ჩეხეთში კორონავირუსის პანდემიის გამო 11 აპრილამდე გახანგრძლივდა კარანტინის მოქმედება
ჩეხეთის რესპუბლიკაში 31 მარტისათვის 3237-ს მიაღწია კორონავირუსით დაავადებულთა რაოდენობამ. ქვეყნის ჯანდაცვის სამინისტროს ცნობით 31 პაციენტი გარდაიცვალა. 45 დაავადებული განიკურნა.
30 მარტს კორონავირუსის პანდემიის შესაჩერებლად ჩეხეთის ხელიუსფლებამ 11 აპრილამდე გააგრძელა მკაცრი კარანტინის მოქმედების ვადა. ჩეხეთის რესპუბლიკის პრემიერ-მინისტრის, ანდრეი ბაბიშის, თანახმად, მთავრობა განიხილავს საგანგებო მდგომარეობის კიდევ 30 დღით გახანგრძლივების შესაძლებლობას, რისთვისაც საჭიროა პარლამენტის მხარდაჭერა.
საგანგებო მდგომარეობის კანონით ჩეხეთის ტერიტორიაზე აკრძალულია ყოველგვარი მასობრივი თავყრილობა, ქუჩაში გამოსვლა ნებარდართულია მხოლოდ პირბადეებით, ჩაკეტილია საზღვარი მეზობელ ქვეყნებთან და შეწყვეტილია საჰაერო მიმოსვლა, გარდა ჩარტერული რეისებისა, რომლითაც ქვეყანაში შემოდის სამედიცინო აჭურვილობა და პრეპარატები კორონავირუსის წინააღმდეგ საბრძოლველად.