«Մանչեսթեր Յունայթեդը» պատրաստ է «Յուվենտուսի» հարձակվողի համար վճարել 60 մլն եվրո
Թուրինի «Յուվենտուսի» հարձակվող Դուգլաս Կոստան կարող է տեղափոխվել «Մանչեսթեր Յունայթեդ»:
Ինչպես հաղորդում է Sky Sports-ը` հղում անելով Rai Sport-ին, անգլիական ակումբը պատրաստ է 28-ամյա բրազիլացու տրանսֆերի դիմաց «ծեր սինյորային» վճարել 60 մլն եվրո:
Ավելի վաղ հաղորդվում էր, որ «Մանչեսթեր Յունայթեդը» մտադիր է իրագործել տեղափոխությունն արդեն ձմռանը:
Ըստ Mirror-ի` մանչեսթերյան ակումբը դեռ չի պատրաստվում գումար տրամադրել թիմի նորանշանակ գլխավոր մարզիչ Ուլե-Գունար Սուլշերին` տրանսֆերներ իրականացնելու համար:
Նշենք, որ ընթացիկ մրցաշրջանում Կոստան մասնակցել է Ա Սերիայի 4 հանդիպման: Հարձակվողի և թուրինյան ակումբի միջև կնքված պայմանագրի ժամկետը նախատեսված է մինչև 2022 թվականը: