Новости за 03.05.2022

რუსული პროპაგანდის მთავარ სახეებს - ვლადიმირ სოლოვიოვსა და მარგარიტა სიმონიანს მრავალ ფრონტზე უწევთ ბრძოლა. რამდენიმე დღის წინ თვით ვლადიმირ პუტინმა განაცხადა, რომ რუსეთის უსაფრთხოების ფედერალურმა სამსახურმა აღკვეთა ჟურნალისტ სოლოვიოვის მკვლელობის მცდელობა, რომლის უკან თითქოსდა უკრაინის სპეცსამსახური იდგა, თუმცა ამჯერად სოლოვიოვსა და სიმონიანს არა „ბანდერელი უკრაინელები“, „ამერიკელი იმპერიალისტები“ ან „რუსი მოღალატეები“ დაუპირისპირდნენ, არამედ თავისიანები, უფრო ზუსტად, ვლადიმირ პუტინისა და რუსეთის ხელისუფლებას მხურვალე მხარდამჭერები. Читать дальше...

დიდი ბრიტანეთის პრემიერ-მინისტრმა ბორის ჯონსონმა გამოაცხადა უკრაინისთვის დამატებით 300 მილიონი გირვანქა სტერლინგის (376 მლნ აშშ დოლარი) ღირებულების სამხედრო დახმარების შესახებ. ამის შეახებ მან უკრაინის პარლამენტისადმი ვიდეომიმართვაში თქვა. ეს უცხო ქვეყნის ლიდერის პირველი მიმართვაა მას შემდეგ, რაც რუსეთის ჯარები უკრაინაში შეიჭრნენ. დიდმა ბრიტანეთმა უკრაინას უკვე მიაწოდა სამხედრო ტექნიკა, მათ შორის რაკეტები და სარაკეტო დანადგარები. ახალი სამხედრო დახმარება გულისხმობს ელექტრონული ბრძოლისთვის განკუთვნილ ტექნიკას... Читать дальше...

უხვი ნალექის შედეგად, წარმოქმნილი წყალდიდობის და ღვარცოფების შედეგად, ოკუპირებულ ახალგორის რაიონში 15-ზე მეტი სოფელი გარესამყაროსაა მოწყვეტილი. - ამის შესახებ სააგენტო „რესს“ დე ფაქტო ადმინისტრაციის წარმომადგენლებმა განუცხადეს. „ძლიერი წვიმების შედეგად მდინარე ქსანი ადიდდა, რამაც ერთდროულად რამდენიმე დასახლებული პუნქტი დატბორა“, - აცხადებენ ადმინისტრაციის პრესსამსახურში. რაიონის მცხოვრებლების თქმით, მდინარეში წყლის დონემ კრიტიკულ ზღვარს გადააჭარბა. სოფელ ლარგვისსა და მიმდებარე დასახლებებში გზები და ხიდები დაანგრია. Читать дальше...

შეკითხვა "აბა, ომი გინდათ?" უთქმელ ქვეშეკითხვას გულისხმობს: რუსეთი ისევე რომ დაგვესხას თავს, როგორც უკრაინას, სად გადის ჩვენი კომპრომისის ქვედა ზღვარი - უდრტვინველად ვნებდებით თუ რაიმე ფორმით მაინც ვუწევთ წინააღმდეგობას? პროპაგანდისტული შეკითხვა თავის თავში უკვე შეიცავს მზამზარეულ პასუხს: თუ რუსეთი გვიპყრობს, შეწინააღმდეგება აბსურდია - უნდა დაგვიპყროს. ამ შეკითხვის უკან საბჭოთა ისტორიით, მენტალიტეტით, იდეოლოგიით და ბიოგრაფიებით ნასაზრდოები რწმენა დგას - უფრო სწორად, რწმენით განპირობებული კიდევ ერთი და ალბათ უმთავრესი დილემა... Читать дальше...

მხოლოდ ორი წელი, პლუს ერთ წელი სამედიცინო შესვენებისა და ბიენალე ისევ გაიხსნა. ომის გამო რუსეთი გამოფენებში მონაწილეობას აღარ იღებს, უკრაინა კი უფრო ფართოდ არის წარმოდგენილი. ვენეციაში ტურისტები ჩამოვიდნენ, პავილიონები გაავსეს. თითქოსდა არაფერი მომხდარა, გარდა იმისა, რომ რუსულს ახლა ნაკლებად გაიგონებთ. თან რუსული კონსერვატიული მსოფლმხედველობა აქ უცხოპლანეტელების შემოჭრას უფრო ჰგავს. ბიენალეს სიმბოლოდ შეიძლება ნაჯახი მივიჩნიოთ, რომლის ტარიც ცისარტყელას ფერებშია შეღებილი. ის შემოსასვლელში, მთავარი... Читать дальше...

უკრაინული მედიის ცნობით, 3 მაისს, საღამოს ლვოვში, დნეპრში, კიევისა და კიროვოგრადის ოლქებში აფეთქებების ხმა ისმოდა. „ლვოვში ისმოდა აფეთქების ხმა. ყველანი დარჩით სახლებში", - დაწერა „ტელეგრამის" არხზე ლვოვის მერმა ანდრი სადოვოიმ. გამოცემა UNIAN-ის ცნობით, უკრაინის შინაგან საქმეთა მინისტრის მრჩეველმა ანტონ გერაშჩენკომ განაცხადა, რომ ქალაქ ვინიცის თავზე რუსეთის ორი რაკეტა ჩამოაგდეს. რუსეთის პრეზიდენტ პუტინს უკრაინის წინააღმდეგ 24 თებერვალს დაწყებული "სპეციალური სამხედრო ოპერაციის" მიზნად გამოცხადებული... Читать дальше...

უკრაინის ვერხოვნა რადამ სამშაბათს მოიწონა კანონპროექტი პრორუსულად აღიარებული პარტიების აკრძალვის შესახებ. კანონპროექტს მხარი დაუჭირა პარლამენტის 330-მა დეპუტატმა. მათ შორის არის ზოგიერთი წევრი ყოფილი ფრაქციისა „ოპოზიციური პლატფორმა - სიცოცხლისთვის“, რომელიც პრორუსულად ითვლებოდა. ამის შესახებ იტყობინება სახალხო დეპუტატი იაროსლავ ჟელეზნიაკი. მმართველი პარტია „ხალხის მსახურის“ ხელმძღვანელმა ოლენა შულიაკმა ახსნა, რომ კანონი ითვალისწინებს პარტიების აკრძალვას იმ შემთხვევაში, თუკი მათი საპროგრამო მიზნები... Читать дальше...

სრულიად საქართველოს კათოლიკოს-პატრიარქ ილია მეორესთან გამართული შეხვედრის შესახებ წერს „ფეიბუკის" ოფიციალურ გვერდზე საქართველოს პრემიერ-მინისტრი ირაკლი ღარიბაშვილი.  „დღეს საპატრიარქოში ვესტუმრე სრულიად საქართველოს კათოლიკოს-პატრიარქს, უწმინდესსა და უნეტარეს ილია მეორეს. ვისაუბრეთ ქვეყნისთვის მნიშვნელოვან საკითხებზე, ასევე მსოფლიოში მიმდინარე მოვლენებზე. ჩემთვის ყოველთვის დიდი პატივია მის უწმინდესობასთან შეხვედრა. უაღრესად საინტერესო და გასათვალისწინებელია მისი ბრძნული მოსაზრებები და რჩევები. ... Читать дальше...

ოქსანა ზაბუჟკოს, ცნობილ უკრაინელ რომანისტს, პოეტსა და ესეისტს, პირველად 2018 წელს, მიუნხენში, ფემინისტურ ფესტივალზე შევხვდი. პოეზიის გარდა ბევრ რამეზე ვილაპარაკეთ, მათ შორის, ომზეც. მაშინ უკეთესი მომავლის სურვილით დავშორდით. ორი თვის წინ კი, უკრაინაში ომის დაწყების პირველივე დღეს, ოქსანამ ფეისბუკზე დაწერა, რომ ის თავის ცხოვრებაში „ყველაზე გრძელ იძულებით მივლინებაში“ აღმოჩნდა, რადგან თავის ქვეყანაში დაბრუნება ვეღარ შეძლო. ოქსანა, რომელსაც იცნობენ არა მხოლოდ უკრაინაში, არამედ ბევრ სხვა ქვეყანაშიც... Читать дальше...

3 მაისს ბრიტანეთის პრემიერ-მინისტრმა, ბორის ჯონსონმა, უკრაინისთვის 300 მილიონი გირვანქა სტერლინგის მოცულობის დახმარების ახალი პაკეტის მიღების შესახებ განაცხადა საკანონმდებლო ორგანოს ვერხოვნა რადისადმი თავისი ემოციური მიმართვის დროს.

უნგრეთის პრემიერ-მინისტრის პრესმდივანმა, ზოლტან კოვაჩმა "ფეიკი" უწოდა უკრაინის უშიშროების საბჭოს მდივნის განცხადებას, რომ რუსეთმა უნგრეთი წინასწარ გააფრთხილა უკრაინაზე თავდასხმის შესახებ. კოვაჩმა ტვიტერზე დაწერა, რომ 3 აპრილს, უნგრელებმა გადაწყვიტეს, რომ უნგრეთი უკრაინას იარაღს არ მიაწვდის და მიუხედავად იმისა, რომ ესმით, რომ უკრაინა ამ გადაწყვეტილებას არ მიესალმება, "ფეიკების" გავრცელება და ტყუილის შეთხზვა, ამ პოზიციას არ შეცვლის. უკრაინის უშიშროების საბჭოს მდივანმა, ოლეკსი დანილოვმა 2 მაისს განაცხადა... Читать дальше...

რუსეთის ჯარებმა დაიწყეს იერიში მარიუპოლში მდებარე მეტალურგიულ ქარხანა „აზოვსტალის“ წინააღმდეგ, მიუხედავად იმისა, რომ ქარხანას უკრაინის ჯარისკაცებთან ერთად სამოქალაქო პირებიც აფარებენ თავს. უკრაინის ეროვნული უსაფრთხოებისა და თავდაცვის საბჭოსთან არსებული სტრატეგიული კომუნიკაციის ცენტრმა 3 მაისს განაცხადა, რომ „რუსეთის ჯარები ‘აზოვსტალის’ ტერიტორიაზე შეჭრას ცდილობენ.“ Associated Press-ი ქარხნის დამცველ უკრაინელ სამხედროებზე დაყრდნობით იტყობინება, რომ მიმდინარეობს რუსეთის ჯარების ოპერაცია ქალაქში წინააღმდეგობის უკანასკნელი კერის ასაღებად. Читать дальше...

მარტში, უკრაინელი ჟურნალისტი, ოლეჰ ბატურინი, რუსეთის მიერ ოკუპირებულ ხერსონის ოლქში გაიტაცეს და რვა დღის განმავლობაში დატყვევებული ჰყავდათ. მან რადიო თავისუფლებას უამბო ცემის, დაკითხვებისა და სასტიკი მოპყრობის შესახებ, რაც გადაიტანა და როგორ იყარეს მასზე ჯავრი სტატიების გამო.

რუსეთისა და საფრანგეთის პრეზიდენტებმა 3 მაისს სატელეფონო საუბარი გამართეს. ეს ვლადიმირ პუტინისა და ემანუელ მაკრონის პირველი სატელეფონო საუბარი იყო მარტის ბოლოდან მოკიდებული. ელისეს სასახლის ცნობით, საუბარი ორ საათზე მეტ ხანს გაგრძელდა. ჯერჯერობით საუბრის შესახებ ანგარიში მხოლოდ კრემლმა გამოაქვეყნა. როგორც კრემლის ვებსაიტზეა ნახსენები, პუტინმა მაკრონს მიულოცა ხელახლა არჩევა საფრანგეთის პრეზიდენტის პოსტზე (მაკრონმა 24 აპრილს არჩევნების მეორე ტურში გაიმარჯვა). საუბარი ეძღვნებოდა ომს უკრაინაში. როგორც კრემლის ცნობაშია ნათქვამი... Читать дальше...

"თუ ხმა მაინც არის გავარდნილი ამის [სანქციების გვერდის ავლის] შესახებ, შენი - პატარა ქვეყნის ხელმძღვანელობის პირველი მოვალეობა ის უნდა იყოს, ამტკიცო - არა ჩვენ ღია ვართ, გამჭვირვალე და აქ არაფერი იმალება" - ამბობს გია ჯანდიერი, "ახალი ეკონომიკური სკოლა - საქართველოს" ვიცეპრეზიდენტი.

აფხაზეთში ეთნიკური ქართველების ბევრი საფლავი მიტოვებულია. ოჯახების ნაწილი ოკუპირებულ ტერიტორიაზე ჩასვლას ვერ ახერხებს, ისინიც კი, ვისაც აფხაზი ნათესავები ჰყავთ, მათ საფლავებზე გასვლას ვერ სთხოვენ. აღდგომაზე რადიო თავისუფლებამ აფხაზეთის ორ რაიონში, ოჩამჩირესა და გალში დარჩენილი ქართველების საფლავები მოინახულა. "ჩემი 4 წლის შვილი მეკითხება: დედა, რომ თქვი, ყველა ნათესავის საფლავზე უნდა გავიდეთ, ბაბუას საფლავზე რატომ არ მივდივართო? დედა, აფხაზეთშია-მეთქი ბაბუას საფლავი… ვერ წარმოიდგენთ, როგორ მტკივა"... Читать дальше...

ევროპარლამენტარი ანდრიუს კუბილიუსი აცხადებს, რომ გამორიცხული არ არის, დადგეს ბიძინა ივანიშვილისათვის საერთაშორისო სანქციების დაწესების საკითხი, თუმც კი, ამაზე კონკრეტული მსჯელობა ჯერ არ დაწყებულა. მისი შეფასებით, მომავალ დებატებზე, სადაც უკრაინის, მოლდოვისა და საქართველოს ევროკავშირის წევრობის კანდიდატობის სტატუსი უნდა განიხილონ, გადამწყვეტი მნიშვნელობა ექნება არა მხოლოდ იმას, თუ როგორ დაარწმუნებს საქართველო ევროკავშირის ქვეყნებს, რომ მან ეს სტატუსი დაიმსახურა, არამედ უკრაინის პოზიციას საქართველოს მიმართ. Читать дальше...

კიევის შევჩენკოს რაიონის სასამართლომ ვერხოვნა რადის სამი მოწვევის დეპუტატს, ოლეჰ ცარიოვს დაუსწრებლად მიუსაჯა 12 წლით პატიმრობა. ის დამნაშავედ ცნეს უკრაინის ტერიტორიისა და სახელმწიფო საზღვრების შეცვლისა და კონსტიტუციური წესრიგის ძალადობრივი შეცვლის მოწოდებებისთვის. ამის შესახებ გამოცემა „სუდებნი რეპორტიორი“ იტყობინება. საქმე ეხება ყოფილი დეპუტატის 2014 წლის გამონათქვამებს რუსეთის ტელეარხებში. ცარიოვი აკრიტიკებდა მაიდნის მოვლენებს და ახალ ხელისუფლებას არალეგიტიმურს უწოდებდა, ითხოვდა, რომ რუსულ ენას სახელმწიფო ენის სტატუსი მინიჭებოდა... Читать дальше...

თელავის მუნიციპალიტეტის სოფელ შალაურში, ერთ-ერთი ადგილობრივის საცხოვრებელი სახლის ეზოში მეორე დღეა საგამოძიებო სამუშაოები მიმდინარეობს. სპეციალისტები 2 წლის წინ ამავე სოფლიდან გაუჩინარებული მზია ბედმანიკაშვილის ცხედარს ეძებენ. პოლიციას ქალის გვამის სავარაუდო ადგილსამყოფლის შესახებ ინფორმაცია დაკარგულის ოჯახმა მიაწოდა. 68 წლის ქალის ცხედრის სამძებრო სამუშაოებში ჩაერთო სამხარაულის სასამართლო ექსპერტიზის ეროვნული ბიუროს ექსპერტი შალვა მაისურაძე. მან სპეციალური მოწყობილობის (სკანერი) მეშვეობით შეისწავლა საეჭვო ტერიტორია. Читать дальше...

სომხეთის ოპოზიციამ განაახლა საპროტესტო აქციები ერევანში. მისი მონაწილეები პრემიერ-მინისტრ ნიკოლ ფაშინიანის გადადგომას მოითხოვენ, მათი თქმით, მთიან ყარაბაღში აზერბაიჯანისთვის გაკეთებული დათმობების გამო. სომხეთის პოლიციის ცნობით, დაკავებულია საპროტესტო აქციის 70-მდე მონაწილე, რომელმაც 3 მაისს დროებით გადაკეტა ერევნის რამდენიმე ქუჩა. გუშინ 200-ზე მეტი დემონსტრანტი დააპატიმრეს ანალოგიური საპროტესტო აქციის დროს. რამდენიმე საათის შემდეგ ისინი გაათავისუფლეს. პოლიციამ დაიწყო მინიმუმ ერთი გამოძიება ოპოზიციის ბრალდების გამო... Читать дальше...

მომღერალ აჩიკო მეფარიძეს სისხლის სამართლის კოდექსით ბრალი წაუყენეს. რადიო თავისუფლებისთვის ინფორმაციით, შემთხვევა დაახლოებით ერთი თვის წინ მოხდა, თუმცა მედიისთვის ამ დრომდე არ იყო ცნობილი. "რაღაცა არანორმალური სიტყვებით მლანძღა... არ მომცა [საშუალება], რომ კარები გამეღო, ჯერ წიხლი დაარტყა მანქანას, შემდეგ გამოაღო კარი, ჯერ ხელი დამარტყა, ნაოპერაციები ვარ, შემდეგ იგივე ყურზე მუშტი დამარტყა... იმ წუთშივე გამოვიძახე პოლიცია, იქვე მოხდა ფოტოების გადაღება და ჩვენების მიცემა", - ამბობს ლელა ჯუღელი, ქალი... Читать дальше...

რა გვაახლოებს გარე სამყაროსთან, რომელიც ერთდროულად ახლობელი და თან მიუწვდომელი გვეჩვენება?! – სოფელ ჭვანაში მცხოვრებ მოზარდებს ამ კითხვაზე ერთი პასუხი აქვთ: ლიტერატურა, რომელიც, მანძილთან ერთად, ოცნებებისა და მიზნების ასრულების დროსაც ამცირებს. სწორედ იქ, ხმაურიანი ქალაქიდან მოშორებით, აჭარის მაღალმთიანეთში წიგნებით დატვირთული „მოგზაური ბიბლიოთეკა“ ბათუმიდან დაიძრა და თან სტუმრებიც გაიყოლა. მოზარდებთან შესახვედრად მრავალფეროვანი ლიტერატურით სავსე მანქანას მწერალი ...

უკრაინაში ომის დაწყების შემდეგ რუსეთმა ფაქტობრივად გააუქმა უფლება პრესის თავისუფლებაზე. ვითარების მნიშვნელოვანი გაუარესება აღინიშნება უკრაინაშიც. ამის შესახებ აცხადებს საერთაშორისო არასამთავრობო ორგანიზაცია „რეპორტიორები უსაზღვრებოდ“ (RSF), რომელმაც 3 მაისს წარმოადგინა თავისი ანგარიში პრესის თავისუფლების შესახებ. ყოველწლიურ რეიტინგში რუსეთმა 180 ქვეყანას შორის 155-ე ადგილი დაიკავა, რაც ყველაზე უარესი მაჩვენებელია ქვეყნის ისტორიაში. RSF-ის ანგარიშში ლაპარაკია რუსეთის მიერ ფაქტობრივი სამხედრო ცენზურის შემოღებაზე... Читать дальше...

ეკონომიკის სამინისტროს საზღვაო ტრანსპორტის სააგენტო ბათუმის პორტში "რუსული სანქცირებული გემების" მომსახურებაზე განმარტებას ავრცელებს და აცხადებს, რომ პორტი არ არის ჩართული სანქციების გვერდის ავლის პროცესში. სააგენტომ განმარტება "TV პირველის" ეთერში 3 მაისს, დილის საინფორმაციო გამოშვებაში გასულ მასალასთან დაკავშირებით გაავრცელა. "ევროკავშირის სანქციების მე-5 პაკეტი, რომელიც მოიცავს რუსეთის დროშის ქვეშ მცურავი გემებისთვის ევროკავშირის პორტებში შესვლის აკრძალვას, ითვალისწინებს გამონაკლისებს ენერგეტიკის (ნავთობი... Читать дальше...

საქართველოს პარლამენტის თავმჯდომარე შალვა პაპუაშვილი "სამწუხაროს" უწოდებს უკრაინის დაზვერვის სამსახურის მიერ გაკეთებულ განცხადებას და მიიჩნევს, რომ ომის დროს მნიშვნელოვანია ინსტიტუტებმა სერიოზულობა არ დაკარგონ. ასე გამოეხმაურა საქართველოს პარლამენტის თავმჯდომარე შალვა პაპუაშვილი მედიის მიერ დასმულ შეკითხვას, რომელიც უკრაინის დაზვერვის სამსახურმა 30 აპრილს გაავრცელა და რომელიც შეეხებოდა იმას, რომ მოსკოვი ცდილობს სხვა ქვეყნების საშუალებით შეამციროს სანქციების გავლენა და მოლაპარაკებებს აწარმოებს საქართველოსთან... Читать дальше...