Новости за 08.06.2019

თბილისში, სამ მისამართზე უამინდობის გამო ხეები წაიქცა. ადგილებზე საგანგებო სიტუაციების მართვის სამსახურის თანამშრომლები არიან გასული. ამის შესახებ საქართველოს პირველ არხს უწყებაში განუცხადეს. ამასთან, ცოტა ხნის წინ ხე წაიქცა თბილისში, სანქტ-პეტერბურგის ქუჩაზეც. შსს-ს ცნობით, თბილისის მასშტაბით, საგანგებო სამსახურში 25 შეტყობინებაა შემოსული. შეტყობინებების უმრავლესობა დიდუბე-ჩუღურეთისა და ვაკე-საბურთალოს უბნებს უკავშირდება. ყველა გამოძახების ადგილზე გასულია სამაშველო ჯგუფები და მიმდინარეობს სამუშაოები. Читать дальше...

გაზგამანაწილებელმა კომპანიამ იმ მომხმარებლების გადამოწმება დაიწყო, რომლებსაც ბოლო სამ თვეში დარღვევით დამონტაჟებული დანადგარების გამო გაზის მიწოდება განმეორებით შეუწყდათ. 3 545 აბონენტიდან 2 256 აბონენტმა მესამედ, თვითნებურად, კუსტარულად ჩართო საშიში და აკრძალული გაზის დანადგარები ღია კამერიანი წყალგანაცხელებლები, ე.წ. კალონკები და გაზის გამათბობლები, რითაც საფრთხე შეუქმნეს, როგორც საკუთარი ოჯახის წევრებს ისე კორპუსში მცხოვრებ სხვა ადამიანებს. გაზგამანაწილებელი კომპანიის ...

ქ. ბათუმში, ხახულისა და გაგარინის ქუჩების კვეთაზე, „თეგეტა მოტორსის“ ახალი, რეგიონალური ავტოსერვისის ცენტრი გაიხსნა. ფილიალის სრული ფართობი 10 641 კვ.მ.-სმოიცავს, ცენტრი აღჭურვილია უახლესი ავტოსერვისის მანქანა-დანადგარებით და მოემსახურება როგორც მსუბუქ და სატვირთოს ავტომობილებს, ისე სპეცტექნიკას. სერვისცენტრში განთავსებულია მომსახურების 45ადგილი, რაც საშუალებას იძლევა, ერთდროულად მოემსახუროს 36 მსუბუქ და 9 სატვირთო ავტომობილს. აღნიშნულ სერვისცენტრში 100 ადგილობრივი დასაქმდა. ახალი ...

მოსკოვის ნიკულინოს სასამართლომ თათბირის შემდეგ უარი თქვა დაკავებული ჟურნალისტის, ივან გოლუნოვის მიმართ პატიმრობა გამოეყენებინა აღმკვეთ ღონისძიებად და დაადგინა, რომ იგი 7 აგვისტომდე შინაპატიმრობაში უნდა იყოს. პროკურორი ორი თვით მის დაკავებას ითხოვდა. ამგვარად, სასამართლომ დააკმაყოფილა დაცვის მხარის თხოვნა. ვებსაიტ „მედუზის“ ჟურნალისტ ივან გოლუნოვს წაუყენეს დიდი რაოდენობით ნარკოტიკების გასაღების მცდელობის ბრალდება. რუსეთის სისხლის სამართლის კოდექსის შესაბამისი მუხლი ითვალისწინებს თავისუფლების აღკვეთას 10-დან 20 წლამდე. Читать дальше...

გორის მუნიციპალიტეტში კიდევ ხუთი სოფელი დაისეტყვა. სტიქია დაახლოებით ათ წუთს გაგრძელდა და სოფლები - ტინისხიდი, ფლავი, ფლავისმანი, კოშკები და ქერე დასეტყვა. გორის მერიის საზოგადოებასთან ურთიერთობის სამსახურის ცნობით, კიდევ ზუსტდება იმ სოფლების რაოდენობა, სადაც სტიქია დაფიქსირდა. ჯერჯერობით შედეგებზე ლაპარაკი ნაადრევია და ხვალ გათენებისას გამოჩნდება სოფლის მეურნეობისთვის და ინფრასტრუქტურისთვის მიყენებული ზარალი. ძლიერ სეტყვას ქარი და წვიმაც ახლდა, რამაც ქალაქ გორში პრობლემები შექმნა. სანიაღვრე... Читать дальше...

ქართველმა მოჭადრაკეებმა დავით თათვიძემ და კესარია მგელაძემ ევროპის სასკოლო ჩემპიონატზე უმაღლესი ტიტული მოიპოვეს. საქართველოს ჭადრაკის ფედერაციის ფეისბუქზე გავრცელებული ინფორმაციის თანახმად, რუმინეთის ქალაქ მამაიაში, თათვიძემ 7-წლამდელ ვაჟთა შორის აჯობა ყველას. 6 წლის სპორტსმენმა პირველ რვა ტურში რვა ქულა აიღო და შეჯიბრების დასრულებამდე ერთი ტურით ადრე გაინაღდა ოქროს მედალი. კესარია მგელაძე 9 წლამდე გოგონებს შორის გახდა ევროპის ჩემპიონი.

მოლდოვის პარლამენტის ლიდერებმა საგანგებო სხდომა გამართეს, რათა კიდევ ერთხელ ეცადათ მთავრობის ჩამოყალიბება. მოლდოვაში გაურკვეველი ვითარებაა თებერვალში გამართული საპარლამენტო არჩევნების შემდეგ. სოციალისტურმა პარტიამ და მემარჯვენე-ცენტრისტულმა ბლოკმა, რომელიც101-ადგილიან პარლამენტში 61 ადგილს აკონტროლებს, 8 ივნისს მოიწვია სხდომა, რომელზეც ხელი მოაწერეს პოლიტიკურ თანამშრომლობაზე შეთანხმებას და დაამტკიცეს ახალი მთავრობა. მაგრამ საკონსტიტუციო სასამართლომ იმავე დღეს დააკმაყოფილა დემოკრატიული პარტიის მოთხოვნა, გაეუქმებინა მიღებული გადაწყვეტილებები. Читать дальше...

საქართველოს 20-წლამდელთა სარაგბო ნაკრებმა მსოფლიოს ჩემპიონატზე მეორე თამაში ჩაატარა. უმცროსი ბორჯღალოსნები ახალ ზელანდიასთან განცდილი სასტარტო მარცხის (13:45) შემდეგ სამხრეთ აფრიკას დაუპირისპირდნენ და ანგარიშით 20:48 წააგეს. 12 ივნისს საქართველოს ნაკრები შოტლანდიას შეხვდება ჯგუფური ეტაპის ბოლო, მესამე, ტურში და სწორედ ის თამაში გადაწყვეტს, რომელ ადგილს დაიკავებს ილია მაისურაძის გაწვრთნილი გუნდი ჯგუფში - მესამეს თუ მეოთხეს.

საქართველოს პრემიერ-მინისტრი მამუკა ბახტაძე ამერიკის საერთაშორისო ეკონომიკურ ფორუმში მიიღებს მონაწილეობას, რომელსაც ქალაქი მონრეალი მასპინძლობს. მთავრობის მეთაური კანადას 9-10 ივნისს ეწვევა. პრემიერ-მინისტრის პრესსამსახურის ინფორმაციით, 9 ივნისს პრემიერი სიტყვით გამოვა ამერიკის საერთაშორისო ეკონომიკური ფორუმის გახსნით სესიაზე, რომელზეც საქართველოს საინვესტიციო შესაძლებლობებზე, ინოვაციებისა და ტექნოლოგიების მიმართულებით არსებულ პოტენციალსა და განხორციელებულ რეფორმებზე ისაუბრებს. მონრეალში სამუშაო... Читать дальше...

მიხეილ სააკაშვილის პარტია „ახალი ძალების მოძრაობა“ დამოუკიდებლად მიიღებს მონაწილეობას უკრაინის საპარლამენტო არჩევნებში. ამის შესახებ საქართველოს ყოფილმა პრეზიდენტმა და ოდესის ოლქის ყოფილმა გუბერნატორმა ილაპარაკა ვიდეომიმართვაში ფეისბუკზე. მანამდე სააკაშვილი თავის მომხრეებს მოუწოდებდა, არჩევნებში ქვეყნის პრეზიდენტ ვოლოდიმირ ზელენსკისთვის დაეჭირათ მხარი. სააკაშვილს კიევის მერი ვიტალი კლიჩკოც სთავაზობდა, სათავეში ჩასდგომოდა მისი მოძრაობის პარტიულ სიას. მიხეილ სააკაშვილმა განაცხადა, რომ მის პარტიას... Читать дальше...

უკრაინის პრეზიდენტმა ვოლოდიმირ ზელენსკიმ შეიწყალა 72 წლის ვიაჩესლავ ვისოცკი, რომელიც დაუსახელებელი ქვეყნის სასარგებლოდ ჯაშუშობისთვისაა გასამართლებული. მანამდე ვისოცკი შედიოდა იმ ადამიანების სიაში, რომელთაც კიევი მოსკოვს სთავაზობდა რუსეთში გასამართლებულ უკრაინელებსა და უკრაინულ გემებზე გასაცვლელად. ვისოცკის, რომელსაც უკრაინული პასპორტი აქვს, კიევის სასამართლომ 12 წლით პატიმრობა მიუსაჯა ჯაშუშობისთვის ქვეყნის სასარგებლოდ, რომელიც არ სახელდება. მისი დანაშაულის შემადგენლობა გასაიდუმლოებულია. 6 ივნისს ლეონიდ კუჩმამ... Читать дальше...

ბლოკ "ევროპული საქართველო-თავისუფალი დემოკრატების" მთაწმინდის მაჟორიტარობის კანდიდატმა შალვა შავგულიძემ ამომრჩევლებს მოუწოდა, იაქტიურონ 9 ივნისის არჩევნებში. მისი თქმით, ასეთ შემთხვევაში ხელისუფლება ვერ შეძლებს "მაქინაციებით" გაანეიტრალოს მასობრივად გამოხატული ხალხის ნება. "არჩევნები, ეს მართლაც არის უმნიშვნელოვანესი დემოკრატიული პროცესი, რა დროსაც ხალხი უშუალოდ ირჩევს ხელისუფლების წარმომადგენლებს და მთაწმინდაზე ხვალ ასეთი დღეა. რაც შეეხება მოლოდინებს, მინდა, მივმართო მთაწმინდის ოლქის ამომრჩეველს... Читать дальше...

აშშ-მა თურქეთს 31 ივლისამდე დაუწესა ვადა, რათა გააუქმოს გარიგება რუსეთისგან საჰაერო თავდაცვის სისტემების შესყიდვის თაობაზე. წინააღმდეგ შემთხვევაში ის დაკარგავს წილს F-35 სამხედრო თვითმფრინავების პროექტში, რომელსაც აშშ უძღვება. აშშ-ის თავდაცვის მინისტრის მოადგილემ, ელენ ლორდმა 8 ივნისს გარდა ამისა განაცხადა, რომ გარიგება თუ არ გაუქმდა, ასევე შეწყდება თურქი მფრინავების აშშ-ში გაწვრთნის პროგრამა F-35 გამანადგურებლებისთვის, რომლებსაც თურქეთი აშშ-ისგან ყიდულობს. ლორდის თქმით, დაწესებული ვადა თურქეთს საკმარის დროს მისცემს საიმისოდ... Читать дальше...

8 ივნისს მონტენეგროს საფეხბურთო ნაკრების მწვრთნელი ლიუბიშა ტუმბაკოვიჩი თანამდებობიდან გაათავისუფლეს მას შემდეგ, რაც მან უარი თქვა, მონაწილეობა მიეღო მისი გუნდის მატჩში ნაწილობრივ აღიარებული კოსოვოს ნაკრებ გუნდთან. ასევე გაათავისუფლეს გუნდის ორი ფეხბურთელი. ტუმბაკოვიჩმა, მისმა მოადგილე საშა იანკოვიჩმა და სერბული წარმომავლობის ორმა ფეხბურთელმა უარი თქვეს, მონაწილეობა მიეღოთ ევროპის 2020 წლის ჩემპიონატის შესარჩევ მატჩში კოსოვოს წინააღმდეგ, რომელიც ერთ დროს სერბეთის ნაწილი იყო და რომელსაც ბელგრადი არ აღიარებს. Читать дальше...

"ქართული ოცნება“ მეორე ტურის წინ დაგვპირდა, რომ სრულ მობილიზაციას მოახდენდა და მან ეს დაპირება მართლა შეასრულა და მოახერხა ყველა ბინძური ხერხის და მეთოდის მობილიზება" - განაცხადა  პარტია "თავისუფალი დემოკრატების" ლიდერმა ნინო გოგუაძემ 8 ივნისს გამართულ ბრიფინგზე, რომელის წინასააარჩევნო გარემოს შეფასებას ისახავდა მიზნად.  "ყველაზე ამაზრზენი იყო იმის ყურება, თუ როგორ დაესხა ერთ მართალ ადამიანს თავს, იმ ადამიანს, რომელიც მთელი ცხოვრება რიგით მოქალაქეებს და მათ ოჯახებს იცავდა. იცავდა ხელისუფლების თვითნებობისგან... Читать дальше...

ელენე ხოშტარიამ მთაწმინდაზე რიგგარეშე არჩევნების მეორე ტურის წინ ნინო გოგუაძესთან ერთად ბრიფინგი გამართა და წინასააარჩევნო გარემო შეაფასა.  "მთაწმინდელი ამომრჩევლის შეურაცხყოფაა, როდესაც გგონია, რომ სიძულვილის დათესვით, ტყუილების მოგონებით აიძულებ, მიაცემინო ხმა სასურველი კანდიდატისთვის," - თქვა „ევროპული საქართველოს“ წევრმა ელენე ხოშტარიამ, რომელმაც ისაუბრა ასევე "სამართლიანი არჩევნების" ანგარიშზე, სადაც საუბარია არჩევნების წინ facebook_ზე გავრცელებულ დისკრედიტაციულ კამპანიაზე.  „პირველ ტურში ჩვენმა ღირსეულმა კანდიდატმა... Читать дальше...

აშშ-ის პრეზიდენტმა დონალდ ტრამპმა გამოაცხადა, რომ უარს ამბობს მექსიკიდან იმპორტირებულ საქონელზე 5-პროცენტიანი გადასახადის შემოღებაზე. ტრამპის ადმინისტრაცია ორშაბათიდან გეგმავდა ამ გადასახადის შემოღებას მექსიკის ხელისუფლების დასარწმუნებლად, რომ შეაჩეროს ცენტრალური ამერიკიდან იმ მიგრანტების ნაკადი, რომლებიც მექსიკის გავლით აშშ-ის საზღვრებისკენ მიემართებიან. ტრამპმა ამის შესახებ ტვიტერში დაწერა.  სახელმწიფო დეპარტამენტის განცხადების თანახმად, მექსიკის მთავრობამ პასუხისმგებლობა იკისრა, ეროვნული... Читать дальше...

კომპანია "ავიატორ+"-ის დირექტორმა, გიორგი მოლოდინაშვილმა ყაზბეგში ჩამოვარდნილ ვერტმფრენთან დაკავშირებით პრესკონფერენცია გამართა. ვერტმფრენის ჩამოვარდნას 3 ადამიანის სიცოცხლე ემსხვერპლა.  "ვერტრმფრენმა შემოწმების შემდეგ, როგორც რეგლამენტითაა გათვალისწინებული, სატესტო ფრენა შეასრულა. წარმატებული სატესტო ფრენის შემდეგ, ვერტმრფრენი დაშვებული იქნა კომერციულ ფრენებზე, "- თქვა ყაზბეგში ჩამოვარდნილი ვერტმფრენის მფლობელი კომპანიის დირექტორმა.  "ეს ქეისი, საერთაშორისო დონისაა. ვერტმფრენი აშშ-ი იყო გამოშვებული... Читать дальше...

თბილისში, სამტრედიის ქუჩის პირველ ნომერში მდებარე ბინაში გარდაცვლილი ქალი იპოვეს. საგანგებო სიტუაციების მართვის სამსახურის ცნობით უწყებაში შევიდა შეტყობინება, რომ ბინიდან უსიამოვნო სუნი იგრძნობოდა. მეზობლების თქმით, მათ კარს არავინ უღებდა, რის შემდეგაც, გამოიძახეს მაშველები. ადგილზე მისულ სამაშველო სამსახურის თანამშრომლებს ბინაში დახვდათ ქალის ცხედარი. ბინაში იმყოფებოდა კიდევ ორი ქალი, რომელთაგან ერთი იყო კონტაქტური, მეორე კი, უგონო მდგომარეობაში. […]

ჰონ-კონგში სასამართლო რეფორმის წინააღმდეგ მარშის ორგანიზატორები აცხადებენ, რომ ქუჩებში გაიყვანენ სულ მცირე 500 ათას ადამიანს. კვირას ისინი საპროტესტო აქციას გამართავენ კანონპროექტის წინააღმდეგ, რომელიც საშუალებას იძლევა ეჭვმიტანილების ექსტრადიციას მეგაპოლისიდან მატერიკულ ჩინეთში. ჰონ-კონგში ჯერჯერობით შენარჩუნებულია დამოუკიდებელი სასამართლო სისტემა, რომელიც ქალაქში დარჩა ბრიტანული ადმინისტრაციის პერიოდიდან. ოთხშაბათს ქალაქის საკანონმდებლო საბჭოში დაიწყება დებატები კანონის მიღებაზე, რომლითაც ნებადართული... Читать дальше...

ვებსაიტ „მედუზის“ ჟურნალისტ ივან გოლუნოვს წაუყენეს დიდი რაოდენობით ნარკოტიკების გასაღების მცდელობის ბრალდება. ამის შესახებ იტყობინება უფლებადამცველი ორგანიზაცია „აგორა“. რუსეთის სისხლის სამართლის კოდექსის შესაბამისი მუხლი ითვალისწინებს თავისუფლების აღკვეთას 10-დან 20 წლამდე. „აგორის“ ხელმძღვანელი პაველ ჩიკოვი წერს, რომ გოლუნოვი ცუდად გახდა პოლიციის განყოფილებაში, მაგრამ გამომძიებელი მასთან არ უშვებს სასწრაფო დახმარებას. არის ეჭვი, რომ დაკავებულს გატეხილი აქვს ნეკნი, აქვს ტვინის შერყევა და ჰემატომა. Читать дальше...

სანათა ოჩიაური ერთ-ერთია იმ მასწავლებლებს შორის, რომლებიც სკოლიდან ტრანსპორტით და როგორც უთხრეს, "სამინისტროს დავალებით" წაიყვანეს ლექციის მოსასმენად. სანათამ აკაკი მინდიაშვილის ქრისტიანობისა და სახარების არსზე მიძღვნილი ლექციის მოსასმენად 100 კილომეტრი გამოიარა ისე, რომ მისთვის არავის უკითხავს ჭირდებოდა თუ არა ეს ლექცია, აინტერესებდა თუ არა ლექციის თემა და ჰქონდა თუ არა ამის დრო. ლექციაზე დასწრებისთვის მას სკოლაში 5 გაკვეთილის გაცდენამ მოუწია. დარბაზში, სადაც სანათას და სხვა მასწავლებლებს აკაკი მინდიაშვილი ლექციას კითხულობდა... Читать дальше...

ჩვენი ქვეყანა არის მე-3 ადგილზე მსოფლიოში საგადასახადო რეჟიმის სიმსუბუქის თვალსაზრისით, რისი მიღწევაც არ იყო მარტივი; ჩვენ დღესაც გვაქვს ჯანსაღი ბალანსი ინფრასტრუქტურაში და ადამიანურ კაპიტალში მზარდ ინვესტიციებსა და დაბალი გადასახადების შენარჩუნებას შორის, - თქვა საქართველოს პრემიერ-მინისტრმასიეტლის მსოფლიო ურთიერთობათა საბჭოში (World Affairs Council) სიტყვით გამოსვლისას განაცხადა.  მამუკა ბახტაძის თქმით, საქართველოს აქვს ყველაზე ღია ეკონომიკა მსოფლიოში, რასაც ადასტურებენ მსოფლიო ბანკი, საერთაშორისო... Читать дальше...

ჩვენი სტრატეგია მიმართულია საქართველოს გარდაქმნისკენ რეგიონის ტურიზმის, საერთაშორისო ბიზნესის, ლოგისტიკურ, საგანმანათლებლო და ინოვაციების ცენტრად, - თქვა საქართველოს პრემიერ-მინისტრმა  სიეტლის მსოფლიო ურთიერთობათა საბჭოში (World Affairs Council) სიტყვით გამოსვლისას განაცხადა.  მამუკა ბახტაძემ საქართველოში დემოკრატიული ინსტიტუტებისა დაგანვითარების კუთხით გადადგმულ ნაბიჯებსა და მიღწეულ წარმატებებზეც ისაუბრა.  “28 წლის განმავლობაში ჩვენ მივყვებით ჩვენს დემოკრატიულ კურსს, როგორც დამოუკიდებელი სახელმწიფო. Читать дальше...

კვიპროსი გახდა ევროკავშირის/ შენგენის სივრცეში მე-13 ქვეყანა, რომელმაც საქართველო უსაფრთხო ქვეყნების სიაში შეიყვანა. (საქართველო უსაფრთხო წარმოშობის ქვეყნების სიაში შეყვანილი ჰყავს ბულგარეთს,საფრანგეთს, ლიხტენშტაინს, ავსტრიას, ბელგიას, ნიდერლანდებს,ისლანდიას, ლუქსემბურგს, ირლანდიას, ესტონეთს, დანიასა და ჩეხეთს). პირველად ინფორმაცია იმის შესახებ, რომ  კვიპროსი საქართველოს უსაფრთხო ქვეყნად აღიარებდა, საქართველოში კვიპროსის პრეზიდენტის ვიზიტის დროს საქართველოს პრეზიდენტმა, სალომე ზურაბიშვილმა გაახმაურა. Читать дальше...