პუტინი იმუქრება, რომ რუსეთი რაკეტებს დაუმიზნებს ვაშინგტონს

რუსეთის პრეზიდენტი აცხადებს, რომ თუ ვაშინგტონი საშუალო სიშორის რაკეტებს განათავსებს ევროპაში, მაშინ მოსკოვი მიზანში ამოიღებს არა მხოლოდ ამერიკული რაკეტების მასპინძელ ქვეყნებს არამედ საკუთრივ აშშ-ს. ამის შესახებ ვლადიმირ პუტინმა 20 თებერვალს ისაუბრა ფედერალური კრებისადმი - რუსეთის პარლამენტის ზედა და ქვედა პალატების დეპუტატების წინაშე, ყოველწლიური მიმართვით გამოსვლის დროს.

 

„დაე აშშ-ში დათვალონ ჩვენი შეიარაღებული სისტემების სისწრაფე და სიშორე. მოდი ჯერ დათვალონ და შემდეგ გადაწყვეტონ დამუქრება ვენქვეყნის მისამართით“, - განაცხადა ვლადიმირ პუტინმა, რომლის აზრით, აშშ-ი ატარებს ანტირუსულ პოლიტიკას, ხოლო რუსეთი არ არის დაინტერესებული აშშ-თან კონფრონტაციით და მშვიდობას ესწრაფვის.

 

ფედერალური კრებისადმი ყოველწლიურ მიმართვაში პუტინმა ხაზი გაუსვა, რომ მალე არმია შეიარაღებაში მიიღებს საკონტინენტთაშორისო ბალისტიკურ რაკეტებს „სარმატს“, ჰიპერზებგერით კომპლექს „ავანგარდს“, ლაზერულ კომპლექს „პერესვეტსა“ და საზღვაო კომპლექს „პოსეიდონს“.

 

პუტინის წლევანდელი მიმართვის ფონია რუსეთის პრეზიდენტის მიმართ ბოლო 13 წლის განმავლობაში ქვეყნის მოსახლეობის სარეკორდოდ დაბალი ნდობა. კრემლთან დაახლოებული კვლევითი კომპანიის მიერ ჩატარებული სოციოლოგიური გამოკითხვის თანახმად, ყველა ხუთი გამოკითხულიდან ერთი ცხოვრობს სიღარიბის ზღვარს მიღმა. რუსეთი კვლავ იმყოფება მკაცრი ეკონომიკური სანქციების ქვეშ 2014 წლის ყირიმის ანექსიისა და აღმოსავლეთ უკრაინის დესტაბილიზაციისთვის, რომლის შედეგად 10 300-ზე მეტი ადამიანი დაიღუპა.