სუსი და შსს უარყოფენ თბილისში, მოსკოვის გამზირზე სპეცოპერაციის ჩატარებას
სახელმწიფო უსაფრთხოების სამსახურში რადიო თავისუფლებას უთხრეს, რომ თბილისში მოსკოვის გამზირზე სპეცოპერაციას სუსი არ ატარებს. როგორც პრესსამსახურში ამბობენ, სპეცოპერაცია, მით უმეტეს, არ უკავშირდება ვასამბეკ ბოკოვის საქმეს. სპეცოპერაციის ჩატარებას რადიო თავისუფლებასთან საუბარში, ასევე უარყოფს შინაგან საქმეთა სამინისტროს პრესსამსახური. მოსკოვის გამზირზე მიმდინარე სპეცოპერაციის შესახებ ინფორმაცია „პირველმა არხმა" გაავრცელა.