Польшча ініцыявала стварэнне кааліцыі краін, якія пастаўляюць танкі Украіне
Польшча выступіла з ініцыятывай стварэння кааліцыі краін-пастаўшчыкоў сучаснай бронетэхнікі ва Украіну. У тым ліку і цяжкія танкі.
Пра гэта паведаміў міністр абароны Польшчы Марыюш Блашчак у сваім асабістым акаўнце ў Twitter.
Ён напісаў: «Па маёй ініцыятыве мы правялі перамовы паміж краінамі, у якіх ёсць танкі Leopard 2A4, аб сумесным стварэнні кааліцыі донараў сучаснай бранятанкавай зброі для Украіны». Пра якія менавіта дзяржавы ідзе гаворка, міністр абароны не ўдакладніў. Аднак Leopard 2A4 стаіць на ўзбраенні многіх еўрапейскіх краін.
У апошнія дні некалькі заходніх саюзнікаў Украіны аб’явілі, што плануюць паставіць Кіеву баявыя танкі. Сярод іх ЗША, Нямеччына, Вялікая Брытанія, Польшча, Канада, Нарвегія, Гішпанія і Славакія.
Агулам Кіеў можа атрымаць 321 замежны танк. Пра гэта заявіў амбасадар Украіны ў Францыі Вадзім Амельчанка.
Беларускае Радыё Рацыя
Artykuł Польшча ініцыявала стварэнне кааліцыі краін, якія пастаўляюць танкі Украіне pochodzi z serwisu БЕЛАРУСКАЕ РАДЫЁ РАЦЫЯ.