Կալիֆորնիայում արտակարգ դրություն է հայտարարվել անտառային հրդեհների պատճառով (լուսանկարներ, տեսանյութ)
ԱՄՆ-ի Կալիֆորնիա նահանգի նահանգապետ Ջերի Բրաունն արտակարգ դրություն է հայտարարել Վենտուրա շրջանում, ինչը պայմանավորված է արդեն մի քանի օր մոլեգնող անտառային հրդեհներով, հայտնում է Los Angeles Daily News-ը:
«Այս հրդեհը շատ վտանգավոր է ու արագ տարածվում է, բայց մենք բոլոր միջոցներով պայքարելու ենք դրա դեմ: Ես՝ Կալիֆորնիայի նահանգապետ Ջերի Բրաունս, արտակարգ դրություն եմ հայտարարում Վենտուրա շրջանում»,-ասվում է նրա պաշտոնական հայտարարությունում:
Ավելի վաղ Վենտուրայի հրշեջ ծառայությունը տեղեկացրել էր, որ շրջանից տարհանվել է 27.000 բնակիչ, մինչդեռ առանց էլեկտրաէներգիայի է մնացել 260.000 մարդ, որից 180.000-ը՝ Վենտուրայում, 83.000-ը՝ Սանտա Բարբարայում:
Հայտնի է, որ հոկտեմբերի սկզբին անտառային հրդեհները պատուհասել էին Կալիֆորնիայի մի շարք շրջանների: Ընդհանուր առմամբ, տարերային աղետի զոհ է դարձել 43 մարդ, մինչդեռ հասցված վնասի չափը գերազանցել է 3.3 մլրդ դոլարը: