Ռոնալդուի դուբլը կամային հաղթանակ պարգևեց «Յուվենտուսին» (տեսանյութ)
Իտալիայի Ա Սերիայի 10-րդ տուրում Թուրինի «Յուվենտուսը» հյուրընկալվեց «Էմպոլիին»:
«Ծեր սինյորան» դժվարությամբ հաղթանակ տոնեց: Հաշիվը բացեցին տանտերերը: 28-րդ րոպեին գոլի հեղինակ դարձավ Կապուտոն:
Երկրորդ կեսում իր մասին կրկին խոսեցնել տվեց թուրինցիների աստղային նորեկը` Կրիշտիանու Ռոնալդուն: Պորտուգալացին ամեն ինչ իր ձեռքը վերցրեց ու, դուբլի հեղինակ դառնալով, հաղթանակ պարգևեց իր թիմին:
Հարձակվողը հաշիվը հավասարեցրեց 11 մետրանոցից, իսկ 70-րդ րոպեին հեռահար գեղեցիկ հարվածով հաշիվը դարձրեց 2:1:
«Յուվենտուսը» շարունակում է անպարտելի մնալ Ա Սերիայում ու 28 միավորով գլխավորում է մրցաշարային աղյուսակը: «Էմպոլին» 6 միավորով 18-րդն է: