Իրանի արտգործնախարարը այցելում է Պեկին, Մոսկվա և Բրյուսել՝ միջուկային համաձայնագրի հարցով
Չինաստանը հաստատել է, որ բանակցությունների օրակարգում է նաև Իրանի միջուկային համաձայնագրի հարցը:
«Ինչպես մեր երկրի նախագահն ասել է՝ մենք պատրաստ ենք բոլոր զարգացումներին», - այսօր հայտարարել է Մոհամադ Ջավադ Զարիֆը, - «Եթե միջուկային համաձայնագիրը պետք է պահպանվի, Իրանի ժողովրդի շահերը պետք է պաշտպանվեն»:
Իրանի նախագահ Հասան Ռոհանին այսօր վերահաստատել է, որ Թեհրանը դուրս չի գա միջուկային համաձայնագրից, եթե իր շահերը պաշտպանվեն:
Մայիսի 9-ին Ամերիկայի Միացյալ Նահանգների նախագահ Դոնալդ Թրամփն հայտարարեց 2015 թվականին միջազգային համայնքի և Իրանի կնքած միջուկային պայմանագրից դուրս գալու և Իրանի նկատմամբ սահմանած, բայց պայմանագրով սառեցված պատժամիջոցները «նոր թափով վերականգնելու» մասին: