Новости за 11.11.2019

Тажикстандык оппозиционер, активист Фарход Одинаев Европа Биримдигинен саясий башпаанек сураганы жатат. Бул тууралуу ал "Азаттыктын" тажик кызматына кабарлады жана бул чечимди мекенине кайтып барса, камала турганы белгилүү болгондон кийин кабыл алганын белгиледи. Одинаев ушул тушта Германияда жүрөт жана бир жылга виза алган. Фарход Одинаев 25-сентябрда Варшавага адам укуктары боюнча жыйынга катышуу үчүн баратканда тажик бийлигинин өтүнүчү менен Беларуста камакка алынган. Ошондон бери өткөн аптага... Читать дальше...

Сириянын президенти Башар Асаддын жакын туугандары Орусиянын Москва шаарындагы "Москва-Сити" турак жай комплексинен жалпы баасы 40 миллион долларга бааланган кеминде 19 батир сатып алышкан. Бул тууралуу "Financial Times" басылмасы коррупцияга каршы күрөшкөн "Global Witness" өкмөттүк эмес уюмунан алынган документтерге таянып жазды. Документтерге ылайык, Асаддын тайкеси Мохаммад Махлуф Москвадан 2013-жылдан тартып турак жай сатып ала баштаган. Ушул тушта президенттин тууганы Хафиз Махлуфга жана ага таандык компанияларга 13 батир катталуу. Читать дальше...

Өлкөнүн түштүгүндөгү Насирия шаарында демонстранттар менен коопсуздук күчтөрүнүн кагылышында дагы 130дай киши жарадар болду. Бул тууралуу жарым-жартылай өкмөттүк деп эсептелген Адам укуктары боюнча жогорку комиссия кабарлады. Ага ылайык, жарымынын абалы оор. Бери дегенде төрт адамдын өлүмү менен аяктаган кагылыш шаардагы билим берүү башкармалыгынын сыртына топтолгон тургундарга полиция жаш агызчу газ колдонгондо тутанган. Ал арада Бириккен Улуттар Уюмунун (БУУ) Ирактагы миссиясынын башчысы Жанин... Читать дальше...

Нечен кылымдан бери элди багып келаткан Арстанбап жаңгак токою. Чүйдөгү Калыгул айылы мектепсиз калып, балдар шарты жок эмканада окуп жатышса, сыркоолор кулайын деген суук мектептеги дарыгерге көрүнүүгө аргасыз. "Данисте" берүүсүнүн кезектеги чыгарылышын сунуш кылабыз.

Мурдагы президент Курманбек Бакиевдин ысымы Жалал-Абаддагы көчөлөрдүн бирине берилгени коомчулуктун сынына кабылды. Мындай токтомду Ноокен айылдык кеңешинин депутаттары чыгарган.

Бишкекте 11-ноябрда преференциалдык шайлоо ыкмасын киргизүү боюнча сунушталып жаткан мыйзам долбоору талкууланды. Документтин авторлору мыйзам кабыл алынса жарандар электрондук добуш берүү аркылуу шайлоого катышып жаткан партияны, анын ичинен талапкерди да тандашарын айтып жатышат. Жыйында Кыргызстандагы шайлоо тутуму эскиргенин, учурдагы система бийликке гана ыңгайлуу экени айтылды. Саясатчылар бийлик аны оңдоого кызыкдар болбой турганын билдирип, президент Сооронбай Жээнбековду жаңы өзгөртүүлөрдү колдоого чакырышты.

Төкмө акын Майра Керим кызынын уулу, жаш төкмө акын, актёр Акжолтой Канат уулу 26 жашында жол кырсыгында каза тапты. 11-ноябрга караган түнү Кочкорго бараткан жеңил машине жүк ташуучу машине менен кагышып, төрт киши каза болду.

Гонконгдогу кезектеги нааразылык акциясында полиция ок чыгарды. Ооганстанда Абдулла Абдулла добуш саноону токтотууну талап кылды. Парижде жекшемби күнү исламофобияга каршы акция өттү.

Бишкекте “Бир Дүйнө-Кыргызстан” кинофестивалынын ачылышы өтүүдө. Бул жылы фестиваль Балдардын укуктары боюнча БУУнун Ковенциясынын кабыл алынышынын 30 жылдыгына арналып, “Балдар үнү жана тең укуктуулук” деген темада өтүүдө. Фестивалга 10дан ашык өлкөдөн 20дан ашык даректүү тасма катышып жатат. Бул тасмалар катаал шарттагы балдардын укуктарын коргоо өңдүү бир топ темаларды чагылдырат. Мындан сырткары фестивалдын алкагында балдардан укуктарын талкуулаган талкуулар, семинарлар өтөт. Фестивалдын ачылышына... Читать дальше...

Ооганстандын президенти Ашраф Ганинин шайлоодогу башкы атаандашы, аткаруу бийлигинин башчысы Абдулла Абдулла Көз карандысыз шайлоо комиссиясынан бюллетендерди саноону токтотууну талап кылды.

Кыргызстандын Тышкы иштер министрлиги Стамбулда өлтүрүлгөн ишкер Айеркен Саймаитиге таандык делген автоунаанын чоо-жайын тактап жатат. Бул тууралуу министрликтин маалымат департаментинин директору Уланбек Дыйканбаев билдирди. Анын айтымында, Кыргызстандын Стамбулдагы консулдугу учурда бул иш менен алектенүүдө. «Азаттыктын» «Кыргызстандан чыгарылган миллиондордун изи» аттуу иликтөөсүндө кеп болгон жеке ишкер Айеркен Саймаити 10-ноябрда Стамбул шаарында өлтүрүлгөнү кабарланды. Ал киши колдуу болгон... Читать дальше...

«Азаттыктын» «Кыргызстандан чыгарылган миллиондордун изи» аттуу иликтөөсүндө кеп болгон жеке ишкер Айеркен Саймаитини Стамбул шаарында өлтүрүп кетишти.

Түркия 11-ноябрда "Ислам мамлекети" террорчул тобунун мүчөсү деп шектелген Кошмо Штаттарынын жаранын өз мекенине жөнөттү.  Өлкөнүн Тышкы иштер министрлиги, 14-ноябрда Германиянын жети жараны дагы депортацияланарын маалымдады.  Өткөн аптада түрк ички иштер министри Сулейман Сойлу Анкара "Ислам мамлекети" террордук уюмунун колго түшкөн чет өлкөлүк жоочуларын 11-ноябрдан тарта алардын өз мекенинде жарандыктан ажыратылганына карабастан жөнөтө баштарын маалымдаган.  Түркиянын президенти Режеп... Читать дальше...

Шашылыш билдирүү: Акыркы күндөрдөгү жаан-чачынга байланыштуу Кыргызстандын тоолуу райондорунда жана Каракол - Эңилчек автоунаа жолунун (Чоң-Ашуу ашуусу) 76-90 чакырымдарында кар көчкү түшүшү мүмкүн. Аба ырайы: 12-ноябрда жаан-чачын болбойт. Чүй, Талас облустарынын кээ бир райондорунда туман түшөт. Тоолуу райондордо жолдор тайгак болот. Батыштан соккон шамалдын ылдамдыгы 4-9 м/с. Абанын температурасы: Чүйдө түнкүсүн -4…+1, күндүз 6…11; Таласта түнкүсүн -1…-6, күндүз 7…12; Баткенде... Читать дальше...

Иракта мусулмандар Мавлид ан-Набауий же Мухаммед пайгамбардын туулган күнүн белгилешти. Бул күн Мосулдагы атактуу Аль-Баша мечитинде соңку беш жылдан биринчи жолу майрамдалып жатат. «Ислам мамлекети» террордук тобу 2014-жылы бул аймакты өз карамагына алганда, бул күн Куранда жазылбаганын жүйө кылышып, аны белгилөөгө тыюу салышкан. Бул күнү мечитке чогулгандар Мухаммед пайгамбардын өмүр жолун баяндаган, аны даңктап-мактаган диний ырларды аткарышат, куран окушат жана таттуулар таркатылат. Бул күн... Читать дальше...

Бишкек жылуулук электр борборун жаңылоодогу коррупция боюнча камактагы мурдагы премьер-министр Сапар Исаковдун адвокаты Нурбек Токтакунов башкы прокурор Өткүрбек Жамшитовго кайрылды. Анда адвокат ЖЭБ боюнча кылмыш ишиндеги айрым документтер атайын алмаштырылып, жасалма жол менен чыгымды көбөйтүү аракети болгонун айтууда. Токтакуновдун жүйөсүндө, чыгымды эсептөөдө Курулуш жана архитектура агенттигинин айрым кызматкерлери документтеги айрым барактарын атайлап алмаштырып койгон. Мындай жол менен ЖЭБди жаңылоодо чыгымды көбөйтүү аракети болгон. Читать дальше...

Ооганстандын лидери Ашраф Ганинин президенттик шайлоодогу башкы саясий атаандашы, аткаруу бийлигинин жетекчиси Абдулла Абдулла Көз карандысыз шайлоо комиссиясынан бюллетендерди саноону токтотууну талап кылды. Ал өз байкоочуларын чакыртып ала турганын жана азыркыдай жол менен саналган добуш берүүнүн жыйынтыгын тааныбастыгын айтып чыкты. Ашраф Гани да, Абдулла Абдулла да 28-сентябрдагы шайлоодо укатканын жарыялап, бири бирин добуш берүүнү бурмалап жатат деп айыптаган. Бюллетендерди саноодогу катачылыктар... Читать дальше...

«Азаттык» радиосу жемкорлукка каршы күрөштү күчөтүү боюнча жарыялаган сынакка келип түшкөн материалдарды жарыялоону улантат.

Бишкекте преференциалык шайлоо ыкмасын киргизүү боюнча мыйзам долбоору талкууланып жатат.

Украинанын Житомирск облусунда жекшемби күнү адвокат Святослав Пархоменко киши колдуу болуп ажал тапты. Ал сотто Мамлекеттик Думанын мурдагы депутаты Денис Вороненковдун өлүмү үчүн шек саналып жаткан Александр Лосту коргоп жаткан. «Украинская правда» басылмасы жергиликтүү полицияга шилтеме кылып, Пархоменко аңчылыкка чыкканда чатакташа кетип ок жегенин жазды. Анын айрым кесиптештери чыр-чатактын айынан ажал тапканынан күмөн санап жатышат.  Өткөн айда Вороненковдун ишиндеги күбөлөрдүн бири Владимир Ворох Харьковдогу атышууда мерт болгон. Читать дальше...

Төкмө акын Акжолтой Канатбек уулунун өмүрүн алган жол кырсыгы Кочкор-Балыкчы жолунда өткөн түнү болгон. Анда "Норд-Бенц" менен "Субару Импреза" үлгүсүндөгү машинелер кагышкан. Нарын облустук милициясынан кабарлашкандай, баштапкы маалымат боюнча “Субару Импреза" жолдун каршы тилкесине чыгып кеткен. Бул машинеде бараткан айдоочу жана үч жүргүнчү ошол жерден мүрт кетип, бир адам оор абалында Кочкор райондук ооруканасынын кайра жандандыруу бөлүмүнө жаткырылган. Каза болгондордун арасында төкмө акын Акжолтой Канатбек уулу жана келинчеги бар. Читать дальше...

Өзбекстандын президенти Шавкат Мирзиёевдин кичүү кызынын күйөөсү Атабек Умаров Таймаштын аралаш түрлөрү (ММА) боюнча федерациянын башчысы болуп дайындалды. Бул федерация 8-ноябрда негизделди жана жергиликтүү маалымат каражаттары Умаров мушкерлер менен жолугуп, чогуу машыгуу өткөргөнүн жазышты.  Өткөн айда таймаштын аралаш түрлөрү боюнча орусиялык мушкер, UFC уюмунун жеңил салмактагы чемпиону Хабиб Нурмагомедов Ташкентте академия ачканы жатканын жарыялаган. Ошондой эле 2020-2021-жылдары Өзбекстанда... Читать дальше...

«Ата Мекен» партиясынын лидери Өмүрбек Текебаев Бишкекте шайлоо мыйзамдарын талкуулаган жыйында Кыргызстандагы шайлоо системасына жарандар нааразы экенин айтты. Ал бул талкууда сүйлөп жатып өлкөдөгү саясий түзүлүштү шайлоо системасы дискредитация кылганын билдирип, аны оңдош керек экенин кошумчалады. Бирок Текебаев жаңы шайлоо системасы кайсы гана бийликке болбосун жакпай турганын белгиледи. - Бул бүгүн эл колдоп жаткан жакшы идеяны бийлик колдобосо ал өтпөйт. Бирок бүгүнкү бийлик буга кызыкчылыгы жок. Читать дальше...

Чүй облустук милициясынын Москвада дарыланып жаткан башчысы Самат Курманкулов өз алдынча басып, сүйлөп калды. Бул тууралуу Саламаттык сактоо министрлиги кабарлады. Маалыматка ылайык, учурда Курманкулов Москвадагы Реабилитациялык борбордо дарылануусун улантууда. Буга чейин ал атайын аппараттын жардамы менен сүйлөп жатса, учурда өз алдынча сүйлөп, басып калды. Самат Курманкулов Кой-Ташта 7-8-август күндөрү мурдагы президент Алмазбек Атамбаевди кармоо операциясынын учурунда башына таш тийип, оор жарадар болгон. Читать дальше...