ATP-Դոհա․ Ռուբլյովը եզրափակչում է․ Վավրինկան պարտվել է կիսաեզրափակչում
Արաբական Միացյալ Էմիրությունների մայրաքաղաք Դոհայում ավարտին է մոտենում թենիսի ATP 250 շարքի մրցաշարը։
Այսօր կայացել են կիսաեզրափակիչ հանդիպումները։ Ռուս թենիսիստ Անդրեյ Ռուբլյովը երկու սեթում վստահ հաղթանակ է տարել Միոմիր Կեչմանովիչի նկատմամբ։ Գրանցվել է 6-3, 6-1 հաշիվը։
Երկրորդ կիսաեզրափակչում անակնկալ է գրանցվել։ Մրցաշարի առաջին համար, շվեյցարացի Ստեն Վավրինկան երեք սեթում զիջել է ֆրանսիացի Կորենտին Մուտեին։ Մեծ սաղավարտի մրցաշարերի եռակի չեմպիոնը երեք սեթում պարտվել է 6-3, 5-7, 3-6 հաշվով։
Այսպիսով, եզրափակչում միմյանց դեմ մրցելու են Անդրեյ Ռուբլյովն ու Կորենտին Մուտեն։