмүнө жеткизилген. Читать дальше...

Кыргызстанда быйыл күйүүчү-майлоочу майдын баасы дагы көтөрүлөт. Бул тууралуу Нефтетрейдерлер ассоциациясынын башчысы Канатбек Эшатов 20-январда басма сөз жыйынында билдирди. Ага ылайык, ушул жылы бензин төрт сомго, ал эми дизель алты сомго кымбаттайт. Эшатов мунун Орусияда күйүүчү майдын баасы көтөрүлүп жатканы менен негиздеди. Мындан бир ай мурун Орусия 2022-жылы бажы алымы жок Кыргызстанга 650 мин тонна бензин жана 550 миң тонна дизель отунун берери маалым болгон. Былтыр Москва Бишкекке 460... Читать дальше...

Ош шаарында коңшу Өзбекстандан келген миңдеген студент окуйт. Алардын дээрлик баары өз өлкөсүндө университетке өтө албай калып, билим издеп келгендер. Өзбекстандык жаштарды Кыргызстандан билим алууга эмне мажбурлайт? Студенттер өз окуялары, көйгөйлөрү жана алдыдагы максаттары менен бөлүштү. Ош мамлекеттик университетинин өзүндө эле 12 миңге жакын өзбекстандык студент окуйт. Алардын бири 19 жаштагы Эргеш Сайфуллаев медицина факультетинин студенти. Өзбекстанда эки жолу жогорку окуу жайга тапшырууга аракет жасап... Читать дальше...

АКШнын мамлекеттик катчысы Энтони Блинкен Орусиянын президенти Владимир Путинди «дипломатиялык жана тынч жолду» тандоого чакырды. Мындай билдирүүнү америкалык дипломат Украинага барганда 19-январда жасады. Батыш менен Киев Орусия Украинага кол салышы мүмкүн деп кооптонуп келет. Москва Украина аскердик альянска мүчө болбошу керек деген шартын коюп жатат. Кошмо Штаттардын мамлекеттик катчысы Энтони Блинкен 19-январда украин президенти Владимир Зеленский менен жолукту. Ага чейин АКШнын Киевдеги элчилигинде болгон. Читать дальше...

Кыргызстанда талаш-тартыш менен коштолгон жаңы Салык кодекси ишке кирди. Мамлекет башчы Садыр Жапаров кол койгон Салык кодексинин тексти президенттин сайтында жарыяланды. Анда жалпы 449 беренеден турган Салык кодексинин артыкчылыктары жана өзгөчөлүктөрү кыскача берилген. Анда салык кодексинин максаты - системанын туруктуулугун камсыздоо, санариптештирүү, ишкерлерге бирдей шарт түзүү жана көмүскө экономиканы кыскартуу экени айтылат. Жаңы кодекске ылайык, салык эки режимде жыйналат. 1. Жалпы салык режими. Читать дальше...

Украинанын президенти Владимир Зеленский видеокайрылуу жасап, Орусиянын ыктымал кол салуу коркунучуна байланыштуу элди дүрбөлөң түшпөөгө чакырды. Ал кайрылуусунда мындай окуя болбойт деп ишенерин билдирди. Владимир Зеленский Орусиянын “аскерий чабуулу” 2014-жылы эле башталганын, масштабдуу согуш коркунучу “бир күндө эле” пайда болбогонун айтты. “Бардык жарандарыбыз, өзгөчө кары-картаңдар муну жакшы түшүнүшү керек. Дүрбөлөңгө түшүп, гречка, ширеңке сатып алуу үчүн чуркабагыла. Эмне кылуу керек? Читать дальше...