ირანი იუწყება კორონავირუსით მეხუთე ადამიანის გარდაცვალებას
ირანში ხუთს მიაღწია კორონავირუსით გარდაცვლილთა რიცხვმა, მთლიანად კი ქვეყანაში სახიფათო ვირუსით დაავადების 10 ახალი შემთხვევა გამოვლინდა.
კორონოვირუსის შედეგების თაობაზე ბოლო მონაცემები მოსახელობას 22 თებერვალს გააცნო ქვეყნის ჯანმრთელობის დაცვის სამინისტროს წარმომადგენელმა, ქიანუშ ჯაჰანფურმა, რომელსაც დეტალებზე არ უსაუბრია.
წინა დღით ცნობილი გახდა, რომ ირანში კიდევ ორი პირი იმსხვერპლა კორონავირუსმა.
ახალი COVID-19 ტიპის ვირუსი ირანში, პირველად გამოჩნდა 19 თებერვალს. ქვეყნის ჯანმრთელობის დაცვის სამინისტროს ცნობით, ვირუსი სავარაუდოდ ჩინელმა მუშებმა გაავრცელეს, რომლებიც ყუმში მუშაობენ და ჩინეთში დადიოდნენ.
ირანში კორონავირუსით გარდაცვალება პირველი შემთხვევაა ახლო აღმოსავლეთში.