Новости за 12.04.2021

Бедарш юхку туька а, цу чуьра 4 белхахо а, пхи чувеана стаг а закъалте эцна Iийна вахархо лаьцна БуьритIехь. Оцу хьокъехь Кавказ.Реалиига хаийтина меттигерчу хьасташа. Хьалхо, Охан-беттан 12-чохь гIалин юккъерчу базарахь лаьттачу туьканна чуиккхина хилла иза, ша итт кийла тротил оккхуйтур ду аьлла. Меттиг гонелаьцна полицино, даьхкина цига орцан дакъош а, сихха гIо кхачочу медицинан машенаш а. Базарара кхерамзаллечу метте арабаьхна луларчу туьканашкара йохк-эцархой. Кавказ.Реалиигахь йолчу информацмца, хиламехь зен хилла вац цхьа а.

Францера депортаци йинчу мухIажаран Гадаев Мохьмадан ТIехьа-Мартанан кIоштарчу Закан-Юьртахь ехачу ненан цIийнах хьаьвсина кадыровхой. ДIахьедина, тхов тIехь шайна маса-топ карийна аьлла. Закан-Юьртарчу ненан хIусамехь Гадаев хиланза 11 шо ду, хаам бина Кавказ.Реалиига цуьнгахь хиллачу зудчо ПетIамата. "Герз Мохьмадах хьарчо бохку уьш [ницкъхой], бехк кхолла бохку. Францехь мухIажар ваьлла вехачу цо муха дIалур дара герз, цIа а вахана, тIаккха муха юхагIур вара? Боккха бала бу бохьуш берг", – аьлла зудчо. Читать дальше...

Талламан комитетан Къилбаседа Кавказерчу коьртачу урхалле арз хьажийна, Нохчийчохь 2017-чу шеран Дечкен-беттан 26-чу буса 27 стаг лачкъор а, вер а толлуш, бехктакхаман гIуллакх цагIатторна дуьхьал. Шен орзехь адвоката Немов Александра тидам тIебохуьйту оцу ирчачу хиламца дозу керла хьал гучудаларна. Иза ду "Новая газетехула" Кадыров Ахьмадан цIарахчу полкехь полицин гIаролан №2 ханехь болх бинчу Гезмахмаев Сулимана дина тоьшалла. Цо ша еллачу интервьюхь дийцина лецначу нахана тIехь гIелонаш ярх лаьцна. Читать дальше...

Бизнесехь уггаре кIезиг бахархой болу регион ю Оьрсийчоьнан Къилбе; Нохчийчуьрчу пенсионеро нах шена къинтIерабаьхна махкахь вакцина ницкъаша йойту аларна; Дагестанхо лаьцна Москвахь эскархочунна еттарна

Ницкъаллин структурийн белхахоша 2010-чу шарахь лачкъийна 5 баттахь Соьлж-ГIалахь нохчийн ОМОН-ан базехь латтийначул тIаьхьа махках ваьлла лелла нохчо Гадаев Мохьмад араваьккхина Оьрсийчу дIахьажийра Францин Iедалша.

Къилба а, Къилбаседа а Кавказан федералан гонаш бу жимчу а, юккъерчу а бизнесна юкъа уггаре кIезиг бахархой ийзабелла регионаш. Масанхьачул а ледара ду хьал ГIалгIайчохь а, Нохчийчохь а. Ткъа ГIалмакхойчоь лидер ю 2020-чу шарахь бизнесехь балхара дукха нах дIабахарца. РИА Рейтинг-о бинчу талламо гайтарехь, 15% нах бу бизнесехь къахьоьгуш. Рейтинган лидерашлахь ю Петербург, Новосибирскан а, Калиниградан а мехкаш. Къилбаседа Кавказан республикашкахь гIолехьа ду бизнесехь нах хиларца Къилбаседа ХIирийчохь ... Читать дальше...

Нохчийчоьнан Iедало пенсионераш пенсех бохур бу, нагахь санна цара шайна "Спутник V" вакцина ца тохийтахь, аьлла аудио яржийначу ГIойтIарчу вахархочо шена къинтIерабовлар дехна официалехь. "Ас оцу къамелехь хьаштдоцург дийцинера. Гергарчаьрга а, накъосташка а, махке а сайна кIинтIерадовлар доьху ас. Цхьа а вац сан пенси дIахадо лерина. Вакцина тохийтахь а, я ца тохийтахь а, шайн пенсеш массарна а ду лур долуш. Со чIогIа юьхьIаьржа ву", – аьлла ду "Кавказский узело" далийна цуьнан дешнаш. И... Читать дальше...

Москварчу пачхьалкхан юридикан академера 22 шо долу лаборант лаьцна, харцхьа лелаш, коьрта шахьаран центрехь эскархочунна-майорна еттарх йолчу шеконца. Хьалхо 42 шо долчу майора арздина хилла, шена йиттина аьлла. Цо дийцарехь, вевзаш воцчу стага, цхьа а бахьана а доцуш, бетах шозза тоьхна цунна, кагбина мара, корта талхийна, "кхин а цхьацца меттигаш а" лазийна, яздина хаамийн "Москва" агенталло. Лаьцначу дагестанхочо тIеэцна шена зулам дарх болу бехк. Дов гIаттийна майоран могашаллина зен дарна. Читать дальше...

Францера экстрадици йина мухIажар Гадаев Мохьмад Нохчийчуьра баьхкинчу ницкъхошка республике дIавигийтина Новый Уренгойн полицино. Оцу хьокъехь хаийтина "Новая газето", адвокатна Цветков Семенна тIе а тевжаш. Новый Уренгойрчу полисхошка шена пачхьалкхан цIарх кхерамзалла ехнера Гадаевс. Ша ницкъаша Оьрсийчу дIакхачийча, цигахь, къайлаваьлла, сецнера иза. Ша тIевоьссина цIа кадыровхоша гонелаьцча, дира цо полицига шен дехар. Кавказ.Реалиига "Iазапна духьалоечу комитетехь" бинчу хаамца, Нохчийчуьра... Читать дальше...

Ницкъаллин структурийн белхахоша 2010-чу шарахь лачкъийна 5 баттахь Соьлж-ГIалахь нохчийн ОМОН-ан базехь латтийначул тIаьхьа махках ваьлла лелла нохчо Гадаев Мохьмад араваьккхина Оьрсийчу дIахьажийра Францин Iедалша. Гадаевн адвокато Цветков Семена дийцарехь, иза цкъа дуьххьара Москва валийра, цул тIаьхьа дIахьажийра цуьнан ваша вехачу Ямале. Ткъа цигахь Керла Уренгой гIаларчу чоьхьарчу гIуллакхийн министраллан декъан белхахоша дIавелла Гадаев нохчийн полисхошка, хаам бо "Новая газето". Адвокатана хетарехь... Читать дальше...

Шайн Натанзе гIалина уллерчу заррат герз арахоьцийлехь нийсъелла инцидент "терроран акт" ю аьлла ГIажарийчоьнан Iедалша. Цкъачунна цхьаммо а жоьпалла тIе ца эцна шена кIирадийнан Iуьйранна ГIажарийчоьнан зарратан герз дечу лаьтта бухарчу объектехь серло дIаяйъарх. Тегеранан шеко уггаре хьалха тIеюжу Израилан къайлахчу сервисашна, билгалдоккху Associated Press агенталло.  Малхбалехь ишта а къайлах конфликт латточу шина агIонан юкъаметтигаш шеллур ю, нагахь санна Израиль хиллачунна бехке ларар бух ца карош дисахь. Читать дальше...