ტაჯიკეთის კოლონიაში ამბოხების დროს სამი მცველი და 29 პატიმარი მოკლეს
ტაჯიკეთის იუსტიციის სამინისტროს თანახმად, ციხის სამი მცველი და 29 პატიმარი იქნა მოკლული ამბოხების დროს, რომელიც დუშანბედან 15 კილომეტრში მდებარე მკაცრი რეჟიმის კოლონიაში 19 მაისს, საღამოს დაიწყო.
ეს იყო მეორე ამბოხება ტაჯიკეთის საპატიმროში ბოლო ნახევარ წელიწადში.
სამინისტროს თანახმად, ხუთი პატიმარი მეამბოხეებმა მოკლეს, სხვა 24 „ლიკვიდირებულ იქნენ“ ამბოხების ჩახშობის დროს.
სამინისტროს განცხადებით, შეტაკება დაიწყო, როცა 30-მდე პატიმარმა, რომლებიც გაასამართლეს სხვადასხვა ექსტრემისტულ შეიარაღებულ დაჯგუფებაში, მათ შორის „ისლამურ სახელმწიფოში“ წევრობისთვის, სამი მცველი მოკლეს. მეამბოხეები შეიარაღებული იყვნენ დანებით და სხვა ბასრი საგნებით.
განცხადების თანახმად, ამბოხებულთა ერთ-ერთი ლიდერი იყო ბეჰრუზ გულმუროდი, ვაჟი გულმუროდ ჰალიმოვისა, რომელიც ადრე ტაჯიკეთის შინაგან საქმეთა სამინისტროს მეთაური იყო და 2015 წელს „ისლამური სახელმწიფოს“ რაზმს შეუერთდა.
ოფიციალური ცნობით, დააკავეს 35 ადამიანი. აღძრულია სისხლის სამართლის საქმე.
შარშან ნოემბერში ამბოხება მოხდა ტაჯიკეთის მკაცრი რეჟიმის სხვა კოლონიაში, რასაც 23 პირი, მათ შორის ორი მცველი ემსხვერპლა.