Новости за 25.03.2019

АКШ президенти Доналд Трамп 25-мартта Израилдин талаштуу Голан дөңсөөлөрүнө ээлигин тааныган документке кол койду. Вашингтондогу расмий иш-чарага Израилдин премьер-министри Бинямин Нетаняху да катышып, Трампка ыраазычылык билдирди. Ал документти Израилдин Голан дөңсөөлөрүндөгү аскердик жеңишин дипломатиялык утушка айландырган "чечкиндүү кадам" деп атады.   Кол койгондон кийин Доналд Трамп АКШ мындай чечимди "ондогон жыл мурда эле кабыл алууга тийиш болчу" деп айтты.  АКШ президенти 21-мартта... Читать дальше...

25-мартта НАТОнун баш катчысы Йенс Столтенберг Грузиянын бийлик өкүлдөрү менен жолугушту. Ал Грузияда өтүп жаткан НАТОнун аскердик машыгууларын көрүү максатында барган. Дүйшөмбүдө Столтенберг грузин премьер-министри менен сүйлөшүүдөн кийинки басма сөз жыйында өлкөнү Түндүк Атлантикалык уюмга кабыл алуу аракеттери улантыларын айтты.  "Грузия - НАТО үчүн өзгөчө макамдагы өнөктөш. Уюмга мүчө бардык өлкөлөрдүн лидерлери былтыр жайында Брюсселде Грузияны НАТОго кабыл алуу үчүн Бухарест саммитинин чечимин дагы бир ирет ырасташты"... Читать дальше...

Өзбекстан менен Бириккен Араб Эмираттары инвестиция жана финансы, энергиянын кайра калыбына келген булактары, өндүрүштү, инфраструктараны өнүктүрүү, айыл чарбасы жана башка тармактарда кызматташуу үчүн 10 миллиард долларлык макулдашууга кол коюшту. Бул тууралуу өзбек президентинин басма сөз кызматы 25-мартта жарыялады. 25-майда өзбек президенти Шавкат Мирзиёев Бириккен Араб Эмираттарынын премьер-министринин орун басары, президенттин иши боюнча министр Абдул бен Зайд ал-Нахайян менен жолукканда келишимдерге кол коюлду. Читать дальше...

Бир жылда 155 милиция кызматкери жумуштан айдалды. Дагы 300гө жакыны кызматынан төмөндөдү. Ички иштер министрлиги муну тазалануу үчүн жасалган аракет катары түшүндүрүүдө.

Бириккен Улуттар Уюмунун (БУУ) маалыматына караганда, Африканын түштүгүндөгү «Идай» куюнунун айынан кеминде 700 киши каза болду. Соңку 10 жылдагы өтө катуу табигый кырсыктан бир жарым миллиондон ашуун киши жабыркады. Гуманитардык уюмдардын өкүлдөрү суу тартылгандан кийин курмандыктардын саны дагы көбөйүшү мүмкүн экенин эскертип жатышат. Мозамбикте табигый кырсыктан 400 кишинин өмүрү кыйылды. Ондогон киши жабыркады. Мозамбиктин бийлиги бир жарым миңдей киши куткаруучуларды күтүп жатышканын кабарлады. Читать дальше...

АКШда атайын прокурор Роберт Мюллер президент Дональд Трамп "мыйзамды бузган эмес" деген тыянакка келди. Орус аба күчтөрүнүн эки учагы Венесуэланын баш калаасына конду. Түркиянын "Галатасарай" клубунда ойногон кыргызстандык жаш футболчу Бекназ Алмазбеков пенальтиден баш тартып, атаандаштарын таң калтырды.

Кыргызстандын футбол боюнча олимпиадалык курама командасы (U-23) Азия чемпионатынын тандоо турунун экинчи беттешинде Иорданиянын курама командасына жеңилди. Бул тууралуу Кыргызстандын Футбол федерациясы кабарлады. 24-мартта Кувейтте «Е» тайпасынын экинчи оюндары өтүп, анда Кыргызстан Иорданияга 0:3 эсебинде утулду. Буга чейин 22-мартта Сириянын командасы Кыргызстандын футболчуларын 2:0 эсебинде жеңип алган. Эки оюндун жыйынтыгы менен Кыргызстандын курама командасы Азия чемпионатынын финалдык баскычына чыгуу мүмкүнчүлүгүнөн ажырады. Читать дальше...

Кыргызстандык жеңил атлет Дарья Маслова «Ташкент эл аралык жарым марафонунда» жеңүүчү болду. Жаштар иштери, дене тарбия жана спорт боюнча мамлекеттик агенттиктин маалыматына караганда, мелдеш 24-мартта Өзбекстандын Ташкент шаарында өтүп, ага 28 мамлекеттен 1658 жөө күлүк катышкан. Алар 21 жана 5 чакырым аралыкка жарышты. Жарышка Кыргызстандын атынан тогуз жеңил атлет катышып, Дарья Маслова алтын, Адилет Кыштакбеков күмүш медал тагынды. Дарья Маслова кыз-келиндер арасында жарышка чыгып, 21 чакырым... Читать дальше...

Түркиянын «Галатасарай» футбол клубунун жаштар командасында ойногон 13 жаштагы кыргызстандык Бекназ Алмазбеков түрк медиасынын мактоосуна арзыды. Жекшемби күнү «Галатасарайдын» 14 жашка чейинки оюнчулары «Стамбулспорт» командасы менен беттешкен. Оюндун 42-мүнөтүндө «галатасарайчылардын» капитаны Бекназ Алмазбеков чабуул коюп баратып, атаандашын алдоо учурунда жыгылып кеткенде калыс пенальти дайындаган. Бекназ эсепти жаңыртуунун ордуна пенальти болбогонун айтып, көрүүчүлөрдү да, атаандаштарын да таң калтырды. Читать дальше...

Экономикалык кылмыштарга каршы күрөш боюнча мамлекеттик кызмат (Финполиция) Мамлекеттик бажы кызматынын жетекчисинин мурдагы орун басары Райымбек Матраимовдун мүлкүн текшерип бүтө элек.

Президент Сооронбай Жээнбеков Орусиянын мамлекет башчысы Владимир Путиндин мамлекеттик сапарына даярдыкты талкуулады.  Орус президенти Владимир Путиндин ушул аптада Кыргызстанда өткөнү жаткан мамлекеттик сапарына көрүлүп жаткан даярдык тууралуу тышкы иштер министри Чыңгыз Айдарбеков маалымат берди. Министр 25-мартта президенттин кабыл алуусунда болуп, Путиндин мамлекеттик сапарынын алкагында өтө турган иш-чаралар тууралуу айтып берди.  Президент Сооронбай Жээнбеков бекитилген планга ылайык, бардык... Читать дальше...

Өткөн дем алыш күндөрү орус аба күчтөрүнүн эки учагы Каракаска конгону тууралуу маалыматты Венесуэланын расмий өкүлү ырастады.

Кошмо Штаттардын президенти Дональд Трамп атайын прокурор Роберт Мюллердин 2016-жылкы президенттик шайлоого Орусиянын болжолдуу кийлигишүүсү тууралуу иликтөөсүнүн жыйынтыгы жарыялангандан кийин бул анын администрациясы үчүн толук реабилитация экенин жарыялады.

Кыргызстандын жаш дзюдочулары Польшада өткөн эл аралык мелдеште төрт алтын, үч күмүш жана бир коло байгеге ээ болушту. Бул тууралуу тиешелүү федерация билдирди. Маалыматка караганда «SameJudo CUP 4 2019» деген аталышта өспүрүмдөр арасындагы мелдеш 23-24-март күндөрү Польшанын Марки шаарында өтүп, ага 26 мамлекеттин жаш спортчулары катышкан. Жеңүүчүлөр жаш курагына жараша алты жаштан 14 жаш куракка чейин аныкталган. Кыргызстанга таандык алтын байгелерди Эмирхан Абдуллаев (18 кг, 6 жаш), Эртай Күмөндөров (20 кг... Читать дальше...

Транспорт министринин пара менен кармалганы кабарланган мурдагы орун басары Азимкан Жусубалиевдин иши боюнча тергөө аяктап, прокуратурага өткөрүлүп берилди. Бул тууралуу «Азаттыкка» Улуттук коопсуздук боюнча мамлекеттик комитеттин (УКМК) басма сөз кызматы кабарлады.  2018-жылдын 5-декабрында министрдин орун басары Азимкан Жусубалиев 50 миң доллар пара менен кармалганы кабарланган. Андан кийин Коопсуздук кеңешинин жыйынында президент Сооронбай Жээнбеков бул окуя үчүн мурдагы министр Жамшитбек Калиловду катуу уяткарган. Читать дальше...

Камактагы мурдагы вице-премьер Дүйшөнбек Зилалиев банк уячасынан табылган акчанын президенттикке талапкерлердин биринин шайлоо штабына тиешеси бар-жок экенин соттук териштүрүү учурунда айтып берет. Бул тууралуу «Азаттыкка» анын адвокаты Таалайгүл Токтакунова маалымдады:  - «Бул кайдан чыккан акча? Штабга тиешеси барбы же жокпу? Акчанын болгон тарыхын айтып берем» деди. Азыр ал акчанын шайлоого тиешеси тууралуу суроого «жок» же «бар» деп айткан жок. «Мен соттон айтып берем» деп жатат.    Жактоочу... Читать дальше...

Ош, 25-март, 2019-жыл. /ca-irnews.com/. 22 жаштагы вандык кыргыз жоокер Өмер Улутүрк 23-мартта Түркиянын Мардин аймагында жол кырсыгында каза тапты.

Ош облусунун Ноокат районунан келген жыйырмадай ата-эне балдары менен Бишкекте парламент имаратынын алдында нааразылык акциясын өткөрүштү. Алар бул илдет менен жабыркаган балдарга мамлекеттен өмүр бою пенсия чегерип берүүнү, жер тилкеси же үй менен камсыздоону жана балдарын армиядан четтеттүүнү талап кылышты. Түштөн кийин алар менен вице-премьер-министр Алтынай Өмүрбекова Саламаттык сактоо министрлигинин имаратында жолукту.

«Якутиядагы кыргыз конгресси» аймактык бирикмесинин төрагасы Жазбек Бекболиевдин айтымында, ушул күндөрү Якутияда мигранттарга карата терс маанай жоюлуп баратат. Укук коргоо органдары мигранттарды куугунтуктагандарга чара көрүп жатат. Бекболиев кыргыз мигранттары жумушка чыга баштаганын белгиледи.   Якутияда мигранттарга каршы маанай 17-мартта кыргызстандык жаран жергиликтүү аялды зордуктаганы тууралуу маалымат чыккандан кийин күчөгөн. 18-мартта Якутск шаарында мыйзамсыз мигранттарга каршы митинг өтүп... Читать дальше...

Кытайдын лидери Си Цзиньпин Францияга келди. Аны жекшембинин кечинде француз президенти Эммануэл Макрон Ницца шаарынын жанындагы Керило вилласында тосуп алды. Дүйшөмбүгө белгиленген сүйлөшүүлөрдөн кийин энергетика сыяктуу бир нече тармактар боюнча эки тараптуу келишимдерге кол коюлушу күтүлүүдө. Си Цзиньпиндин бул сапары Италия Кытайдын «Бир алкак - бир жол» долбооруна кошулганын жарыялаган учурга туш келди. Расмий Римдин бул чечимине Евробиримдиктин негизги өлкөлөрү жана АКШ каршылыгын билдирип чыгышты. Читать дальше...

Сербиянын президенти Александр Вучич 24-мартта Ниш шаарында НАТОнун аба соккуларынын курмандыктарын эскерүү иш-чарасында өз өлкөсү альянска кошулбай турганын билдирди. Ал 2500 жай тургундун, 79 баланын өлүмүн, мамлекеттин талкаланышын, миллиарддаган доллар зыянды Сербия дайыма кылмыш деп эсептей турганын кошумчалады:   - Сербиянын эли өлкөнүн НАТОго киришин каалабайт. Аскердик жактан эркин болуу - биздин тандообуз. Биз НАТОнун бир бөлүгү болгубуз келбейт. Биз эч кимди коркутпайбыз, болгону өзүбүздү өз алдынча коргойбуз. Читать дальше...

Ооганстандын түндүгүндөгү Кундуз шаарына жакын жерде «эл аралык күчтөрдүн» аба соккусунан 13 карапайым тургун каза тапты. Алардын көбү балдар экени кабарланды. Бул тууралуу Бириккен Улуттар Уюмунун (БУУ) Ооганстанга көмөктөшүү миссиясынын билдирүүсүндө айтылат.   25-марттагы билдирүүдө «алгачкы тастыктоо көрсөткөндөй, аба соккусунан өлгөндөрдүн ону аскердик операциялардан улам жер которуп бараткан бир үй-бүлөдөгү балдар» экендиги айтылат. Дагы үч тургун Кундуз шаарына чукул жерде 23-мартка караган... Читать дальше...

Жумгал районундагы Калык Акиев атындагы музыкалык драма театрынын имараты кулайын деп араң турат. Кооптуу жайдан кооптонгон өнөрпоздор учурда бир бөлмөдө тыгылып отурушат.

«Кыргызгидромет» борбору кабарлагандай, өлкө аймагында 28-30-март күндөрү көпчүлүк аймактарда жамгыр жаап, тоолуу райондорго кар түшөт. Тоолуу жерлерде жана тоолордо жолдорго муз тоңот. Шамалдын багыты өзгөрүлүп турат, ылдамдыгы секундасына 15-20 метрге жетет.​ Ал эми 26-мартта Кыргызстан аймагында жамгыр жаабайт. Абанын температурасы: Чүй өрөөнүндө түнкүсүн 3…8, күндүз 19…24, Талас жергесинде түнкүсүн 1…6, күндүз 18…23, Баткен, Жалал-Абад, Ош облустарында түнкүсүн 4…9, күндүз 20…25, Ысык-Көл дубанында түнкүсүн -1…+4... Читать дальше...

Британ премьер-министри Тереза Мэй Брекзиттин жана өз кызматынын тагдырын чече турган өкмөттүн маанилүү жыйынына камынууда. 25-мартта Мэй мурда кабарлангандай, ал аны премьерликтен алып салууга камынып жаткан өкмөт мүчөлөрү менен жолугуп, Британиянын Евробиримдиктен чыгуу планын талкуулайт. Британ маалымат каражаттары жыйында Мэйдин өкмөтүнүн Евробиримдик менен келишими, Брекзиттен макулдашуусуз чыгуу, Брекзитти токтотуу же экинчи референдум өткөрүү жөнүндө маселелер талкууланарын кабарлашты. Читать дальше...