«Յուվենտուս»-ն առաջարկ է արել Հալանդին․ հայտնի են մանրամասները
Թուրինի «Յուվենտուսը» ցանկանում է ձեռք բերել «Զալցբուրգի» հարձակվող Էրլինգ Հալանդին։ Այս մասին տեղեկացնում է Armsport-ը` հղում անելով Corriere dello Sport-ին:
Նշվում է, որ «բիանկոներիները» 19-ամյա հարձակվողին պատրաստ են տարեկան 3 միլիոն եվրո աշխատավարձ վճարել։ Թուրինյան ակումբի ներկայացուցիչները ցանկանում են այլ մանրամասներ քննարկել ֆուտբոլիստի գործակալ Մինո Ռայոլայի հետ։
Հաղորդվում է, որ նշված 3 միլիոն եվրո աշխատավարձից բացի «Յուվենտուսը» նախատեսում է նաև մի շարք պարգևավճարներ Հալանդի համար։