Новости за 31.05.2019

Европанын клубдар арасында эң абройлуу кубогу деп саналган Чемпиондор лигасынын жеңүүчүсү бүгүн аныкталат. Финалдык оюнда Англиянын  “Тоттенхэм” менен “Ливерпуль” командалары ойнойт. Аталган эки клуб 2018-жылдын күз мезгилинен бери турнирде жүрүшүн улантып келе жатат. Жарым финалда “Ливерпуль” Испаниянын “Барселона” клубун утуп алса, “Тоттенхэм” Голландиянын “Аякс” клубун жеңген. Финалдык оюн Испаниянын борбору Мадрид шаарындагы “Ванда Метрополитано” стадионунда өтөт. Оюн Бишкек убактысы боюнча түнкү саат 1:00дө башталат. Читать дальше...

Мыктыбек Мамасалиев Кыргызстанды далайга тааныткан мушкер. Анын беттеш учурундагы нокауттары спорт сүйүүчүлөрдүн купулуна толуп, белгилүү болушуна жардам берген. Мыктыбекти каймана аты "Ак аюу" менен көбүрөөк билишет.

«Мегаком» ишканасынын жетекчиси Акылбек Жамангуловду «Ачык өкмөт» улуттук форумунун мурдагы катчысы Иманкадыр Рысалиев коркутканы боюнча маалыматка байланыштуу Башкы прокуратура иш козгоп, ал Кылмыштардын жана жоруктардын бирдиктүү реестрине катталды. Бул тууралуу Жамангулов «КТ Мобайл» компаниясынын ишин иликтеген депутаттык комиссиянын 31-майдагы жыйынында билдирди. «Комиссиянын жетекчиси Курманкул Токторалыевичтин каты менен Башкы прокуратура иш козгоптур. Ички иштер министрлигинин (ИИМ) кызматкерлери келишти. Читать дальше...

Кошмо Штаттары жогорку кызматтагы түндүк кореялык дипломаттардын өлүм жазасына тартылышы тууралуу маалыматтын чын-бышыгын иликтейт. Бул тууралуу АКШнын мамлекеттик катчысы Майк Помпео жума күнү Берлинде журналисттердин суроолоруна жооп берип жатып айтты. Түндүк Корея өлүм жазасына кести деп айтылып жаткан дипломаттар Вашингтон менен Пхеньяндын Корей жарым аралын өзөктүк куралдан арылтуу боюнча сүйлөшүүсүнө катышкан. Түштүк Кореянын "Чосон ильбо" гезити Түндүк Кореянын бийлиги февралда Ким Чен Ын... Читать дальше...

Сауд Арабиясынын падышасы Салман бин Абдел Азиз эл аралык коомчулукту “Иран режиминин башка өлкөлөрдүн ички иштерине кийлигишүүсүн токтотуу үчүн” болгон чараларды колдонууга чакырды.

Дүйнөлүк саламаттыкты сактоо уюмунун кызматкерлери Пакистандын түштүгүндөгү массалык ВИЧке чалдыгуу окуясын иликтөөгө киришти. Бул тууралуу Синд провинциясынын ВИЧке каршы күрөшүү боюнча программасынын директору Сикандар Мемом «Эркин Европа/Азаттык» радиосуна билдирди. Аталган провинциянын Ларкана районундагы Ратодеро шаарчасында жергиликтүү дарыгердин айынан ВИЧке чалдыккандардын саны 725ке жетти, анын 590у балдар. Мемон апрель айынан бери дарыгерлер 25 миң адамды атайын текшерүүдөн өткөргөнүн кабарлады. Читать дальше...

«Ата Мекен» партиясынын абактагы лидери Өмүрбек Текебаев бүгүн, 31-майда №47 түрмөдөн Мирсаид Миррахимов атындагы Улуттук кардиология жана терапия борборуна которулду. Бул тууралуу Жаза аткаруу мамлекеттик кызматынын (ЖАМК) өкүлү Элеонора Сабатарова билдирди. «Жарым жылда бир ирет ооруканада дарыланып, дарыгерлердин кароосунан өтүп турушу керек. Дарыгер кандайдыр бир сунуштарды берсе, калган медициналык жардамды бизден ала берет». Текебаев абактан акыркы жолу 2018-жылдын 13-декабрында Улуттук кардиология борборуна которулуп... Читать дальше...

Бул тууралуу 31-майда премьер-министр Рамуш Харадинай «Фейсбукка» жазып, Тышкы иштер министрлигине орус жараны, Бириккен Улуттар Уюмунун кызматкери Михаил Краснощековду тезинен өлкөдөн чыгарууну буйруду. Харадинай бул чечимди аткарууга Бириккен Улуттар Уюмун да чакырды. Баш катчы Антонио Гутерриш буга чейин адамды «персона нон-грата» деп табуу Бириккен Улуттар Уюмуна жана анын кызматкерлерине эч убакта тиешелүү болбой турганын эскерткен. Краснощеков 28-майда Косовонун түндүгүндөгү атайын операция учурунда кармалып, кийин коё берилген. Читать дальше...

Венгрия полициясы Дунайда чакан кайык менен кагышкан туристтик кеменин капитанын камакка алды. 30-майдын кечинде болгон кырсыкта кеминде жети киши каза болуп, 21 адам дайынсыз. Алардын бардыгы Түштүк Кореянын жарандары.

«Мегаком» компаниясы түзүлгөн келишим боюнча «КТ Мобайл» ишканасына ушуга чейин 168 миллион сом которгон. Аталган каражаттын бир бөлүгү «КТ Мобайлдын» кызматкерлеринин айлык акысына жумшалса, 1 млн. 150 миң долларга жакыны бир нече банкта сакталып турат. Бул тууралуу «КТ Мобайлдын» ишин иликтеген депутаттык комисиянын экинчи отурумунда белгилүү болду. Жыйынга өкмөт башчы Мухаммедкалый Абылгазиев да катышып, суроолорго жооп берди.

«Мегаком» компаниясы түзүлгөн келишим боюнча «КТ Мобайл» ишканасына ушуга чейин 168 миллион сом которгон. Аталган каражаттын бир бөлүгү «КТ Мобайлдын» кызматкерлеринин айлык акысына жумшалса, калганы бир нече банкта сакталып турганы белгилүү болду.

«WikiLeaks» сайтынын негиздөөчүсү Жулиан Ассанж «психологиялык кыйноонун» кесепетинен жапа чеккени байкалат. Бул тууралуу БУУнун кыйноого каршы атайын баяндамачысы Нильс Мельцер маалымдады. Ал Британ түрмөсүндө жаза мөөнөтүн өтөп жаткан австралиялыкка жолугуп чыккан. Мельцердин айтымында, Ассанждын ден соолугунда анча-мынча көйгөй бар, ага түрмө кызматкерлери зарыл жардамды берип жатат. Ошол эле кезде аны Жулиан Ассанждын психологиялык абалы өтө тынчсыздандырган. БУУнун өкүлүнүн оюнча, Ассанж өтө тынчсызданып... Читать дальше...

Меккедеги эл аралык саммиттерде чөлкөмдөгү чыңалып турган кырдаал талкууланды. Венгриянын бийлиги Дунай дарыясында бараткан кайык менен кагылышкан кеменин капитанын камакка алды. Түндүк Корея АКШ менен саммит ийгиликсиз аяктагандан кийин бир катар аткаминерлерди өлүм жазасына тартканы кабарланды.

Хоккей федерациясынын президенти Анвар Оморканов хоккей спортун кымбат деп айтуу жаңылыштык деген пикирин билдирди.

Бишкектин Свердлов райондук сотунда Бишкек жылуулук электр борборун жаңылоо боюнча күнөөлөнүп жаткан тараптар соттун жүрүшүнө нааразылык билдиришти.

Нарын районундагы Он-Арча айылындагылар кыш куйбай, аны куюп берүүгө буйрутма бере башташты. Анткени, бул айылдын тургуну Адилет Молдосалиев кирпич куйган жабдуу ойлоп таап, аны кадимки тракторго чиркеп койгон.

Жүргүнчүлөрдү ташуучу Бишкек-Кара-Балта каттамындагы поезд бир күнгө убактылуу токтотулат Бул "Кара-Балта-РЗД-141” темир жолу участкасындагы ремонт иштерине байланыштуу болуп жатканын "Кыргыз темир жолу" ишканасынын басма сөз кызматы маалымдады. 2-июндан тартып, аталган поезд каттамы белгиленген график боюнча каттоосун улантат. 1-июндан тартып, Бишкектин батыш тарабындагы Ала-Тоо (Сокулук району) жаңы конушуна поезд токтоочу бекет ачылды. Бул бекет Бишкек-1 жана Сокулук бекеттеринин ортосунан... Читать дальше...

Кытай менен Гонконг Американын Иранга каршы бир тараптуу иш-аракеттерине каршы.

Жогорку Кеңештеги "Ата Мекен" фракциясынын лидери Алмамбет Шыкмаматов бүгүн, 31-майда "КТ Мобайл" компаниясынын ишин иликтеген депутаттык комиссиянын жыйынында өкмөт башчы Мухаммедкалый Абылгазиевден Райымбек Матраимовдор тууралуу "Азаттыктын" иликтөөсү боюнча тез арада текшерүү жүргүзүүнү талап кылды: "Бул боюнча өкмөт, сиз, Финполиция, Башкы прокуратура, АКС иштебейсиңерби? Депутаттарды үгүттөп коюп отура бербей. Макул, биз комиссия түзөлү. Бирок биз каникулга кетсек, күзгө чейин күтүп отура бересиңерби? Читать дальше...

Лейлек районундагы Жаңы-Жер айыл аймагынын башчысы Саатбек Эгембердиевдин район акими Баймурат Бекмуратовго каршы доо арызы кайрадан райондук соттун кароосуна жиберилди. Мындай чечимди 30-майда Баткен облустук соту чыгарды. Лейлек районундагы Жаңы-Жер айыл аймагынын башчысы Саатбек Эгембердиев райондук администрациянын башчысы Баймурат Бекмуратовду 11-апрелде сотко берген. Ал өзүнүн кызматтан алынышы боюнча акимдин айылдык кеңешке берилген сунушу мыйзамсыз болгон деп эсептейт. 29-апрелде Лейлек... Читать дальше...

Сауд Арабиянын падышасы Салман бин Абдел Азиз араб өлкөлөрүнүн лидерлеринин чукул саммитинде эл аралык коомчулукту “Ирандын башка өлкөлөрдүн ишине кийлигишүүсүнө каршы бардык каражатты колдонууга” чакырды. Перс булуңунун Кызматташтык Кеңешинин жана Араб лигасынын саммити ислам дүйнөсүнүн ыйык шаары саналган Меккеде 30-майда башталып, 31-майда аяктады. Бул чукул саммит Жакынкы Чыгышта АКШ менен Ирандын мамилеси чыңалып турган учурда өттү. Ушул айдын башында АКШ Перс булуңуна жана Жакынкы Чыгышка учак ташуучу согуштук кемесин... Читать дальше...

“Мыйзамсыз байыган” деп шектелип жаткан кызматкердин байлыгын билүү үчүн биринчи кезекте анын жакындарын текшерүү зарыл. Мындай пикирин Улуттук банктын Көзөмөл башкармалыгынын башчысы Сейтек Чалбаев “Азаттык” радиосунун “Эксперттер талдайт” көрсөтүүсүндө сүйлөп жатып айтты: - Мыйзамсыз баюу тууралуу сөз болгондо укук тартибин коргоо органдары шектүү аткаминердин өзүн эмес, анын жакын туугандарын жана өнөктөштөрүн текшериши керек. Ошондо гана анын кайсы жерде кандай активдери бар экенин билүүгө болот. Читать дальше...

Европа кеңешинин төрагасы Дональд Туск Борбор Азиядагы сапарын улантып, 31-майда Казакстанга келди. Ал Нур-Султан шаарында казак президенти Касым-Жомарт Токаев менен сүйлөшүүлөрдү өткөрдү. Бул жолугушууда Токаев Казакстан "Евробиримдик менен конструктивдүү өнөктөштүккө" басым жасоону уланта берерин айтканын "Ак ордонун" басма сөз кызматы кабарлады. Туск Казакстанды "чөлкөмдөгү гана эмес, глобалдык деңгээлдеги өнөктөш" экенин айтты. Мунун алдында бир катар казак активисттери Тускка кайрылуу жолдоп... Читать дальше...

Human Rights Watch уюмуна байланышкан адам укугун коргоочулар Йемен согушунда миңдеген жай тургундардын каза болушуна нааразычылык билдиришип, Еврокомиссиянын Брюсселдеги баш кеңсесинин маңдайына жүздөй  түгөй бут кийим тизишти.

АКШнын коргоо министринин эл аралык коопсуздук боюнча орун басарынын милдетин аткаруучу Кэтрин Уилбэргер Анкара орусиялык С-400 зениттик ракет системасын сатып ала турган болсо, бул Түркиянын НАТОдогу өнөктөштөрү менен кызматташтыгына терс таасир эте турганын эскертти. Ал белгилегендей, бул кадам Түркиядагы Ф-35 бомбардировщиги боюнча программага да кесепетин тийгизет. «С-400 системасы- Ф-35 учактарын атып түшүрүүгө багытталган орусиялык система. Орусия бул учак боюнча маалыматты чогултуу мүмкүнчүлүгүнөн... Читать дальше...