ურზულა ფონ დერ ლაიენი კიევში ჩავიდა
„რუსეთის ომის დაწყებიდან კიევში ეს ჩემი მესამე ვიზიტია. იმდენი რამ შეიცვალა, უკრაინა ახლა ევროკავშირის წევრობის კანდიდატია“, - დაწერა ტვიტერზე ევროკომისიის პრეზიდენტმა.
მისივე განცხადებით, ვიზიტის ფარგლებში შეხვდება უკრაინის პრეზიდენტს, ვოლოდიმირ ზელენსკის და პრემიერ-მინისტრს, დენის შმიგალს და მათთან განიხილავს ეკონომიკური თანამშრომლობის საკითხებს, "სანამ უკრაინა წინ მიიწევს გაწევრიანების გზაზე".
ევროპარლამენტში სიტყვით გამოსვლისას ურზულა ფონ დერ ლაიენმა თქვა, რომ უკრაინა ევროკავშირის როუმინგის თავისუფალ ზონას შეუერთდება.