Арсалиаԥҳа еиҭалҳәеит Нурбеи Ловпаче ицәыргақәҵа ҷыдарас иамоу атәы
Аҟәа ацәыргақәҵатә зал хадаҿы иаатуеит адыгәатәи асахьаҭхҩы Нурбеи Ловпаче иусумҭақәа рцәыргақәҵа. Уи аус аиҿкаара алыршахеит 2018 шықәса рзы Адыгәатәылеи Аԥсны акультуратә еимадараҿ ирыбжьарҵаз аиқәшаҳаҭра аҳәаақәа ирҭагӡаны ҳәа азгәалҭеит Аԥсны акультуреи аҭоурыхтә-культуратә ҭынха ахьчареи рминистр Ельвира Арсалиаԥҳа арадио Sputnik аефир аҿы.