ილო ბეროშვილი: ქიბარ ხალვაშს მხოლოდ „რუსთავი 2“-ის ლოგო დარჩება
ტელეკომპანია „რუსთავი 2“-ის მუსიკალური პროექტების გუნდი სტრასბურგის სასმართლოს გადაწყვეტილებას და მის თანმდევ მოვლენებს ეხმაურება და აცხადებს, რომ მიუხედავად იმისა, რომ არხის მუსიკალურ მეგაპროექტებს, შინაარსობრივად ყველაზე ნაკლები შეხება აქვს ქვეყანაში მიმდინარე პოლიტიკურ პროცესებთან, გუნდი იმავე სულისკვეთებით მუშაობს და იმავე ფასეულებებს იზიარებს, რომელსაც ემსახურება „რუსთავი 2“-ის საინფორმაციო სამსახური, პოლიტიკური თოქშოუები და მთლიანად „რუსთავი 2“:
„ჩვენი ტელევიზიის ფასეულობების და დამოუკიდებლობის გარანტი იყო და არის არხის გენერალური დირექტორი. თუ აქამდე ჩვენ გვიცავდა სტრასბურგის დროებითი ღონისძიება, რომელიც თავად სტრასბურგმა გააუქმა, ამიტომა ახლა მთავარი დარტყმა მოდის ნიკა გვარამიაზე. ქიბარ ხალვაშის განცხადებიდნ გამომდინარე, მისი პირველი ნაბიჯი გენერალური დირექტორის მოხსნა იქნება, რომელიც მთლიანად შეცვლის არხის სარედაქციო პოლიტიკას. რაც ჩვენთვის მიუღებელია, რადგან ეს გამოიწვევს ამ სახით არსებული რუსთვი 2 ის გაქრობას“, - აცხადებს „გვიანი შოუს“ წამყვანი ილო ბეროშვილი.
მისი განცხადებით, თუ ეს მოხდება, რუსთავი 2-დან დარჩება მხოლოდ ლოგო, რომელიც, მისივე სიტყვებით, თუ სასამართლოს დავუჯერებთ, ქიბარ ხალვაშის შექმნილია.