Новости за 07.05.2019

7-майда Чолпон-Ата шаарында Жеңиш күнүнө карата өтүп жаткан көкбөрү боюнча республикалык турнирде «Достук» жана «Сары-Өзөн» командаларынын оюнчуларынын ортосунда мушташ чыкты. Экинчи таймдын акырында, эсеп 5:2 болуп жаткан кезде «Достуктун» оюнчусу Манас Ниязов менен «Сары-Өзөндүн» улакчысы Нурбек Юсупов алгач аттын үстүнөн жөөлөшүп, кийин жерге түшүп мушташа кеткен. Урушка башка оюнчулар да ат үстүнөн аралашып, бири-бирин жөөлөшүп, кийин эки улакчыны ажыратып калышты. Оштун «Достук» командасы... Читать дальше...

Тажик президенти Эмомали Рахмон дыйкандарга орозону башка убакта кармоону сунуш кылды. Осетияда бирөөгө жардам бергенди кесипке айланткан ырчы бар. Балдарын Сирияга алып кеткен кыздын энеси неберелерин күтүп арманда отурат. Өзбекстандын Хива шаарындагы ичанкалалыктар өз үйлөрүнө акы төлөп кирүүгө мажбур.

Саударабиялык эже-сиңди, 28 жаштагы Маха Ал-Субайе менен 25 жаштагы Вафа Ал-Субайе аны колдогондорго ыраазычылык билдиришти. Кубанган кыздар 7-майда «Твиттерге» жарыяланган кыска видеодо грузин паспортторун көрсөтүп, Грузиядан кетип бараткандарын айтышкан, бирок кайсы мамлекет барышарын кабарлашкан жок. "Биз Грузиядан кетип жатабыз. Биз жаңы өлкөдө жаңы жашоону баштайын деп турабыз", -деди алар. Видео грузин аба бекетинде тартылган сыяктуу. Грузин бийлиги бул тууралуу эч кандай маалымат таратыша элек. Читать дальше...

Орусия украиналык балыкчылар Руслан Кондратюк менен Андрей Морозовду бошотту. Бул тууралуу Жогорку Раданын адам укуктары боюнча атайын өкүлү Людмила Денисова “Фейсбуктагы” баракчасына жазды. Кондратюк менен Морозов былтыр сентябрда кармалган. Балыкчылардын кайыгы бузулуп калып, толкун аларды Орусия аннексиялап алган Крым жарым аралындагы Сиваш көлүнө алып кеткен. Балыкчыларды орусиялык чек арачылар кармап алган. Крымдын орусиячыл бийлигинин омбудсмени Людмила Любина да Кондратюк менен Морозовго айып салынып, алар бошотулганын ырастады. Читать дальше...

Чолпон-Ата шаарында өтүп жаткан республикалык мелдеште эки улакчы аттан түшүп мушташа кеткен.

Босниялык сербдердин мурдагы лидери, Гаагадагы Эл аралык кылмыш сотунун өкүмү менен өмүр бою эркинен ажыратылган Радован Каражичтин Черногорияда өткөн иш-чарага түрмөдөн телефон чалганы териштирилет. 7-майда БУУнун Эл аралык трибуналынын басма сөз катчысы Олуфеми Элиас Радован Каражичтин телефонду колдонуусу мыйзамсыз болгонун билдирди. - Командир соттолгон адамга байланыш каражатын колдонууга уруксат берген эмес. Абактагы адам бул аракети менен мүмкүн мыйзамсыз иш кылган деп божомолдоого негиз бар, - деди ал. Читать дальше...

2010-жылдагы кандуу окуяларга байланыштуу айыпталып, өмүр бою түрмөгө кесилген Азимжан Аскаровдун үйүн сот кайра камакка алды.

Казакстанда 1-майда бийликке каршы митингге катышкандардын арасында жазага тартылгандар көбөйүп жатат.

Сүрөтчү Күлнар Рымбек бир нече айдан бери чыт кездемеден тигилген өзгөчө баштыктарын Бишкектеги ири соода борборлоруна сунуштап жүрөт. Ал чыттан тигилген баштык чыдамдуу келип, экологияга желимдей зыян келтирбейт деген пикирде.

Ушул күндөрү Чолпон-Ата шаарында 9-май - Жеңиш күнүнө карата өтүп жаткан республикалык турнирде жогорку лиганын командаларынын арасында финалисттер аныкталды. Таластын «Ынтымак» командасы жарым финалда Чүйдүн «Сары-Өзөн Рассвет» командасынын улакчыларын 8:0 эсебинде утуп алды. Ал эми экинчи жупта Оштун «Достук» командасы Чүйдүн «Сары-Өзөн» командасынын оюнчуларын 10:4 эсебинде жеңип, финалга жолдомо алды. Буга чейин биринчи лигада Ысык-Көл облусунан «Көл-Төр» менен Талас облусунан «Кара-Буура» командалары финалга жолдомо алышкан. Читать дальше...

7-майда Жогорку Кеңеште уран кенин казууга түбөлүк тыюу салган мыйзам долбоору боюнча коомдук талкуу өттү.

Түркиянын Жогорку шайлоо комиссиясы Стамбулдагы мэр шайлоонун жыйынтыгын жокко чыгарды. Орусиянын Пенза шаарынын жыйырмадан ашуун мектепте хижаб кийүүгө тыюу салынды. Казакстанда 1-майда бийликке каршы митингге катышкандардын арасында айыпка жыгылгандар көбөйүп жатат.

Жаңжалдын чыгышына Манас Ниязов улакты эңип жатканда атаандашынын капталдан келип урдурганы себеп болушу мүмкүн экени айтылды.

АКШнын Финляндияда жүргөн мамлекеттик катчысы Майк Помпео Германиядагы сапарын токтотту. Анын басма сөз катчысы Морган Ортагус немис канцлери Ангела Меркел жана тышкы иштер министри Хайко Маас менен боло турган жолугушуу башка учурга жылдырыла турганын айтты. - Тилекке каршы, биз Берлинде белгиленген жолугушууну өтө зарыл иштерден улам жылдырышыбыз керек, - деди Морган Ортагус. Майк Помпео 5-6-майда Финляндияда Арктикалык кеңештин жыйынына катышты. Ал 9-майга чейин Европаны кыдыра турганы, Германиядан... Читать дальше...

Түркия Жогорку шайлоо комиссиясы Стамбулдун мэрлигине шайлоону жокко чыгарды. Кийинки шайлоо июндун аяк ченине белгиленди. Евробиримдик бул чечимди сынга алды. Байкоочулар шайлоо комиссиясына басым болгонун белгилеп жатышат.

Президент Сооронбай Жээнбеков бүгүн 7-майда  Токтоболот Абдумомунов атындагы Кыргыз улуттук академиялык драма театрына жана Чыңгыз Айтматов атындагы Мамлекеттик улуттук орус драма театрына барды. Кыргыз драма театры акыркы жолу тогуз жыл мурда оңдолгону, азыр оңдоп-түзөөгө жана материалдык-техникалык базаны жаңылоого 76 млн. сомдон ашуун каражат керек экени, жылына театр өзү тапкан каражатка алты спектакль тартуулап жатканы айтылды. Орус драма театрында оңдоп-түзөө 3-4 жыл мурда болгону, азыр жаңылоого 114 млн. Читать дальше...

Түркиянын президенти Режеп Тайып Эрдоган 7-майда Жогорку шайлоо комиссиясынын оппозиция утуп алган Стамбулдагы мэр шайлоонун жыйынтыгын жокко чыгарган чечимин колдоду. «Бул чечимди биз маселелерди демократиянын жана укуктун алкагында чечүү боюнча биздин эркибизди бекемдеген эң мыкты кадам катары карап жатабыз», - деди Эрдоган 7-майда парламентте өз партиялаштары менен жолуккан кезде. 31-марттагы мэр шайлоодо оппозициялык Элдик-республикалык партиянын мүчөсү Экрем Имамоглу жеңип чыккан. Имамоглу бийликтеги АК партиядан талапкер болгон... Читать дальше...

Шри-Ланканын полициясы өлкөнүн борбордук бөлүгүндө террорчулардын машыгуучу базасы табылганын кабарлады.

Кыргызстандын Австриядагы элчилиги Маутхаузен концлагеринин бошотулганына 72 жыл болгонун эскерүү аземине катышты. Аталган концлагерге 1940-1945-жылдары СССРдин жарандары камалган. Айрым маалыматтарда концлагерге түшкөн туткундардын ичинде кыргызстандык аскерлер да болгону айтылып келет. Элчилик өкүлдөрү концлагеринин борбордук монументине жана 1941-жылы курулган «советтик лагерь» деп аталган жерге гүлчамбар коюшту. Эскерүү аземине Австриянын канцлери С.Курц, Австриянын өкмөт мүчөлөрү, тирүү калган күбөлөр жана замандаштар... Читать дальше...

Улуттук онкология жана гематология борборунун балдар бөлүмүндө дарыланып жаткандардын ата-энелери бүгүн 7-майда оорукананын алдында митинг уюштурушту. Бул тууралуу "Азаттыкка" бөлүмдүн башчысы Гүлнара Жунушалиева маалымдады. Митингчилер профессор онколог Эмил Макимбетовдун камактан бошотулушун талап кылышты. Жалпысынан колуна оорулуу баласын көтөрүп, түрдүү плакаттарды кармаган 30-40 адам чогулду. Жунушалиеванын айтымында, Макимбетов камалгандан бери бейтап балдарга операция жасоодо кыйынчылык жаралууда. Читать дальше...

Казакстандын борбордук шайлоо комиссиясы 9-июнга белгиленген президенттик шайлоого талапкерлерди каттоо ишин аяктады. Шайлоого расмий жети талапкер катыша турган болду. Башында саясий партиялардан жана коомдук уюмдардан тогуз адам сунушталган. Алардын ичинен Талгат Ергалиев талапкер болуудан баш тартса, Жуматай Алиев тил сынганынан кулап калган. Эми шайлоого жети талапкер катыша турган болду. Алар: “Улуу талаа кыраандары” биримдиги сунуштаган, 64 жаштагы Сади-Бек-Түгөл; Кесиптик кошуундар федерациясы сунуштаган... Читать дальше...

Башкы прокуратура өлкөнүн Юстиция министрлигине карата экс-президент Алмазбек Атамбаевдин доо арызын канааттандырып, Кылмыштар менен жоруктардын бирдиктүү реестрине каттоого алды. Бул тууралуу «Азаттыкка» Атамбаев жетектеген Кыргызстан социал-демократиялык партиясынын (КСДП) саясий кеңешинин мүчөсү Адил Турдукулов билдирди: - 17 күн өткөндөн кийин реестрге киргизишти. Жаңы кодекс боюнча реестрге кирди деген мурдагыча айтканда кылмыш иши козголду дегенди түшүндүрөт. «Юстиция министрлиги партиябыздын... Читать дальше...

УКМКнын мурдагы жетекчиси Мурат Суталинов абактан бошотулду. Бишкек шаардык соту Улуттук коопсуздук боюнча мамлекеттик комитеттин (УКМК) мурдагы башчысы Мурат Суталиновду ден соолугуна байланыштуу абактан бошотуу чечимин кабыл алды. Сот залынан бошотулган Мурат Суталинов Апрель окуясы үчүн моралдык жоопкерчиликти сезерин, бул үчүн жабыркаган тараптан кечирим сурап келатканын жана бүгүн бошорун күтпөгөнүн айтты.

18 жашында согушка кетип, Днепропетровск аймагындагы согуш талаасында окко учкан кыргызстандык жоокер Мукаш Саалакуновдун дарегин билиш үчүн «Бир тагдырдын изи менен» аттуу экспедициялык топ Украинага барды.

Аргентинада жүздөй аял улуттук баатыр, өлкө тарыхындагы эң атактуу аял Эвита Перондун 100 жылдыгын белгиледи. Алар Эвита Перонго окшош кийинип, жүрүшкө чыгышты. 1952-жылы 33 жашында өсмө илдетинен курман болгон Перон ошол кездеги президент Хуан Перондун жубайы болгон. Ал аргентиналык аялдардын шайлоого катышуусу үчүн күрөшүп, профсоюздарды колдоп, кайрымдуулук иштери менен алектенип элдин жүрөгүнөн түнөк тапканы менен белгилүү. Ошол эле маалда акцияга чыккандар мурдагы президент Кристина Фернандес... Читать дальше...