სერბეთმა საზენიტო კომპლექსი „პანცირ-ს1“ შეიძინა რუსეთისგან
სერბეთმა რუსეთთან სამხედრო თანამშრომლობის ფარგლებში მოსკოვიდან მიიღო თვითმავალი საზენიტო-სარაკეტო კომპლექსი, მიწისზედა ბაზირების "Панцирь-С1, რომელიც ბელგრადმა შეიძინა რუსეთის პრეზიდენტ, ვლადიმირ პუტინის შეთავაზების შემდეგ.
ამის შესახებ ბელგრადში განაცხადა სერბეთის პრეზიდენტმა, ალექსანდარ ვუჩიჩმა, რომელმაც გაიმეორა პუტინის სიტყვები, რომ საბრძოლო იარაღმა საუკეთესო ეფექტი აჩვენა სირიაში.
„ეს საზენიტო სისტემა ძალიან ეფექტიანად იღებს მიზანში უპილოტო თვითმფრინავებს, რომლებსაც მნიშვნელოვანი როლი ენიჭება თანამედროვე ომში“, - აღნიშნა ვუჩიჩმა.
სერბეთი, რომელსაც არ სურს ნატოში გაწევრიანება, არ შეუერთდა დასავლეთის მიერ რუსეთისათვის დაწესებულ სანქციებს.
მიუხედავად იმისა, რომ ესწრაფვის ევროკავშირში გაწევრიანებას, სერბეთმა ვუჩიჩის მმართველობის დრო განამტკიცა სამხედრო და პოლიტიკური კავშირები რუსეთთან.
ვაშინგტონი სანქციებით დაემუქრა სერბეთს მოსკოვიდან ისეთი შეიარაღების შეძენის შემთხვევაში, რასაც შეუძლია საფრთხე შეუქმნას მეზობელ ნატოს წევრ ქვეყნებს.
ვუჩიჩმა იმედი გამოთქვა, რომ ამ ნაბიჯს არ მოჰყვება სანქციები, რადგან იგი ღიად საუბრობდა საზენიტო ქვემეხების შეძენის თაობაზე, რაც თავდაცვით შეიარაღებას განეკუთვნება და არა შეტევითს, როგორიც არის საზენიტო კომპლექსი ს-400