Џьениа Боча Аџьынџьал изы: иԥсҭазаара зегьы иԥсадгьыл аӡыргара иазикит
Нанҳәа 25 рзы Аԥсны аҵыхәтәантәи имҩахь днаскьаргоит еицырдыруа аԥсуа аҟазараҭҵааҩ, Аԥсны ашәҟәыҩҩцәеи, ажурналистцәеи, асахьаҭыхыҩцәеи реидгылақәа иалаз Боча Аџьынџьал. Иара Санкт-Петербург дшынхозгьы ихәыцрақәеи иусуреи зегьы Аԥсны иадҳәалан ҳәа азгәеиҭеит Аԥсны асахьаҭыхыҩцәа реидгыла ахантәаҩы, иҩыза Витали Џьениа.