Անչելոտին բանակցություններ է վարում «Նապոլիի» հետ
«Fotball Italia»-ն տեղեկացնում է, որ «Նապոլին» գլխավոր մարզչի պաշտոնում դիտարկում է Կարլո Անչելոտիի տարբերակը:
Նեապոլցիների ներկայիս գլխավոր մարզիչ Մաուրիցիո Սարին պատրաստվում է լքել թիմը ակումբի նախագահի հետ ունեցած տարաձայնությունների պատճառով:
Իտալական լրատվամիջոցները վստահեցնում են, որ «Նապոլիի» նախագահ Աուրելիո Դե Լաուրենտիսը արդեն մի քանի անգամ հեռախոսազանգ է ունեցել Անչելոտիի հետ, իսկ մայիսի 21-ին նրանք պատրաստվում են անձամբ հանդիպել:
Նշվում է, որ Սարին կարող է գլխավորել «Միլանը», եթե «ռոսոներիները» թիմից հեռացնեն Ջենարո Գատուզոյին: